Gədəbəy Rayon Məhkəməsi Qərar — İş №3(042)-98/2021

Azərbaycan Respublikası adından QƏRAR Gədəbəy rayonu İş № 3(042)-98/2021 16.04.2021 GƏDƏBƏY RAYON MƏHKƏMƏSİ Hakim Kazımov Marif Sabir oğlunun sədrliyi, Məhkəmə iclas katibi X5 oğlunun katibliyi, Qərardan şikayət vermiş şəxs X3 iştirakı ilə, Gədəbəy rayon Polis şöbəsinin xx xxxxxx 2021-ci il tarixli, MN ******* nömrəli inzibati tənbeh vermə haqqında qərarından barəsində inzibati tənbeh tətbiq edilən X3 şikayətinə iş materialları ilə birlikdə məhkəmənin binasında açıq məhkəmə iclasında baxaraq, MÜƏYYƏN ETDİ: İnzibati xəta haqqında materiallardan görünür ki, Gədəbəy rayon Polis şöbəsinin rəisi, X6 tərəfindən qəbul edilmiş xx xxxxxx 2021-ci il tarixli, MN ******* nömrəli inzibati tənbeh vermə haqqında qərarla X3 İXM-in 211.1-ci maddəsi ilə tərtib olunmuş protokola görə 200 manat məbləğində cərimə edilməsini qərara almışdır. X4 məhkəməyə Gədəbəy rayon Polis şöbəsinin xx xxxxxx 2021-ci il tarixli, MN ******* nömrəli inzibati tənbeh vermə haqqında qərarından şikayət verərək həmin qərarın ləğv edilməsini məhkəmədən xahiş etmişdir. X4 şikayətində göstərilənlərlə eyni məzmunlu izahat verərək bildirdir ki, o, ünvan 1 ünvanında yaşayır. O, xx xxxxxx 2021-ci il tarixli, MN ******* nömrəli inzibati tənbeh vermə haqqında qərarla İXM-in 211.1-ci maddəsi ilə tərtib olunmuş protokola görə 200 manat məbləğində cərimə olunmuşdur. Qərarda onun iaşə obyektinə karantin rejimini pozaraq müştəriyə xidmət etməsi göstərilmişdir. O, sahibkarlıq fəaliyyəti həyata keçirmir. Həmin obyektini ona məxsus olması və ya onun işlətməsinə dair heç bir sənəd yoxdur. Onun fiziki şəxs kimi fəaliyyəti üzrə VÖEN-i yoxdur. Bütün bunlar araşdırılmadan barəsində cərimə tətbiq edilmişdir. O, həmin vaxt su donduğuna görə çayxananın qapısını açmış, lakin heç bir xidmət göstərməmişdir. Onun barəsində olan inzibati tənbeh verilmə barədə qəbul olunumuş qərarı əsassız hesab edir. Ona görə də barəsində olan cərimə qərarının ləğv edilməsini istəyir. İnzibati tənbehin verilməsi haqqında qərarından şikayət verilmiş şəxs qanunla müəyyən edilmiş qaydada məhkəmə baxışının vaxtı və yeri barədə xəbərdar edilmiş, lakin üzürlü səbəb olmadan məhkəmə iclasına gəlməmiş, gəlməməsinin səbəbi barədə bildirməmiş, məhkəmə baxışının təxirə salınması barədə məhkəməyə vəsatəti daxil olmamışdır. Məhkəmə İXM-nin 133.2.4-cü maddəsinə əsasən, inzibati tənbehin verilməsi haqqında qərarından şikayət verilmiş şəxsin iştirakı olmadan işə baxılmasını mümkün hesab etmişdir. Məhkəmə inzibati xəta haqqında iş materiallarını araşdıraraq hesab edir ki, aşağıdakı əsaslara görə şikayət təmin edilməlidir. Belə ki, işdə olan Gədəbəy rayon Polis şöbəsinin rəisi, X6 tərəfindən qəbul edilmiş xx xxxxxx 2021-ci il tarixli, MN ******* nömrəli inzibati tənbeh vermə haqqında qərardan görünür ki, X4 xx.xx.2021-ci il tarixdə saat 19:45 radələrində Gədəbəy şəhərində işlətdiyi iaşə obyektində müştərilərə xidmət göstərərək karantin rejimi qaydasını pozmasına görə onun İXM-in 211.1-ci maddəsi ilə tərtib olunmuş inzibati xəta haqqında protokola görə 200 manat məbləğində cərimə edilməsini qərara almışdır. Azərbaycan Respublikasının Nazirlər Kabinetinin Azərbaycan Respublikasında 2020ci il dekabrın 14-dən xüsusi karantin rejiminin sərtləşdirilməsi haqqında xx xxxxxx 2020-ci il qərarına əsasən, 2020-ci il 14 dekabr saat 00:00-dan 2021-ci il 18 yanvar saat 00:00-dək ölkənin bütün ərazisində bu Qərarın 1 nömrəli əlavəsi ilə müəyyən edilmiş iş və xidmət sahələri istisna olmaqla digər iş və xidmət sahələrinin fəaliyyəti dayandırılmışdır. Məhkəmə iclasında müəyyən edildi ki, X4 xx.xx.2021-ci il tarixdə saat 19:45 radələrində Gədəbəy şəhərində işlətdiyi iaşə obyektində müştərilərə xidmət göstərərək karantin rejimi qaydasını pozmasına görə Gədəbəy rayon Polis şöbəsinin rəisi, X6 onu Azərbaycan Respublikası İXM-nin 211.1-ci maddəsi ilə 200 manat məbləğində inzibati cərimə etmişdir. O, həmin vaxt həmin iaşə obyektində olmuş lakin heç bir müştəri xidməti göstərməmişdir. Eləcə də qərardan şikayət vermiş şəxs heç bir sahibkarlıq fəaliyyəti ilə məşğul olmamasını, bunun üçün vergi ödəyicisi kimi qeydiyyatda olmamasını, həmçinin qeyri-yaşayış obyektinin ona məxsus olması barədə sənədin olmamasını bildirmiş, polis əməkdaşları isə bu halları yoxlamadan qərar qəbul etmişdir. İnzibati xətanın anlayışı İXM-in 12-ci maddəsində verilmişdir. Həmin maddəyə əsasən, Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. İnzibati xəta tərkibi dörd əlamətdən ibarətdir. Həmin əlamətlərə aiddir: inzibati xətanın obyekti, obyektiv cəhəti, subyektiv cəhəti və subyekti. İnzibati xətanın obyektiv cəhəti dedikdə, inzibati məsuliyyətə səbəb olan əməlin xarici (görünən, müşahidə edilən) tərəfi başa düşülür. Həmin əməl iki formada – hərəkət və hərəkətsizlik formasında törədilə bilər. Belə ki, hazırki iş üzrə Gədəbəy rayon Polis şöbəsi tərəfindən İXM-in 211.1-ci maddəsi ilə qəbul edilmiş xx xxxxxx 2021-ci il tarixli, MN ******* nömrəli inzibati xəta haqqında qərarda X3 xx.xx.2021-ci il tarixdə saat 19:45 radələrində Gədəbəy şəhərində işlətdiyi iaşə obyektində müştərilərə xidmət göstərərək karantin rejimi qaydasını pozması göstərilmişdir. Məhkəmə iclasında müəyyən edildi ki, X3 adına Vöen hesabı yoxdur və sahibkarlıq fəaliyyəti ilə məşğul olmur. E.Verdiyev həmin vaxt iaşə obyektində olmuş, lakin heç bir müştəriyə xidmət göstərməmişdir. Buna baxmayaraq X3 iaşə obyektində olması karantin qaydalarını pozulması kimi qiymətləndirilmiş və barəsində inzibati xəta haqqında protokol tərtib edilmişdir. Azərbaycan Respublikasının İnzibati Xətalar Məcəlləsinin İXM-in 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-in 211.1-ci maddəsində epidemiya əleyhinə rejimin, sanitariya-gigiyena və karantin rejimlərinin pozulmasına görə inzibati məsuliyyət nəzərdə tutulmuşdur. İXM-in 211.1-ci maddəsinin dispozisiyasında epidemiya əleyhinə rejimin pozulması, sanitariya-gigiyena rejiminin pozulması və karantin qaydalarının pozulmasına görə məsuliyyət yaranır. Şəxsin məsuliyyət cəlb edilməsi üçün bu üç hərəkətdən hər hansı biri baş verməlidir. Məhkəmədə müəyyən oldu ki, X2 iaşə obyektində olmasına görə ona İXM-in 211.1-ci maddəsi maddəsi ilə inzibati tənbeh tətbiq edilmişdir. X1 hərəkət və ya hərəkətsizliyi tam olaraq araşdırılmamış və onun həmin iaşə obyektinə hər hansı səlahiyyətinin olubolmaması müəyyən edilməmişdir. Bu da onu göstərir ki, X3 əməlində İXM-in 211.1-ci maddəsində nəzərdə tutulmuş inzibati xətanın tərkib əlamətləri mövcud deyildir. İXM-in 134.1 və 134.1.3-cü maddələrinə əsasən, iş üzrə qərardan verilən şikayətə və ya protestə baxılaraq bu Məcəllənin 53-cü maddəsində nəzərdə tutulduğu hallarda qərarı ləğv edərək inzibati xəta haqqında iş üzrə icraata xitam verilməsi haqqında qərar qəbul edilir. İXM-in 53.0 və 53.0.2-ci maddələrinin tələblərinə görə, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Belə olan halda məhkəmə hesab edir ki, X3 barəsində Azərbaycan Respublikası İnzibati Xətalar Məcəlləsinin 211.1-ci maddəsi ilə başlanmış inzibati xəta haqqında iş üzrə icraata xitam verilməlidir. Beləliklə, məhkəmə iş materiallarında olan sübutlara tətbiq edilməli hüquq normalarına uyğun hüquqi qiymət verərək hesab edir ki, şikayət təmin edilməli, Gədəbəy rayon Polis şöbəsinin inzibati tənbehin verilməsi haqqında xx xxxxxx 2021-ci il tarixli, MN ******* nömrəli qərarı ləğv edilməli və X3 barəsində Azərbaycan Respublikası İnzibati Xətalar Məcəlləsinin 211.1-ci maddəsi ilə olan inzibati xəta haqqında iş üzrə icraata xitam verilməlidir. Məhkəmə, göstərilənlərə əsasən və Azərbaycan Respublikasının İXM-in 53, 115 və 130-137-ci maddəsini rəhbər tutaraq, QƏRARA ALDİ: X3 şikayəti təmin edilsin. Gədəbəy rayon Polis şöbəsinin inzibati tənbehin verilməsi haqqında xx xxxxxx 2021ci il tarixli, MN ******* nömrəli qərarı ləğv edilsin və X3 barəsində Azərbaycan Respublikası İnzibati Xətalar Məcəlləsinin 211.1-ci maddəsi ilə olan inzibati xəta haqqında iş üzrə icraata xitam verilsin. Qərardan, onun surəti rəsmi qaydada verildiyi gündən 10 (on) gün müddətində Gədəbəy rayon Məhkəməsinə şikayət verilə bilər. Sədrlik edən: Marif Kazımov