Gəncə Şəhəri Kəpəz Rayon Məhkəməsi Qərardad — İş №3(043)-26/2022

Azərbaycan Respublikası adından QƏRARDAD Gəncə şəhəri İş № 3(043)-26/2022 21.01.2022 GƏNCƏ ŞƏHƏRİ KƏPƏZ RAYON MƏHKƏMƏSİ Hakim İmanov Zaman Şakir oğlunun sədrliyi, Həsənov Mətin Həsən oğlunun katibliyi ilə, Şəxs barəsində Azərbaycan Respublikasının İnzibati Xətalar Məcəlləsinin 429.0.1-ci maddəsi ilə Azərbaycan Respublikasının Mərkəzi Bankından daxil olmuş inzibati xəta haqqında iş materiallarına baxaraq, məhkəmə m ü ə y y ə n e t d i: Azərbaycan Respublikasının Mərkəzi Bankından Şəxs barəsində Azərbaycan Respublikasının İnzibati Xətalar Məcəlləsinin 429.0.1-ci maddəsi ilə inzibati xəta haqqında protokol tərtib edilərək materiallarla birlikdə baxılması üçün Gəncə şəhəri Kəpəz Rayon Məhkəməsinə göndərilmişdir. Məhkəmə, iş materiallarını araşdıraraq hesab edir ki, inzibati xəta haqqında iş Azərbaycan Respublikasının Mərkəzi Bankına qaytarılmalıdır. Belə ki, 01 yanvar 2022-ci il yanvarın 1-dən qüvvədə olan Azərbaycan Respublikası İnzibati Xətalar Məcəlləsində dəyişiklik edilməsi haqqında qanunun 1.5.2-ci maddəsinə əsasən həmin Məcəllənin 429.0.1-ci maddəsi ləğv edilmişdir. Göründüyü kimi, Azərbaycan Respublikası İnzibati Xətalar Məcəlləsinin 429.01-ci maddəsi həmin məcəllədən çıxarıldığından Şəxs Azərbaycan Respublikası İnzibati Xətalar Məcəlləsinin 429.0.1-ci maddəsi ilə təqsirləndirilməsinə dair Azərbaycan Respublikasının Mərkəzi Bankı tərəfindən tərtib olunmuş inzibati araşdırma materialları həmin orqana geri qaytarılmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 43.1, 109.1, 109.1.6-ci maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 429.0.1-ci maddəsi ilə təqsirləndirilməsinə dair Azərbaycan Respublikasının Mərkəzi Bankı tərəfindən tərtib olunmuş inzibati araşdırma materialları həmin orqana geri qaytarılsın.