Gəncə Şəhəri Kəpəz Rayon Məhkəməsi Qərar — İş №3(043)-950/2020

Azərbaycan Respublikası adından QƏRAR Gəncə şəhəri İş № 3(043)-950/2020 16.11.2020 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Hüseynov Zaur Nazim oğlunun sədrliyi, Aslanov Eltun Elman oğlunun katibliyi ilə, İnzibati xəta haqqında protokol tərtib etmiş X5, zərərçəkmiş şəxslər X6 və X3, barəsində inzibati xəta haqqında icraat aparılan Şəxs iştirakları ilə, xx.xx.1972-ci il tarixdə Samux rayonunda anadan olmuş, evli, orta təhsilli, Azərbaycan Respublikasının vətəndaşı, Samux rayonu, İnstitut qəsəbəsində qeydiyyatda olan və Gəncə şəhəri, Natəvan qəsəbəsi 18-ci küçə, 3-cü paralel, ev 10-da yaşayan Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulan inzibati xətanı törətməsinə dair Gəncə şəhər Baş Polis İdarəsinin Kəpəz rayon Polis İdarəsindən daxil olmuş materiala açıq məhkəmə iclasında baxaraq, müəyyən etdi: Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsi ilə bağlı Kəpəz Rayon Polis İdarəsində tərtib olunmuş material xx xxxxxx 2020-ci il tarixdə baxılması üçün Gəncə şəhəri Kəpəz Rayon Məhkəməsinə göndərilmişdir. Materiala əlavə edilmiş Gəncə şəhəri Kəpəz Rayon Polis İdarəsinin İTB-nin polis sahə rəisi polis kapitanı X9 tərəfindən tərtib olunmuş xx xxxxxx 2020-ci il tarixli MN ******* nömrəli inzibati xəta haqqında protokolda və ona əlavə edilmiş sənədlərdə göstərilmişdir ki, Şəxs xx.xx.2020-ci il tarixdə yaşadığı evdə arvadı X1 ilə vuraraq döymüş, qızı Fidan Qasımovanın isə boğaz nahiyəsindən sıxaraq fiziki ağrı yetirmişdir. Beləliklə də, Qasımov X7 Xətalar Məcəlləsinin 157-ci maddələrində nəzərdə tutulan inzibati xətanı törətmişdir. Məhkəmə iclasında inzibati xəta haqqında protokolu tərtib etmiş şəxs X9 izahatında göstərdi ki, Şəxs xx.xx.2020-ci il tarixdə yaşadığı evdə arvadı X1 ilə vuraraq döymüş, qızı Fidan Qasımovanın isə boğaz nahiyəsindən sıxaraq fiziki ağrı yetirmişdir. Bu fakt üzrə təhqiqat araşdırması aparılmış və onun əməlində cinayət tərkibi olmadığına görə cinayət işinin başlanması rədd edilmişdir. Lakin, Şəxsnın əməlində İnzibati Xətalar Məcəlləsinin 157-ci maddəsinin əlamətləri olduğundan barəsində inzibati xəta haqqında protokol tərtib edilərək baxılması üçün məhkəməyə göndərilmişdir. Məhkəmə iclasında barəsində inzibati xəta haqqında icraat aparılan şəxs Qasımov X7 Xətalar Məcəlləsinin 157-ci maddəsi ilə nəzərdə tutulan inzibati xəta törətməkdə özünü təqsirli bilərək izahatında bildirdi ki, xx xxxxxxxx 2020-ci il tarixdə həyat yoldaşı Ruhiyə ilə aralarında olan münaqişə zamanı o, yoldaşına bir dəfə sillə vurmuş və stolun onun üzərinə itələmişdir. Bu vaxtı qızı Fidan onları ayırmağa çalışdığına görə Fidanın boğaz və qol nahiyələrindən tutub onu kənarlaşdırmaq istəmişdir. Törətdiyi əməldən peşmandır və onun barəsində cərimə növündə cəza tənbəhi tətbiq edilməsini xahiş edir. Məhkəmə iclasında zərərçəkmiş şəxs X6 izahatında bildirdi ki, xx xxxxxxxx 2020-ci il tarixdə həyat yoldaşı Şəxsla onun işləməsi məsələsi üstündə aralarında münaqişələri yaranmışdır. Bu səbəbdən də Sübhan ona bir dəfə sillə vurub yerə yıxmış, sonra stolu onun üstünə itələmiş və stol onun üzərinə yıxılmışdır. Bu vaxt onları ayırmağa çalışan qızı Fidanın da boğaz və qol nahiyələrindən sıxmışdır. Ona görə də o, polis əməkdaşlarına müraciət etmək məcburiyyətində qalmışdır. Hazırda o, Şəxsla barışmasa da, onun barəsində inzibati həbs tənbeh tətbirinin tətbiq edilməsini istəmir. Odur ki, Şəxs barəsində inzibati həbslə əlaqədar olmayan tənbeh tətbiq edilməsini xahiş edir. Məhkəmə iclasında zərərçəkmiş şəxs X8 izahatında bildirdi ki, xx xxxxxxxx 2020-ci il tarixdə təxminən günorta radələrində atası Şəxs işləmək məsələsi üstündə anası Ruhiyə ilə mübahisə etmişdir. Həmin vaxt atası anasına bir sillə vuraraq onu yerə yıxmış və stolu onun üzərinə itələmişdir. Bu vaxt o, valideynləri ayırmağa çalışan zaman atası onun boğazından və qolundan bərk tutaraq yerə yıxmışdır. Hazırda o, atası ilə barışmamışdır. Lakin, onun barəsində inzibati həbslə bağlı olmayan tənbeh tətbiq edilməsini xahiş edir. İş materiallarından görünür ki, zərərçəkmiş şəxs X2 şikayət ərizəsi əsasında təhqiqat araşdırması aparılmış və xx xxxxxxx 2020-ci il tarixli “cinayət işinin başlanmasının rədd edilməsi haqqında” qərarla Şəxsnın əməlində cinayət tərkibi olmadığından cinayət işinin başlanması rədd edilmiş, onun əməlində İnzibati Xətalar Məcəlləsinin 157-ci maddəsinin tərkibi olduğu müəyyən edildiyindən qərarın surəti Kəpəz RPB-nin sahə rəisinə göndərilmişdir. Məhkəmə, inzibati xəta haqqında tərtib edilmiş protokolu və ona əlavə edilmiş sənədləri tədqiq edib, proses iştirakçılarının izahatlarını dinləyərək hesab edir ki, toplanmış sübutlarla Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulan inzibati xətanı törətməkdə təqsiri tam sübuta yetirilir. Onun inzibati məsuliyyətdən azad edilməsi üçün əsaslar yoxdur. Odur ki, Şəxs İXM-nin 157-ci maddəsi ilə təqsirli bilinməli, həmin maddənin sanksiyası çərçivəsində barəsində inzibati tənbeh tətbiq edilməlidir. Azərbaycan Respublikası İnzibati Xətalar Məcəlləsinin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə, Şəxsnın ilk dəfə inzibati xəta törətməsini onun məsuliyyətini yüngülləşdirən hal kimi nəzərə alır (İXM 32.2-ci maddəsi). Onun məsuliyyətini ağırlaşdıran hallar müəyyən olunmadı. Beləliklə, məhkəmə Şəxs inzibati tənbeh tətbiq edərkən onun şəxsiyyətini, törətmiş olduğu xətanın xarakterini, təqsirinin dərəcəsini və əmlak vəziyyətini nəzərə alaraq, onun barəsində İnzibati Xətalar Məcəlləsinin 157-ci maddəsinin sanksiyasında nəzərdə tutulan cərimə növündə tənbehin aşağı həddə tətbiq olunmasını məqsədəuyğun hesab edir. Yuxarıda göstərilənlərə əsaslanaraq və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirli bilinərək, 300 (üç yüz) manat cərimə edilsin. Qərardan rəsmi qaydada verildiyi vaxtdan 10 gün müddətində Gəncə şəhər Kəpəz Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə şikayət verilə bilər. Hakim Zaur Hüseynov