Gəncə Şəhəri Kəpəz Rayon Məhkəməsi Qərar — İş №3(043)-97/2021

Azərbaycan Respublikası adından QƏRAR Gəncə şəhəri İş № 3(043)-97/2021 02.02.2021 GƏNCƏ ŞƏHƏRİ KƏPƏZ RAYON MƏHKƏMƏSİ Gəncə şəhəri Kəpəz Rayon Məhkəməsinin hakimi Qocayev Tural Şəmsi oğlunun sədrliyi, Abdullayev İlkin Hafiz oğlunun katibliyi, qərardan şikayət vermiş şəxs X7 oğlunun iştirakı ilə, Gəncə şəhər BPİ Dövlət Yol Polisi Şöbəsinin rəisi polis polkovnik-leytenantı X2 xx.xx.2020-ci il tarixli TP ******* saylı X5 haqqında qərarından X3 verdiyi şikayətə açıq məhkəmə iclasında baxaraq, məhkəmə müəyyən etdi: X7 oğlu onun İnzibati Xətalar Məcəlləsinin 211.1-ci maddəsi ilə nəzərdə tutulmuş inzibati xətanı törətməsinə görə 200 manat inzibati cərimə olunması barədə xx.xx.2020-ci il tarixli TP ******* saylı qərardan şikayət verərək, qərarın ləğv edilməsini məhkəmədən xahiş etmişdir. Şikayət onunla əsaslandırmışdır ki, “X5 haqqında” Gəncə şəhər DYPŞ YPX-nin xx.xx.2020-ci il tarixli TP ******* saylı qərarı ilə barəsində İXM-nin 211.1-ci maddəsində nəzərdə tutulmuş inzibati xəta törətdiyinə görə 200 (iki yüz) manat cərimə tətbiq edilmişdir. O həmin qərarlarla razı deyil. Belə ki, xx.xx.2020-ci il tarixdə o sms vasitəsilə icazə götürdükdən sonra öz şəxsi avtomobili ilə evdən çıxmışdır. Həmin gün xx.xx.2020-ci il tarixdə saat 16:40 radələrində şəhər daxili karantin postunda yoxlanış zamanı ona, Azərbaycan Respublikası İXM-nin 211.1-ci maddəsində nəzərdə tutulmuş inzibati xəta törətdiyinə görə 200 (iki yüz) manat cərimə növü tətbiq edilmişdir. O öz etirazını bildirərək həyat yoldaşının işi ilə əlaqədar olaraq qan analizini təcili diaqnostikaya çatdırmalı olduğunu bildirmişdir. Bu səbəbdən də icazə müddətini 30 dəqiqə ötürmüşdür. O, protokol ilə razılaşmadığı üçün imza etməmişdir. xx.xx.2021-ci il tarixdə TP ******* saylı X5 Haqqında Qərar poçt vasitəsi ilə onun ünvanına çatdırılmışdır. Məhkəmə iclasında X4 şikayət ərizəsində göstərilənlərə uyğun izahat verib bildirdi ki, onun xüsusi karantin rejimi dövründə sərbəst hərəkət etmək üçün icazəsi olmamışdır. Buna görə də SMS icazə sistemindən istifadə edərək zəruri hallarda evdən çıxmışdır. xx.xx.2020-ci il tarixdə saat 12:51-də üç saatlıq SMS icazə alaraq yaşayış yerini tərk etmiş, daha sonra həyat yoldaşının işlədiyi xəstəxanaya gələrək onu evə aparmaq istəmişdir. Bu zaman həyat yoldaşı təcili olaraq qan analizlərini Gəncə şəhəri, Yeni Gəncə qəsəbəsində yerləşən diaqnostika mərkəzinə çatdırmalı olduğundan onu həmin ünvana aparmalı olmuşdur. Saat 16:43-də stasionar karantin postunda polis əməkdaşları onları saxlayaraq icazələrini yoxlamış və onun icazəsinin müddəti keçdiyi üçün barəsində protokol tərtib etmişlər. Hesab edir ki, polis əməkdaşları onun üzrlü səbəbdən gecikməsini nəzərə almamaqla qərar qəbul etdiklərindən xx.xx.2020-ci il tarixli TP ******* saylı qərar ləğv edilməlidir. Məhkəmə barəsində inzibati xəta haqqında iş üzrə icraat aparılan şəxs X7 oğlunun izahatını dinləyərək, iş materiallarını və təqdim olunmuş sənədləri tədqiq edərək hesab edir ki, şikayət təmin edilməməli, xx.xx.2020-ci il tarixli TP ******* saylı qərar dəyişdirilmədən saxlanılmalıdır. İş materiallarına əlavə olunmuş xx.xx.2020-ci il tarixli TP ******* saylı X5 haqqında saylı X5 haqqında qərarın surətindən görünür ki, X7 oğlu İXM-in 211.1-ci maddəsi ilə nəzərdə tutulmuş inzibati xətanın törədilməsinə görə (epidemiya əleyhinə rejimin, sanitariya-gigiyena və karantin rejimlərinin pozulması) 200 manat inzibati cərimə edilmişdir. Azərbaycan Respublikası İnzibati Xətalar Məcəlləsinin 76-cı maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qanuna zidd olaraq əldə edilmiş sübutların istifadə edilməsinə yol verilmir. Azərbaycan Respublikası Nazirlər Kabinetinin xx xxxx 2020-ci il tarixli qərarı ilə koronavirus (COVİD-19) infeksiyasının ölkə ərazisində yayılmasının qarşısını almaq məqsədilə xüsusi rejimin tətbiq edilməsi qərara alınmışdır. Koronavirus (COVİD-19) infeksiyasının Azərbaycan Respublikasının ərazisində geniş yayılmasının qarşısının alınmasına dair əlavə tədbirlər haqqında xx xxxx 2020-ci il tarixli Azərbaycan Respublikası Nazirlər Kabinetinin qərarının 1.6-cı bəndinə əsasən yaşayış yerini və olduğu yeri tərk etmək üçün icazə almaq məqsədilə “8103” nömrəsinə SMSməlumat göndərməlidir (SMS – məlumatlar ödənişsizdir). SMS məlumatın mətnində aşağıdakı iki indeksdən biri və şəxsiyyəti təsdiq edən məlumat qeyd edilməlidir: 1.6.1. 1 rəqəmi - təxirəsalınmaz tibbi zərurətlə və ya qrafik üzrə müalicə almaqla əlaqədar yaşayış yerini və olduğu yeri tərk etmək üçün (icazə rayon və şəhər daxilində 3 (üç) saat müddətinə verilir, rayonlar və şəhərlərarası hərəkət zərurəti yarandıqda olduğu ünvanla getməli olduğu ünvan arasında məsafə və müalicə prosedurunun müddəti nəzərə alınır, geri qayıtma müddəti həkim tərəfindən verilən arayışla müəyyən edilir və zərurət olduqda polis əməkdaşlarına təqdim edilir); 1.6.2. 2 rəqəmi - ərzaq və digər gündəlik tələbat mallarının, dərman vasitələrinin alınması, dövlət xidmətlərinin, bank, poçt və fəaliyyətinin davam etdirilməsinə icazə verilən iş və xidmət sahələrində göstərilən digər xidmətlərdən istifadə edilməsi zərurəti, həmçinin açıq havada vaxtın keçirilməsi ilə əlaqədar yaşayış yerini və olduğu yeri tərk etmək üçün icazə 3 (üç) saat müddətinə gündə 1 dəfə verilir. Azərbaycan Respublikası İnzibati Xətalar Məcəlləsinin 211.1-ci maddəsinə əsasən epidemiya əleyhinə rejimin, sanitariya-gigiyena və karantin rejimlərinin pozulmasına görə fiziki şəxslər iki yüz manatdan dörd yüz manatadək məbləğdə, vəzifəli şəxslər üç min manatdan dörd min manatadək məbləğdə cərimə edilir, yaxud işin hallarına görə, xətanı törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, hüquqi şəxslər dörd min manatdan on min manatadək məbləğdə cərimə edilir. Məhkəmə araşdırması zamanı müəyyən olunmuşdur ki, inzibati xəta haqqında qərardan şikayət vermiş şəxs X1 rejiminin qaydalarını pozaraq, müvafiq SMS icazənin müddəti bitdikdən sonra yaşayış yerinə qayıtmamış və beləliklə İXM-in 211.1-ci maddəsi ilə nəzərdə tutulmuş inzibati xətanı törətmişdir. Bu fakt ilk növbədə barəsində icraat aparılan şəxsin məhkəmə iclasında verdiyi etirafedici izahatı və tərtib edilmiş protokolla öz təsdiqini tapmışdır. Buna görə də məhkəmə şikayətin dəlillərini əsassız hesab edir. Azərbaycan Respublikası İnzibati Xətalar Məcəlləsinin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Azərbaycan Respublikası İnzibati Xətalar Məcəlləsinin 134.1.1-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq qərarın dəyişdirilmədən, şikayətin və ya protestin isə təmin edilmədən saxlanılması haqqında qərar qəbul edilə bilər. Yuxarıda göstərilənləri və Azərbaycan Respublikası İnzibati Xətalar Məcəlləsinin 130, 131, 134-137-ci maddələrini rəhbər tutaraq, məhkəmə QƏRARA ALDİ: Şikayət təmin edilməsin. Gəncə şəhər Baş Polis İdarəsi Dövlət Yol Polisi Şöbəsinin rəisi polis polkovnikleytenantı X2 xx.xx.2020-ci il tarixli TP ******* saylı X5 haqqında qərarı dəyişdirilmədən saxlanılsın. Qərardan surəti rəsmi qaydada verildiyi vaxtdan 10 (on) gün müddətində Gəncə şəhəri Kəpəz Rayon Məhkəməsi vasitəsi ilə və ya bilavasitə Gəncə Apelyasiya Məhkəməsinə şikayət verilə bilər. Sədrlik edən: Tural Qocayev