Gəncə Şəhəri Nizami Rayon Məhkəməsi Qərar — İş №3(044)-292/2021

Azərbaycan Respublikası adından QƏRAR Gəncə şəhəri İş № 3(044)-292/2021 24.02.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami Rayon Məhkəməsinin hakimi Ələkbərli Roman Nəriman oğlunun sədrliyi, məhkəmə iclas katibi Novruzov Maarif Vidadi oğlunun katibliyi ilə, inzibati xəta haqqında protokolu tərtib edən şəxs X1, barəsində inzibati xəta haqqında iş üzrə icraat aparılan şəxs Şəxs iştirakları ilə xx.xx.2001-ci ildə Gəncə şəhərində anadan olmuş, Azərbaycan Respublikasının vətəndaşı, natamam-ali təhsilli, subay, Gəncə şəhəri, Nizami rayonu, X8, 3-cü mikrorayon, ev ½, mənzil 41-də yaşayan Şəxs Gəncə şəhər Nizami Rayon Polis İdarəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİ: Şəxs barəsində Azərbaycan Respublikası İXM-nin 510 və 535.1-ci maddələri ilə inzibati protokol tərtib edilmişdir ona görə ki, o, xx.xx.2021-ci ildə saat 20 radələrində Gəncə şəhəri Cavadxan küçəsində ictimai qaydanı pozaraq xırda xuliqanlıq hərəkətləri etmiş və Gəncə şəhər Nizami RPİ-nin polis əməkdaşların qanuni tələbinə məhəl qoymayaraq öz hərəkətlərini davam etdirmişdir. Məhkəmə iclasında İnzibati xəta haqqında protokol tərtib edən şəxs Gəncə şəhəri, Nizami RPİ-in sahə rəisi X5 protokolda göstərilən xüsusatlara uyğun izahat verərək göstərdi ki, xx.xx.2021-ci il tarixdə saat 20 radələrində Nizami RPİ-nin inzibati ərazisində Gəncə şəhəri, Nizami RPİ-in CAŞ-nin polis leytenantı X4 və CAŞ-ın kiçik inspektoru polis nəfəri polis baş seriantı Nicat Xanbatov ilə birlikdə xidmət aparan zaman Gəncə şəhəri Cavadxan küçəsi ilə Pərviz Səmədov küçəsi istiqamətində Şəxs mobil telefon ilə danışı zamanı ucadan ünvansız nalayiq ifadələr işlətməklə ətrafdan keçən digər tanımadıqları şəxslərin diqqətilərini özünə cəlb etdiyini görüb, ona yaxınlaşaraq polis əməkdaşı olduqlarını bildirərək, ona sakitləşməsini dəfələrlə bildirsələrdə, lakin o, onların qanuni tələbinə qəsdən tabe olmayaraq öz hərəkətlərinə davam etməklə ətrafda olan insanların diqqətlərini özünə cəlb etmişdir. Ona görə də onun barəsində Azərbaycan Respublikası İXM-nin 510 və 535.1-ci maddələri ilə inzibati protokol tərtib edilmiş və baxılması üçün aidiyyəti üzrə məhkəməyə göndərilmişdir. Məhkəmə iclasında iştirak edən Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətanı törətməkdə özünü təqsirli bilərək izahatında göstərdi ki, xx.xx.2021-ci il tarixdə saat 20 radələrində Gəncə şəhəri Cavadxan küçəsi ilə Pərviz Səmədov küçəsi istiqamətində mobil telefon ilə danışı zamanı ucadan ünvansız nalayiq ifadələr işlətməklə ətrafdan keçən digər şəxslərin diqqətilərini özünə cəlb etdiyini, ona yaxınlaşan polis əməkdaşları onu sakitləşməsini dəfələrlə bildirsələrdə, lakin o, onların qanuni tələbinə qəsdən tabe olmayaraq öz hərəkətlərinə davam etməklə ətrafda olan insanların diqqətlərini özünə cəlb etmişdir. O, əməlindən səmimi peşman olmasını, polis əməkdaşlarından üzr istəməsini nəzərə alaraq ona daha yüngül inzibati tənbeh verilməsini məhkəmədən xahiş etdi. Məhkəmə iclasında şahid qismində izahat vermiş Gəncə şəhəri, Nizami RPİ-in CAŞnin polis leytenantı X4 izahatında göstərdi ki, xx.xx.2021-ci il tarixdə saat 20 radələrində Nizami RPİ-nin inzibati ərazisində CAŞ-ın kiçik inspektoru polis nəfəri polis baş seriantı Nicat Xanbatov ilə birlikdə xidmət aparan zaman Gəncə şəhəri Cavadxan küçəsi ilə Pərviz Səmədov küçəsi istiqamətində adı onlara sonradan məlum olan Şəxs mobil telefon ilə danışı zamanı ucadan ünvansız nalayiq ifadələr işlətməklə ətrafdan keçən digər tanımadıqları şəxslərin diqqətilərini özünə cəlb etdiyini görüb, ona yaxınlaşaraq polis əməkdaşı olduqlarını bildirərək, ona sakitləşməsini dəfələrlə bildirsədə, lakin o, onların qanuni tələbinə qəsdən tabe olmayaraq öz hərəkətlərinə davam etməklə ətrafda olan insanların diqqətlərini özünə cəlb etmişdir. Məhkəmə iclasında şahid qismində izahat vermiş Gəncə şəhəri, Nizami RPİ-in CAŞnin polis leytenantı X3 izahatında göstərdi ki, xx.xx.2021-ci il tarixdə saat 20 radələrində Nizami RPİ-nin inzibati ərazisində Gəncə şəhəri, Nizami RPİ-in CAŞ-nin polis leytenantı X4 ilə birlikdə xidmət aparan zaman Gəncə şəhəri Cavadxan küçəsi ilə Pərviz Səmədov küçəsi istiqamətində adı onlara sonradan məlum olan Şəxs mobil telefon ilə danışı zamanı ucadan ünvansız nalayiq ifadələr işlətməklə ətrafdan keçən digər tanımadıqları şəxslərin diqqətilərini özünə cəlb etdiyini görüb, ona yaxınlaşaraq polis əməkdaşı olduqlarını bildirərək, ona sakitləşməsini dəfələrlə bildirsədə, lakin o, onların qanuni tələbinə qəsdən tabe olmayaraq öz hərəkətlərinə davam etməklə ətrafda olan insanların diqqətlərini özünə cəlb etmişdir. Məhkəmə inzibati xəta haqqında işin materiallarını tədqiq edərək, barəsində inzibati xəta haqqında iş üzrə icraat aparılan şəxsin izahatını dinləyərək, eyni zamanda onun inzibati icraat zamanı verdiyi etiraf edici izahatını iş üzrə toplanmış digər sübutlarla qiymətləndirərək, inzibati protokol tərtib etmiş şəxsi dinləyib hesab edir ki, toplanmış sübutlarla Şəxs inzibati xətanı törətməsində təqsiri tam sübuta yetirilmiş və onun törətdiyi əməl düzgün olaraq, Azərbaycan Respublikası İnzibati Xətalar Məcəlləsinin 510 və 535.1ci maddələri ilə tövsif olunmuşdur. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə inzibati məsuliyyət nəzərdə tutulmuşdur. Qanunun tələbindən də göründüyü kimi o halda şəxs qeyd edilən maddə ilə inzibati məsuliyyətə cəlb edilir ki, tələb edən şəxs polis əməkdaşı olmalı və onun tələbi qanuni olmalıdır. Tələb edən şəxslərin polis əməkdaşları olması işin halları ilə, o cümlədən inzibati xəta törətmiş şəxsin məhkəmə iclasında verdiyi izahatla öz təsdiqini tapmışdır. O cümlədən də polisin tələbinin qanuni olub-olmaması ilə bağlı da məhkəmə onu qeyd edir ki, iş materialları ilə, o cümlədən inzibati xəta törətmiş şəxsin izahatı ilə də müəyyən edilir ki, Şəxs Gəncə şəhəri Cavadxan küçəsində mobil telefon ilə danışaraq ucadan nalayiq ifadələr işlətdiyini bildirmişdir. Daha sonra polis əməkdaşları gəlmiş, onu nizam intizama dəvət etmişlər. Lakın o özündən asılı olmayaraq polis əməkdaşlarının qanuni tələbinə tabe olmayaraq öz hərəkətlərini davam etdirmiş və həmin hərəkətlərlə ictimai qaydanı pozmuşdur. Məhkəmə hesab edir ki, barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İnzibati Xətalar Məcəlləsinin 510 və 535.1-ci maddəsi ilə inzibati qaydada məsuliyyətə cəlb olunmalıdır. Azərbaycan Respublikası İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyin vəzifələri insan və vətəndaş hüquqlarını və azadlıqlarını, onun sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi. ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İnzibati Xətalar Məcəlləsinin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İnzibati Xətalar Məcəlləsinin 21-ci maddəsidə təsbit edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə Şəxs həbslə bağlı olmayan, cərimə növündə inzibati tənbehin verilməsinə dair dəlillərinə də hüquqi qiymət verərək onu qeyd edir ki, İnzibati Xətalar Məcəlləsinin 4cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası,ədalətlilik və inzibati xətaların qarşısının alınması prinsiplərinə əsaslanır. Məhz bu baxımdan məhkəmə onu qeyd edir ki, həbslə bağlı olmayan inzibati tənbehin verilməsi ədalətlilik və inzibati xətaların qarşısının alınması prinsiplərinə zidd olmaqla, həmin tənbehin qəbul edlməsi inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə də uyğun deyildir. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 34.2 və 34.3-cü maddələrinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətaların baxılması eyni orqanın (məhkəmənin) səlahiyyətlərinə aiddir. İnzibati xətalar şəxsin eyni vaxtda etdiyi hərəkətlərlə törədilmişdir. Buna görə də Şəxs İXM-in 510 və 535.1-ci maddələri ilə nəzərdə tutulmuş inzibati xətaların törədilməsində təqsirli bilinməklə ona İXM-in daha ciddi xəta hesab edilən 535-ci maddəsi ilə nəzərdə tutulmuş inzibati xətanın sansksiyası çərçivəsində tənbeh tətbiq edilməlidir. Azərbaycan Respublikası İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İnzibati Xətalar Məcəlləsinin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Yuxarıda sadalanan qanunvericliyin maddələrinə əsaslanaraq, məhkəmə hesab edir ki, Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasında nəzərdə tutulan inzibati tənbeh növü kimi inzibati həbs seçilməli və həbsin əvvəli onun azadlığının faktiki olaraq məhdudlaşdırıldığı vaxtdan, yəni xx xxxxxx 2021-ci il, saat 20.15-dən hesablanmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48, 48-51,61,73,114,128-130-cu maddələrini rəhbər tutaraq, Qərara aldı: Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətanı törətməkdə təqsirli bilinib 10 (on) gün müddətinə inzibati həbs edilsin. Həbsdə saxlama müddətinin əvvəli inzibati qaydada tutulduğu, yəni xx xxxxxx 2021ci il tarixdən saat 20:15-dən hesablansın. Qərarın icrası Gəncə şəhəri Baş Polis İdarəsinin İnzibati Həbs olunanların Saxlama məntəqəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Gəncə şəhər Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti və ya protesti verilə bilər. Hakim: Roman Ələkbərli