Gəncə Şəhəri Kəpəz Rayon Məhkəməsi Qərar — İş №3(043)-130/2020

Azərbaycan Respublikası adından QƏRAR Gəncə şəhəri İş № 3(043)-130/2020 18.02.2020 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Tağıyev Cavid Tahir oğlunun sədrliyi, Süleymanlı Süleyman Rəşid oğlunun katibliyi ilə, Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə Gəncə Şəhər Baş Polis İdarəsi Dövlət yol polisi şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə müəyyən etdi: Gəncə Şəhər Baş Polis İdarəsi Dövlət yol polisi şöbəsindən Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta törətməsinə dair protokol tərtib edilərək baxılması üçün Gəncə şəhəri Kəpəz Rayon Məhkəməsinə göndərilmişdir. Məhkəməyə təqdim olunmuş inzibati xəta haqqında protokoldan görünür ki, Şəxs yol hərəkəti qaydaları əleyhinə olan inzibati xətanın törədilməsinə görə xx.xx.2019-cu il tarixdə Azərbaycan Respublikası İXM-in 328.1-ci maddəsi ilə təqsirli bilinib 10 manat məbləğində cərimə edilmiş və cərimə olunması barədə qərar qanuni qüvvəyə mindiyi gündən 3 ay ərzində qanunla müəyyən olunmuş əsaslar olmadan icra etmədiyi üçün Gəncə şəhər Baş Polis İdarəsi Dövlət yol polisi şöbəsi tərəfindən Şəxs barəsində Azərbaycan Respublikası İXM-in 529.3-cü maddəsi ilə inzibati xəta törətməsinə dair protokol tərtib edilmişdir. Məhkəmə iclasının vaxtı və yeri barədə inzibati xəta törətmiş Şəxs qanunla müəyyən olunmuş qaydada xəbərdarlıq edilməsinə baxmayaraq o, məhkəmə iclasına gəlməmiş, xx.xx.2020-ci il tarixdə məhkəməyə qəbz göndərmişdir. Məhkəmə Azərbaycan Respublikası İnzibati Xətalar Məcəlləsinin 61.3-cü maddəsinə əsasən işə inzibati xəta törətmiş Şəxs iştirakı olmadan baxılmasını mumkün hesab etmişdir. İşə əlavə edilmiş EQ-762110 nömrəli inzibati tənbeh vermə haqqında elektron qərarın surətindən və elektron məlumat bazasından çıxarışdan görünür ki, Şəxs xx.xx.2019-cu il tarixdə İXM-nin 328.1-ci maddəsi ilə təqsirli bilinib 10 (on) manat məbləğində cərimə olunmuşdur. İşə əlavə edilmiş mədaxil qəbzindən görünür ki, Şəxs EQ-762110 nömrəli inzibati tənbeh vermə haqqında elektron qərar üzrə 10 manat cəriməni və 6 manat dəbbə pulu olmaqla, cəmi 16 manat cəriməni ödəmişdir. Məhkəmə inzibati xəta törətmiş şəxs Şəxs təqdim etdiyi qəbzi, protokolu və ona əlavə edilmiş sənədləri araşdıraraq belə hesab edir ki, Şəxs inzibati xətanın törədilməsinə görə təyin olunmuş cəriməni ödədiyindən Azərbaycan Respublikası İnzibati Xətalar Məcəlləsinin 529-cu maddəsinin qeyd hissəsinə əsasən inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 529-cu maddəsinin qeyd hissəsinə əsasən 529.3-cü maddəsində nəzərdə tutulmuş inzibati xətanı törətmiş şəxs müvafiq cəriməni, dəbbə pulunu, nəqliyyat vasitəsinin duracağa gətirilməsinə və onun orada saxlanılmasına görə haqqı inzibati xəta haqqında iş üzrə məhkəmə qərar qəbul edənədək ödədikdə inzibati məsuliyyətdən azad olunur. Yuxarıda şərh olunanlara əsasən və Azərbaycan Respublikası İXM-nin 43,112,114,115,117,128,130, 152.5 -ci maddələrini rəhbər tutaraq məhkəmə, qərara aldı: Şəxs yol hərəkəti qaydaları əleyhinə olan inzibati xətanın törədilməsinə görə EQ- 762110 nömrəli inzibati tənbeh vermə haqqında qərar üzrə təyin olunmuş cəriməni ödədiyindən inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində Gəncə şəhəri Kəpəz Rayon Məhkəməsi vasitəsi ilə Gəncə Apelyasiya Məhkəməsinə apelyasiya şikayəti və ya protesti verilə bilər.