Gəncə Şəhəri Kəpəz Rayon Məhkəməsi Qərardad — İş №3(043)-260/2022

Azərbaycan Respublikası adından QƏRARDAD Gəncə şəhəri İş № 3(043)-260/2022 01.04.2022 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Tağıyev Cavid Tahir oğlu, Gəncə Şəhər Kəpəz Rayon Polis İdarəsindən daxil olmuş, Şəxs barəsində Azərbaycan Respublikası İnzibati Xətalar Məcəlləsinin 327.8-ci maddəsi ilə tərtib olunmuş inzibati xəta haqqında material üzrə işin baxılmağa hazırlanması zamanı materialı nəzərdən keçirib, müəyyən e t d i m: 30.03.2022-ci il tarixdə Gəncə Şəhər Kəpəz Rayon Polis İdarəsindən Şəxs barəsində Azərbaycan Respublikası İnzibati Xətalar Məcəlləsinin 327.8-ci maddəsi ilə inzibati xəta haqında protokol daxil olmuşdur. Gəncə Şəhəri Kəpəz Rayon Məhkəməsinin 25.08.2021-ci il tarixli, 3(043)-554/2021 saylı qərarına əsasən inzibati xəta haqqında material natamam olduğundan və və işə baxılarkən tamamlamaq mümkün olmadığından protokol və ona əlavə olunmuş sənədlər geri qaytarılmışdır. İnzibati xəta haqqında materialı nəzərdən keçirərkən müəyyən olundu ki, inzibai materialda olan nöqsanlar aradan qaldırılmamışdır. Belə ki, Şəxs barəsində Azərbaycan Respublikası İnzibati Xətalar Məcəlləsinin (bundan sonra-İXM) 327.8-ci maddəsi ilə tərtib olunmuş protokol baxılması üçün məhkəməyə göndərilmiş, lakin inzibati xəta haqqında iş üzrə zərərçəkmiş şəxs haqqında məlumatlar habelə şəxsin sağlamlığına yüngül zərər vurulmuşdursa və ya maddi zərər yetirilmişdirsə bu hallar barədə qeydlər göstərilməmişdir. Halbuki, İXM-in 100-cü maddəsinə əsasən Bu Məcəllənin 54-cü maddəsində nəzərdə tutulmuş hallar istisna olmaqla, inzibati xətanın törədilməsi haqqında protokol tərtib edilir. İnzibati xəta haqqında protokolda barəsində inzibati xəta haqqında iş üzrə icraat aparılan şəxs haqqında məlumat, o cümlədən vətəndaşın fərdi identifikasiya nömrəsi, olduğu halda, şahidlərin və zərər çəkmiş şəxslərin adı, atasının adı, soyadı və onların yaşadığı yerin ünvanı, inzibati xətanın törədilməsi nəticəsində şəxsin sağlamlığına yüngül zərər vurulmuşdursa və ya maddi zərər yetirilmişdirsə, bu hallar barədə qeydlər göstərilməlidir. İXM-in 106.0, 106.0.3 və 106.0.5-ci maddələrinə əsasən hakim inzibati xətalar haqqında işlərə baxarkən digər məsələlərlə yanaşı inzibati xəta haqqında protokolun və işin digər materiallarının bu Məcəllənin tələblərinə müvafiq olaraq tərtib edilib-edilməməsi, mahiyyəti üzrə baxılması üçün işdə kifayət qədər sübutların toplanılıb- toplanılmaması məsələsini həll edir. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Yuxarıda göstərilənlərə əsasən və İXM-nin 106,109-cu maddələrini rəhbər tutaraq məhkəmə, qərara aldı: Şəxs barəsində İXM-in 327.8-ci maddəsi ilə Gəncə Şəhər Kəpəz Rayon Polis İdarəsindən daxil olmuş inzibati xəta haqqında proğokol onu tərtib etmiş orqana- Gəncə Şəhər Kəpəz Rayon Polis İdarəsinə qaytarılsın. Hakim Cavid Tağıyev