Gəncə Şəhəri Kəpəz Rayon Məhkəməsi Qərar — İş №3(043)-28/2020

Azərbaycan Respublikası adından QƏRAR Gəncə şəhəri İş № 3(043)-28/2020 24.02.2020 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Tağıyev Cavid Tahir oğlu, Gəncə şəhəri Kəpəz Rayon Məhkəməsinin xx.xx.2020-ci il tarixli, 3(043)-28/2020 nömrəli inzibati xəta haqqında qərarının icrasına xitam verilməsinə dair Şəxs vəsatətinə məhkəmə iclasından kənar baxaraq, müəyyən etdim: Gəncə şəhər Baş Polis İdarəsinin Dövlət yol polisi şöbəsi tərəfindən Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta törətməsinə dair protokol tərtib edilərək baxılması üçün Gəncə şəhəri Kəpəz Rayon Məhkəməsinə göndərilmişdir. Məhkəməyə təqdim olunmuş inzibati xəta haqqında protokoldan görünür ki, Şəxs yol hərəkəti qaydaları əleyhinə olan inzibati xətanın törədilməsinə görə xx.xx.2019-cu il tarixdə Azərbaycan Respublikası İXM-nin 328.1-ci maddəsi ilə təqsirli bilinib 10 (on) manat, məbləğində cərimə edilmiş və cərimə olunması barədə qərar qanuni qüvvəyə mindiyi gündən 3 (üç) ay ərzində qanunla müəyyən olunmuş əsaslar olmadan icra etmədiyi üçün Gəncə şəhər Baş Polis İdarəsinin Dövlət yol polisi şöbəsi tərəfindən Şəxs barəsində Azərbaycan Respublikası İXM-in 529.3-cü maddəsi ilə inzibati xəta törətməsinə dair protokol tərtib edilmişdir. Gəncə şəhəri Kəpəz Rayon Məhkəməsinin xx.xx.2020-ci il tarixli, 3(043)-28/2020 nömrəli qərarına əsasən Şəxs İXM-in 529.3-cü maddəsi ilə təqsirli bilinib nəqliyyat vasitələrini idarə etmək hüququ 06 ay müddətinə məhdudlaşdırılmışdır. İş üzrə inzibati xəta törətmiş şəxs Şəxs xx.xx.2020-ci il tarixdə məhkəməyə vəsatət verərək, EQ-1207080 nömrəli elektron qərar üzrə 10 (on) manat cərimə pulunu tam şəkildə ödədiyini nəzərə alaraq Gəncə şəhər Kəpəz Rayon Məhkəməsinin xx.xx.2020-ci il tarixli, 3(043)-28/2020 nömrəli qərarının icrasına xitam verilməsini xahiş etmişdir. İnzibati materiala əlavə edilmiş tənbeh vermə haqqında xx.xx.2019-cu il tarixli, EQ- 1207080 nömrəli elektron qərardan və elektron məlumat bazasından çıxarışdan görünür ki, Şəxs xx.xx.2019-cu il tarixdə İXM-nin 328.1-ci maddəsi ilə təqsirli bilinib 10 (on) manat məbləğində cərimə olunmuş, cəriməni ödəmədiyi üçün 6 (altı) manat dəbbə pulu hesablanmışdır. Vəsatətə əlavə edilmiş ödəniş qəbzinin surətindən görünür ki, Şəxs EQ-1207080 nömrəli elektron qərar üzrə 16 (on altı) manat cərimə və dəbbə pulunu dövlət büdcəsinə ödəmişdir. Məhkəmə inzibati xəta törətmiş şəxs Şəxs vəsatətini, elektron qərarı və ona əlavə edilmiş sənədləri araşdıraraq hesab edir ki, Şəxs inzibati xətanın törədilməsinə görə təyin olunmuş cəriməni ödədiyindən Azərbaycan Respublikası İnzibati Xətalar Məcəlləsinin 152.5-ci maddəsinə əsasən Gəncə şəhər Kəpəz Rayon Məhkəməsinin xx.xx.2020-ci il tarixli, 3(043)-28/2020 nömrəli inzibati xəta haqqında iş üzrə qərarın icrasına xitam verilməlidir. Azərbaycan Respublikası İnzibati Xətalar Məcəlləsinin 152.5-ci maddəsinə əsasən barəsində yol hərəkət qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın icra edilməməsinə görə nəqliyyat vasitələrini idarə etmək hüququnun məhdudlaşdırılmasına dair qərar çıxarılmış şəxs inzibati cəriməni və müvafiq olaraq ona hesablanmış dəbbə pulunu ödədikdə, bu qərara onu qəbul etmiş məhkəmə tərəfindən həmin şəxsin vəsatəti əsasında xitam verir. Yuxarıda şərh olunanlara əsasən və Azərbaycan Respublikası İXM-nin 43, 112, 114, 115, 117, 128, 130, 152.5 -ci maddələrini rəhbər tutaraq, məhkəmə qərara aldı: Şəxs yol hərəkəti qaydaları əleyhinə olan inzibati xətanın törədilməsinə görə EQ- 1207080 nömrəli elektron qərar üzrə 10 (on) manat məbləğində cəriməni və 6 (altı) manat məbləğində dəbbə pulunu ödədiyindən Gəncə şəhər Kəpəz Rayon Məhkəməsinin xx.xx.2020-ci il tarixli, 3(043)-28/2020 nömrəli inzibati xəta haqqında qərarın icrasına xitam verilsin. Qərarın surəti rəsmi qaydada verildiyi vaxtdan 10 (on) gün müddətində Gəncə şəhər Kəpəz Rayon Məhkəməsi vasitəsi ilə Gəncə Apelyasiya Məhkəməsinə apellyasiya şikayəti və ya protesti verilə bilər.