Gəncə Şəhəri Nizami Rayon Məhkəməsi Qərar — İş №3(044)-423/2022

Azərbaycan Respublikası adından QƏRAR Gəncə şəhəri İş № 3(044)-423/2022 18.05.2022 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Yediyarova Zeynəb Fərman qızının katibliyi ilə, İnzibati xəta haqqında iş üzrə protokolu tərtib etmiş şəxs Gəncə şəhər Baş Polis İdarəsinin 1-ci Polis Şöbəsinin İTB-nin polis sahə rəisi, polis kapitanı Məmmədov Seymur Cavanşir oğlunun, Barəsində inzibati xəta haqqında iş üzrə icraat aparılan şəxs – Şəxs oğlunun iştirakı ilə, xx xxxx 1977-ci il tarixdə Gəncə şəhərində anadan olmuş, Azərbaycan Respublikasının vətəndaşı, orta təhsilli, ailəli, işləməyən, Gəncə şəhəri, Atatürk prospekti, ev 254, mənzil 40-da yaşayan Şəxs barəsində Gəncə şəhəri Gəncə şəhər Baş Polis İdarəsinin 1-ci Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə müəyyən etdi: Şəxs, 17.05.2022-ci ildə Gəncə şəhəri, H.Əliyev küçəsində olan zaman nalayiq ifadələr işlədərək ətrafda olan insanların diqqətini özünə cəlb etdiyinə görə barəsində Azərbaycan Respublikasının İXM-nin 510-cu maddəsi ilə inzibati xəta haqqında protokol tərtib edilmiş və toplanmış materiallar aidiyyatı üzrə baxılması üçün Gəncə şəhəri Nizami Rayon Məhkəməsinə göndərilmişdir. Məhkəmə iclasında inzibati xəta haqqında protokol tərtib etmiş şəxs Gəncə şəhər Baş Polis İdarəsinin 1-ci Polis Şöbəsinin İTB-nin polis sahə rəisi, polis kapitanı X2 inzibati protokoldakı xüsusatları təsdiq edərək barəsində inzibati xəta haqqında iş üzrə icraat aparılan şəxs Şəxs 17 may 2022-ci il tarixdə inzibati ərazisi Gəncə şəhəri, H.Əliyev küçəsində olan zaman Şəxs sərxoş vəziyyətdə ucadan nalayiq ifadələr işlədərək ətrafda olan şəxslərin diqqətini özünə cəlb etməsini görmüş, Şəxs yaxınlaşaraq özünü təqdim etmiş, onu nizam intizama dəvət etmiş, lakin Şəxs özünü qeyri-səmimi apararaq öz hərəkətlərini davam etdirmiş, yenidən ucadan nalayiq ifadələr işlətmiş, ətrafda olan insanların diqqətini özünə cəlb etmişdir. O, Şəxs Gəncə şəhər 1-ci Polis Şöbəsinə aparmış və növbətçi hissəyə təhvil vermişdir. Məhkəmədən Şəxs barəsində inzibati həbs növündə inzibati tənbeh tətbiq edilməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilərək göstərdi ki, o, 17.05.2022-ci il tarixdə axşam saatlarında sərxoş vəziyyətdə Gəncə şəhəri, H.Əliyev küçəsində hərəkətdə olan zaman ucadan nalayiq ifadələr işlədən zaman polis əməkdaşı ona yaxınlaşmış, ətrafda vətəndaşların olmasını və ucadan nalayiq ifadələr işlədərək ictimai qaydanı pozmağını izah etmiş, ondan sakitləşməyini tələb etmiş, lakin o, öz hərəkətlərini davam etdirdiyi üçün onu polis şöbəsinə gətirmişlər. Əməlindən peşmandır. Barəsində yüngül inzibati tənbeh tətbiq edilməsini məhkəmədən xahiş etdi. Protokol tərtib etmiş şəxsin, barəsində inzibati xəta haqqında iş üzrə icraat aparılan şəxsin izahatlarını dinləyərək, habelə inzibati xəta haqqında işin materiallarını nəzərdən keçirərək məhkəmə hesab edir ki, Şəxs barəsində İXM-in 510-cu maddəsi ilə olan inzibati xəta haqqında protokol əsaslıdır. Məhkəmə iclasında tədqiq edilmiş və işdə olan 17 may 2022-ci il tarixli inzibati qaydada tutma haqqında protokoldan görünür ki, Şəxs 17 may 2022-ci il tarixdə saat 17:00-da tutulmuşdur. Məhkəmə iclasında tədqiq edilmiş və işdə olan 17 may 2022-ci il tarixli 705/2022 nömrəli “sərxoşluq hallarının bütün növlərinin təyini məqsədi ilə aparılan tibbi müayinə” protokolunun surətindən görünür ki, Şəxs iy gəlir və o, yüngül dərəcəli alkoqol - sərxoşdur. Məhkəmə iclasında tədqiq edilmiş və işdə olan Şəxs barəsində tərtib edilmiş 17 may 2022-ci il tarixli MN № ******* saylı inzibati xəta haqqında protokoldan görünür ki, Şəxs 17.05.2022-ci ildə Gəncə şəhəri, H.Əliyev küçəsində olan zaman nalayiq ifadələr işlədərək ətrafda olan insanların diqqətini özünə cəlb etmişdir. Ona görə də, Şəxs barəsində İXM-in 510-cu maddəsi ilə inzibati xəta haqqında protokol tərtib edilmişdir. Beləliklə, Şəxs İXM-in 510-cu maddəsi ilə nəzərdə tutulan inzibati xətanı törətməsi özünün etirafedici ifadəsi, həmçinin işdə olan digər sübutlarla tam sübuta yetirildi. İXM-in 3-cü maddəsinə əsasən yalnız həmin Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-in 12.1-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqa zidd olan, təqsirli sayılan (qəsdən və ya ehtiyasızlıqdan törədilən) inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Məhkəmədə Şəxs İXM-in 32-ci maddəsinə əsasən əməlindən səmimi peşman olması məsuliyyətini yüngülləşdirən haldır. Məhkəmədə inzibati xəta törətmiş şəxs Şəxs inzibati xətanın sərxoş halda olan şəxs tərəfindən törətməsi məsuliyyəti ağırlaşdıran haldır. İXM-in 510-cu maddəsinə əsasən əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq edilir. Məhkəmə Şəxs Azərbaycan Respublikası İXM-nin 510-cu maddəsi ilə nəzərdə tutulmuş inzibati xətanı törətməsini, onun şəxsiyyətini, törətmiş olduğu xətanın xarakterini və inzibati tənbehin məqsədlərinə nail olmasını nəzərə alaraq ona inzibati həbs növündə tənbehin təyin edilməsini məqsədəuyğun hesab edir. Qeyd olunanları nəzərə alaraq və İXM-in 40, 43, 48, 48-51, 61, 73, 114, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinib 10 (on) gün müddətinə inzibati qaydada həbs edilsin. İnzibati həbsin əvvəli 17.05.2022-ci il tarixdən saat 17:00-dan hesablansın. Qərarın icrası Gəncə şəhəri Baş Polis İdarəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Gəncə şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə şikayət verilə bilər. Qərardan apellyasiya qaydasında şikayət verilmədikdə, həmin müddət başa çatdığı vaxtdan sonrakı gün qərar qanuni qüvvəyə minir. Sədrlik edən: Gündüz Şirinov