Gədəbəy Rayon Məhkəməsi Qərar — İş №3(042)-94/2023

Azərbaycan Respublikası adından QƏRAR Gədəbəy rayonu İş № 3(042)-94/2023 04.04.2023 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi, məhkəmə iclas katibi Orucov Anar Möhübbət oğlunun katibliyi, barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxs X2 iştirakları ilə, xx.xx.1961-ci ildə Gədəbəy rayonun, Arıxdam kəndində doğulmuş, Azərbaycan Respublikası vətəndaşı, subay, orta təhsilli, işləməyən, Gədəbəy rayonu, Arıxdam kəndində qeydiyyatda olan və yaşayan Şəxs barəsində Azərbaycan Respublikası İXM-nin 232-1-ci maddəsi ilə Gədəbəy Rayon Polis Şöbəsindən daxil olmuş inzibati xəta haqqında materiala baxaraq, Müəyyən etdi: Gədəbəy Rayon Polis Şöbəsindən Şəxs barəsində Azərbaycan Respublikası İXMnin 232-1-ci maddəsi ilə tərtib edilmiş inzibat xəta haqqında protokol daxil olmuşdur. İşdə olan inzibati X4 görünür ki, Şəxs xx.xx.2023-cü il tarixdə X3 məxsus evin pəncərəsinin şüşəsini sındıraraq, ona 35 manat dəyərində maddi ziyan vurmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək, bildirmişdir ki, o, qızıl mədənində xadimə işləyir. X1 heyvanları onun torpaq sahəsinə gələrək torpaq sahəsini yararsız hala salmışdır. xx.xx.2023-cü il tarixdə polis əməkdaşları Gədəbəy Rayon Polis Şöbəsinə aparmış, lakin ondan izahat almamışlar. O, X1 şüşəsinin sındırmışdır. Ona görə də iş üzrə icraata xitam verilməsini xahiş etdi. Məhkəmə iclasında zərərçəkmiş şəxs izahat verərək, bildirmişdir ki, O, evinin pəncərələrinin şüşəsinin axşam sındığını görmüşdür. Şəxs soruşduqda o, şüşələri sındırdığını etiraf etmişdir. Azərbaycan Respublikası İXM-nin 232-1-ci maddəsinə əsasən özgənin əmlakını qəsdən məhv etməyə və ya zədələməyə görə, bu az miqdarda ziyan vurduqda inzibati xəta nəticəsində vurulmuş ziyanın bir mislindən iki mislinədək məbləğdə cərimə edilir. Beləliklə, məhkəmə araşdırması ilə müəyyən edilmişdir ki, Şəxs xx.xx.2023-cü il tarixdə X3 məxsus pəncərələrin şüşələrini sındırması sübut edilməmişdir. Ona görə də iş üzrə icraata xitam verilməlidir. Məhkəmə, göstərilənlərə əsasən və Azərbaycan Respublikasının İnzibati Xətalar Məcəlləsinin 53, 105, 106-112-ci, 114-115-ci və 117-ci maddəsini rəhbər tutaraq, Qərara aldı: İş üzrə icraata xitam verilsin. Qərarın surəti tərəflərə göndərilsin. Qərardan təqdim olunduğu gündən 10 (on) gün müddətində Gədəbəy Rayon Məhkəməsi vasitəsilə Gəncə Apellyasiya Məhkəməsinə şikayət və ya protest verilə bilər. Sədrlik edən: Fizuli Mirzəquliyev