Gəncə Şəhəri Nizami Rayon Məhkəməsi Qərardad — İş №3(044)-196/2021

Azərbaycan Respublikası adından QƏRARDAD Gəncə şəhəri İş № 3(044)-196/2021 27.01.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Orucov Maarif Arif oğlunun katibliyi ilə, Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməsinə dair barəsində Gəncə şəhər Prokurorluğundan daxil olmuş inzibati xəta haqqında materiala baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməsinə dair barəsində Gəncə şəhər Prokurorluğu tərəfindən inzibati xəta haqqında material məhkəməyə daxil olmuşdur. Həmin materialda qeyd edilmişdir ki, Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətmişdir. Məhkəmə inzibati xəta haqqında işin materiallarını nəzərdən keçirərək hesab edir ki, Gəncə şəhər Prokurorluğu tərəfindən Şəxs barəsində qəbul edilmiş xx xxxxxx 2021-ci il tarixli “inzibati xəta haqqında iş üzrə icraatın başlanılması haqqında” qərar geri qaytarılmalıdır. Belə ki, Azərbaycan Respublikasının İnzibati Xətalar Məcəlləsinin: 100.1.6-cı maddəsinə əsasən olduğu halda, şahidlərin və zərər çəkmiş şəxslərin adı, atasının adı, soyadı və onların yaşadığı yerin ünvanı; 100.1.7-ci maddəsinə əsasən barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları; 100.1.9-cu maddəsinə əsasən inzibati xətanın törədilməsi nəticəsində şəxsin sağlamlığına yüngül zərər vurulmuşdursa və ya maddi zərər yetirilmişdirsə, bu hallar barədə qeydlər; 100.1.10-cu maddəsinə əsasən inzibati xəta haqqında iş üzrə icraat üçün zəruri olan digər məlumatlar. Məhkəmə yuxarıda sadalanan qanunun tələblərini rəhbər tutaraq qeyd edir ki, Gəncə şəhər Prokurorluğu tərəfindən Şəxs barəsində qəbul edilmiş xx xxxxxx 2021-ci il tarixli “inzibati xəta haqqında iş üzrə icraatın başlanılması haqqında” qərarda zərərçəkmiş şəxsin yaşadığı və qeydiyyatda olduğu yer barədə hər hansı məlumat öz əksini tapmamış, iş materiallarına barəsində inzibati xəta haqqında iş üzrə icraat aparılan şəxsin və zərərçəkmiş şəxsin izahatları əlavə olunmamışdır. İnzibati xətalar haqqında işlərə baxılarkən həll edilən məsələlərdən biri də Azərbaycan Respublikasının İnzibati Xətalar Məcəlləsinin 106.0.3-cü maddəsinə əsasən inzibati xəta haqqında protokolun və işin digər materiallarının həmin Məcəllənin tələblərinə müvafiq olaraq tərtib edilməsinin yoxlanılmasıdır. Azərbaycan Respublikasının İXM-nin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Göstərilənləri nəzərə alaraq məhkəmə, yuxarıda qeyd edilənləri inzibati xəta haqqında materialın natamamlığı kimi qiymətləndirməklə hesab edir ki, Gəncə şəhər Prokurorluğu tərəfindən Şəxs barəsində qəbul edilmiş xx xxxxxx 2021-ci il tarixli “inzibati xəta haqqında iş üzrə icraatın başlanılması haqqında” inzibati xəta haqqında material Gəncə şəhər Prokurorluğuna geri qaytarılmalıdır. Azərbaycan Respublikası İnzibati Xətalar Məcəlləsinin 43, 106, 109, 114-cü maddələrini rəhbər tutaraq, məhkəmə QƏRARA ALDİ: Gəncə şəhər Prokurorluğu tərəfindən Şəxs barəsində qəbul edilmiş xx xxxxxx 2021-ci il tarixli “inzibati xəta haqqında iş üzrə icraatın başlanılması haqqında” inzibati xəta haqqında material geri qaytarılsın. Qərardaddan şikayət və protest verilə bilməz. Sədrlik edən Gündüz Şirinov