Gəncə Şəhəri Kəpəz Rayon Məhkəməsi Qərardad — İş №3(043)-379/2021

Azərbaycan Respublikası adından QƏRARDAD Gəncə şəhəri İş № 3(043)-379/2021 24.05.2021 GƏNCƏ ŞƏHƏRİ KƏPƏZ RAYON MƏHKƏMƏSİ Gəncə şəhəri Kəpəz Rayon Məhkəməsinin hakimi Mustafayev Rəşad Mustafa oğlu, Gəncə şəhər Baş Polis İdarəsindən daxil olmuş, Şəxsnın barəsində Azərbaycan Respublikası İnzibati Xətalar Məcəlləsinin (bundan sonra- İXM) 211.2-ci maddəsi ilə tərtib olunmuş inzibati xəta haqqında protokol üzrə işin baxılmağa hazırlanması zamanı materialı araşdırıb, müəyyən e t d i m: 24 may 2021-ci il tarixdə Gəncə şəhər Baş Polis İdarəsindən Gəncə şəhəri Kəpəz Rayon Məhkəməsinə Şəxsnın barəsində tərtib olunmuş inzibati xəta haqında protokol daxil olmuşdur. İnzibati xəta haqqında materialı araşdırarkən müəyyən olundu ki, MN ******* nömrəli 19.05.2021-ci il tarixli protokol Şəxsnın İXM-nin 211.2-ci maddəsində nəzərdə tutulmuş inzibati xətanı törətməsi ilə bağlı tərtib olunmuşdır. Məhkəmə hesab edir ki, inzibati xəta haqqında protokol baxılmadan geri qaytarılmalıdır. Məhkəmə qeyd edir ki, Azərbaycan Respublikası İnzibati Xətalar Məcəlləsinin 43.1ci maddəsində rayon (şəhər) məhkəmələrinin baxmağa səlahiyyətli olduğu inzibati xətalara dair işlərin tam siyahısı göstərilmişdir. Həmin maddənin tələbinə görə Azərbaycan Respublikası İXM-in 211.2-ci maddəsi ilə nəzərdə tutulmuş inzibati xətaya dair işlərə baxılması rayon (şəhər) məhkəmələrinin səlahiyyətində deyildir. Azərbaycan Respublikası İnzibati Xətalar Məcəlləsinin 109.1.7-ci maddəsinə əsasən əgər bu məsələnin baxılması hakimin, orqanın (vəzifəli şəxsin) səlahiyyətinə aid deyildirsə, yaxud hakimə, kollegial orqanın üzvünə, vəzifəli şəxsə etiraz etmə barədə qərardad çıxarılmışdırsa, inzibati xəta haqqında protokolun və ya digər materialların baxılması üçün aidiyyəti üzrə göndərilməsi haqqında qərardad çıxarılır. Azərbaycan Respublikası Prezidentinin 23 fevral 2017-ci il tarixli 1256 nömrəli Fərmanı ilə təsdiq edilmiş “İnzibati xətalar haqqında işlərə baxmağa səlahiyyəti olan vəzifəli şəxslərin siyahı”nın 2.5-ci bəndinə əsasən Məcəllənin 211-ci maddəsində nəzərdə tutulmuş inzibati xətalar haqqında işlərə – şəhər, rayon polis idarələrinin (şöbələrinin) və ərazi polis bölmələrinin rəisləri, onların müavinləri, nəqliyyatda polis idarələrinin, şöbələrinin, xətt bölmələrinin, məntəqələrinin rəisləri, onların müavinləri baxmağa səlahiyyətlidir. Beləliklə, məhkəmə belə nəticəyə gəlir ki, fiziki şəxslərə münasibətdə Azərbaycan Respublikası İnzibati Xətalar Məcəlləsinin 211.2-ci maddəsi ilə nəzərdə tutulmuş inzibati xətaya dair işlərə baxmaq rayon (şəhər) məhkəmələrinin səlahiyyətinə aid olmadığından, Şəxs İXM-in 211.2-ci maddəsi ilə məsuliyyətə cəlb edilməsinə dair inzibati xəta haqqında protokol və ona əlavə olunmuş sənədlər baxılması üçün aidiyyəti üzrə Gəncə şəhər Baş Polis İdarəsinə göndərilməlidir. Göstərilənlərə əsaslanaraq və Azərbaycan Respublikası İnzibati Xətalar Məcəlləsinin 109.1.7-ci maddəsini rəhbər tutaraq, məhkəmə q ə r a r a a l d ı: Gəncə şəhər Baş Polis İdarəsindən Şəxs barəsində Azərbaycan Respublikası İnzibati Xətalar Məcəlləsinin 211.2-ci maddəsi ilə inzibati məsuliyyətə cəlb edilməsinə dair inzibati xəta haqqında protokol və ona əlavə edilmiş sənədlər aidiyyəti üzrə Gəncə şəhəri Baş Polis İdarəsinə göndərilsin. Hakim Rəşad Mustafayev