Gəncə Şəhəri Kəpəz Rayon Məhkəməsi Qərardad — İş №3(043)-107/2021

Azərbaycan Respublikası adından QƏRARDAD Gəncə şəhəri İş № 3(043)-107/2021 22.01.2021 GƏNCƏ ŞƏHƏRİ KƏPƏZ RAYON MƏHKƏMƏSİ Gəncə şəhəri Kəpəz Rayon Məhkəməsinin hakimi Qocayev Tural Şəmsi oğlu, Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin X4 Şöbəsinin xx xxxx 2020-ci il tarixli, MN ******* saylı inzibati tənbeh vermə haqqında qərarından barəsində inzibati tənbeh tətbiq edilmiş vəzifəli şəxs -«Metalsənaye» Məhdud Məsuliyyətli Cəmiyyətinin direktoru X2 tərəfindən verilmiş şikayətin mümkünlüyünə dair məsələyə baxaraq m ü ə y y ə n e t d i: «Metalsənaye» Məhdud Məsuliyyətli Cəmiyyətinin direktoru X2 Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin X4 Şöbəsinin onun barəsində Azərbaycan Respublikası İXM-in 165.1-ci maddəsi ilə nəzərdə tutulmuş inzibati xətanın törədilməsinə görə inzibati tənbeh tətbiq edilməsinə dair xx xxxx 2020-ci il tarixli, MN ******* saylı qərarından məhkəməyə şikayət verərək həmin qərarın ləğv edilməsini xahiş etmişdir. Şikayəti və əlavə edilmiş sənədləri nəzərdən keçirib hesab edirəm ki, şikayət qanunla müəyyən edilmiş müddət keçdikdən sonra verildiyindən geri qaytarılmalıdır. Belə ki, şikayətə əlavə edilmiş qərardan və xəbərnamədən həmin qərarın xx xxxx 2020-ci il tarixdə qəbul olunduğu və poçt vasitəsilə X1 göndərildiyi, həmin qərarın xx.xx.2020-ci il tarixdə təqdim edildiyi müəyyən edilir. Şikayəti vermiş şəxs həmin qərarın ona daha gec təqdim edilməsi barədə hər hansı sənəd əlavə etməmişdir. Azərbaycan Respublikası İnzibati Xətalar Məcəlləsinin 130.1-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Həmin Məcəllənin 130.2-ci maddəsinə əsasən bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət və ya protest verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Göründüyü kimi X2 inzibati tənbeh vermə haqqında qərarı rəsmi qaydada aldığı vaxtdan bir neçə ay keçdikdən sonra həmin qərardan şikayət vermiş, buraxılmış prosessual müddətin bərpasına dair vəsatət verməmişdir. Buna görə də həmin şikayətin məhkəmə icraatı mümkün deyildir. Yuxarıda göstərilənlərə əsasən, Azərbaycan Respublikası İnzibati Xətalar Məcəlləsinin 114, 115, 128-130, 132-ci maddələrini rəhbər tutaraq, məhkəmə qərara a l d ı: Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin X4 Şöbəsinin xx xxxx 2020-ci il tarixli, MN ******* saylı inzibati tənbeh vermə haqqında qərarından barəsində inzibati tənbeh tətbiq edilmiş vəzifəli şəxs X2 tərəfindən verilmiş şikayət geri qaytarılsın. Hakim: Tural Qocayev