Gəncə Şəhəri Kəpəz Rayon Məhkəməsi Qərardad — İş №3(043)-49/2021

Azərbaycan Respublikası adından QƏRARDAD Gəncə şəhəri İş № 3(043)-49/2021 22.01.2021 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Tağıyev Cavid Tahir oğlu, Şəxs Firmasının Azərbaycan Respublikasının İnzibati Xətalar Məcəlləsinin 462-ci maddəsi ilə inzibati xəta törətməsinə dair Azərbaycan Respublikasının Maliyyə Nazirliyindən daxil olmuş inzibati xəta haqqında materialın icraata qəbul olunmasının mümkünlüyünə məhkəmə iclasından kənar prosessual qaydada baxaraq, müəyyən etdim: Şəxs Firmasının Azərbaycan Respublikasının İnzibati Xətalar Məcəlləsinin (bundan sonra-İXM) 462-ci maddəsi ilə inzibati xəta törətməsi barədə inzibati material baxılması üçün Azərbaycan Respublikasının Maliyyə Nazirliyindən Gəncə Şəhəri Kəpəz Rayon Məhkəməsinə göndərilmişdir. İnzibati xəta haqqında işin məhkəmədə baxılmağa hazırlanması zamanı müəyyən olunmuşdur ki, inzibati xəta hadisəsi Bakı şəhəri Qaradağ rayonunda törədildiyi halda inzibati material Kəpəz Rayon Məhkəməsinə göndərilmişdir. İXM-in 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında iş onun yaşadığı yer üzrə baxıla bilər. İXM-in 109.1.7-ci maddəsinə əsasən inzibati xəta haqqında işin baxılmağa hazırlanması zamanı əgər bu məsələnin baxılması hakimin səlahiyyətinə aid deyildirsə, materialların aidiyyəti üzrə göndərilməsi barədə qərardad qəbul edilir. Belə olan halda məhkəmə hesab edir ki, barəsində inzibati xəta haqqında iş üzrə icraat aparılan hüquqi şəxs Şəxs Firmasının barəsində İXM-in 462-ci maddəsi ilə toplanmış inzibati xəta haqqında material baxılması üçün Bakı Şəhəri Qaradağ Rayon Məhkəməsinə göndərilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 109 və 110-cu maddələrini rəhbər tutaraq məhkəmə, qərara aldı: Barəsində inzibati xəta haqqında iş üzrə icraat aparılan hüquqi şəxs Şəxs Firmasının İXM-in 462-ci maddəsi ilə barəsində toplanmış inzibati xəta haqqında material aidiyyəti üzrə baxılması üçün Bakı Şəhəri Qaradağ Rayon Məhkəməsinə göndərilsin. Hakim Cavid Tağıyev