Gəncə Şəhəri Nizami Rayon Məhkəməsi Qərar — İş №3(044)-429/2021

Azərbaycan Respublikası adından QƏRAR Gəncə şəhəri İş № 3(044)-429/2021 03.05.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Orucov Maarif Arif oğlunun katibliyi ilə, İnzibati protokol tərtib etmiş şəxs Gəncə şəhəri Nizami RPİ-nin İTB-nin polis sahə rəisi, polis leytenantı X3, İnzibati protokol tərtib etmiş şəxs Gəncə şəhəri Nizami RPİ-nin İTB-nin polis sahə rəisi, polis leytenantı X4, Barəsində inzibati xəta haqqında iş üzrə icraat aparılan şəxs – Şəxs və onun müdafiəçisi X5 iştirakı ilə, 20 avqust 1994-cü il tarixdə Şəmkir şəhəri, Mahmudlu kəndində anadan olmuş, Azərbaycan Respublikasının vətəndaşı, orta təhsilli, məhkumluğu olmayan, subay, işləməyən, Ağdam şəhəri, R.Məmmədov küçəsi, ev 13-də qeydiyyatda olan, Gəncə şəhəri, Muxtar Hacıyev küçəsində yaşayan Şəxs, barəsində Azərbaycan Respublikası İnzibati Xətalar Məcəlləsinin 227-ci maddəsi ilə olan inzibati xəta haqqında işə baxaraq, məhkəmə müəyyən etdi: Şəxs, 09 aprel 2021-ci il tarixdə gecə saatlarında Gəncə şəhəri, A.İmanquliyeva küçəsi ev 15, mənzil 121-də yaşayan X1 yaşadığı binanın arxasında olan ümumi dəyəri 80 manat olan 1 ədəd 1,5x2 metr ölçüdə pəncərənin dəmir barmaqlığını oğurlamış, bundan başqa o, 16 aprel 2021-ci ildən 17 aprel 2021-ci ilə kimi olan müddət ərzində Gəncə şəhəri, Cavadxan küçəsi, ev 56, mənzil 15-də yaşayan X6 məxsus yaşadığı mənzilin dəhlizində olan 80 manat dəyərində su hidrofonu mühərriki ilə birlikdə oğurlamışdır. Beləliklə də Şəxs Azərbaycan Respublikası İXM-nin 227-ci maddəsində nəzərdə tutulmuş inzibati xətanı törətmişdir. Şəxs barəsində tərtib edilmiş Azərbaycan Respublikası İXM-nin 227-ci maddəsi ilə inzibati protokol və toplanmış materiallar 03 may 2021-ci il tarixdə aidiyyəti üzrə baxılması üçün Gəncə şəhəri Nizami Rayon Məhkəməsinə göndərilmişdir. İnzibati xəta haqqında materialı və məhkəmə iclasında toplanmış sübutları hərtərəfli araşdırıb məhkəmə belə nəticəyə gəlir ki, Şəxs xırda talama, yəni oğurlama yolu ilə özgənin əmlakını talama inzibati xətasını törətməkdə təqsiri tam sübuta yetirilmiş və aşağıdakılarla təsdiq olunmuşdur. Azərbaycan Respublikası İXM-nin 12.2-ci maddəsinə əsasən həmin Məcəllənin xüsusi hissəsinə nəzərədə tutulan əməllərə görə inzibati məsuliyyət o hallarda yaranır ki, o əməllər cinayət məsuliyyətinə səbəb olmasın. Məhkəmə iclasında iştirak edən inzibati protokolu tərtib etmiş Gəncə şəhəri Nizami RPİ-nin İTB-nin polis sahə rəisi, polis leytenantı X8 inzibati protokoldakı xüsusatları təsdiq edərək bildirdi ki, Şəxs, 09 aprel 2021-ci il tarixdə gecə saatlarında Gəncə şəhəri, A.İmanquliyeva küçəsi ev 15, mənzil 121-də yaşayan X1 yaşadığı binanın arxasında olan ümumi dəyəri 80 manat olan 1 ədəd 1,5x2 metr ölçüdə pəncərənin dəmir barmaqlığını oğurlamasını qeyd edərək, Şəxs barəsində qanunvericiliklə müəyyən olunmuş qaydada inzibati tənbeh verilməsini məhkəmədən xahiş etdi. Məhkəmə iclasında iştirak edən inzibati protokolu tərtib etmiş Gəncə şəhəri Nizami RPİ-nin İTB-nin polis sahə rəisi, polis leytenantı X9 inzibati protokoldakı xüsusatları təsdiq edərək bildirdi ki, Şəxs 16 aprel 2021-ci ildən 17 aprel 2021-ci ilə kimi olan müddət ərzində Gəncə şəhəri, Cavadxan küçəsi, ev 56, mənzil 15-də yaşayan X6 məxsus yaşadığı mənzilin dəhlizində olan 80 manat dəyərində su hidrafonu mühərriki ilə birlikdə oğurlamasını qeyd edərək, Şəxs barəsində qanunvericiliklə müəyyən olunmuş qaydada inzibati tənbeh verilməsini məhkəmədən xahiş etdi. Məhkəmə iclasında Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə özünü təqsirli bilərək göstərdi ki, o, 09 aprel 2021-ci il tarixdə gecə saatlarında Gəncə şəhəri, A.İmanquliyeva küçəsi ev 15, mənzil 121-də yaşayan X1 yaşadığı binanın arxasında olan ümumi dəyəri 80 manat olan 1 ədəd 1,5x2 metr ölçüdə pəncərənin dəmir barmaqlığını oğurlamış, bundan başqa o, 16 aprel 2021-ci ildən 17 aprel 2021-ci ilə kimi olan müddət ərzində Gəncə şəhəri, Cavadxan küçəsi, ev 56, mənzil 15-də yaşayan X6 məxsus yaşadığı mənzilin dəhlizində olan 80 manat dəyərində su hidrafonu mühərriki ilə birlikdə oğurlamışdır. Əməlindən peşmandır, maddi imkanı çox pisdir. Ona görə də məhkəmədən barəsində yüngül inzibati tənbeh növü tətbiq edilməsini xahiş etdi. Məhkəmə iclasında Şəxs müdafiəçisi X10 izahat verərək bildirdi ki, Şəxs törətmiş olduğu əməldən peşmandır. Ona görə də məhkəmədən Şəxs barəsində yüngül inzibati tənbeh növü tətbiq edilməsini xahiş etdi. İş materiallarında olan polis sahə rəisi, polis leytenantı X8 tərəfindən 03 may 2021ci il tarixdə tərtib olunmuş MN № ******* saylı protokoldan görünür ki, Şəxs oğlu 09 aprel 2021-ci il tarixdə gecə saatlarında Gəncə şəhəri, A.İmanquliyeva küçəsi ev 15, mənzil 121-də yaşayan X1 yaşadığı binanın arxasında olan ümumi dəyəri 80 manat olan 1 ədəd 1,5x2 metr ölçüdə pəncərənin dəmir barmaqlığını oğurlamışdır. İş materiallarında olan polis sahə rəisi, polis leytenantı X9 tərəfindən 03 may 2021ci il tarixdə tərtib olunmuş MN № ******* saylı protokoldan görünür ki, Şəxs 16 aprel 2021ci ildən 17 aprel 2021-ci ilə kimi olan müddət ərzində Gəncə şəhəri, Cavadxan küçəsi, ev 56, mənzil 15-də yaşayan X6 məxsus yaşadığı mənzilin dəhlizində olan 80 manat dəyərində su hidrafonu mühərriki ilə birlikdə oğurlamış dır. Barəsində inzibati xəta haqqında iş üzrə icraat aparılan şəxsin, onun müdafiəçisinin, inzibati protokol tərtib etmiş şəxsin izahatını dinləyərək, habelə inzibati xəta haqqında işin materiallarını nəzərdən keçirərək məhkəmə hesab edir ki, təhqiqat orqanı tərəfindən düzgün olaraq Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə inzibati xəta haqqında protokol tərtib edilmişdir. İş materiallarında olan və məhkəmədə elan edilmiş Şəxs barəsində tərtib edilmiş inzibati xəta haqqında protokollardan görünür ki, Şəxs oğurluq edərək xırda talama etmişdir. İş materiallarında olan 27 aprel 2021-ci il tarixli qərardan görünür ki, X7 DİN-in 102 xidmətinə zəng edərək və daha sonra Gəncə şəhər Nizami RPİ-yə ərizə ilə müraciət edərək bildirmişdir ki, yaşadığı binanın dəhliz hissəsində quraşdırılmış ona məxsus 1 ədəd istifadə olunmuş 50 manat dəyərindəki su hidrofonu oğurlanmışdır. Həmin fakt əsasında toplanmış materialda cinayət tərkibi olmadığından material üzrə cinayət işinin başlanması rədd edilmişdir. Beləliklə, Şəxs Azərbaycan Respublikası İXM-nin 227-ci maddəsi ilə nəzərdə tutulan inzibati xətanı törətməsi özünün etirafedici izahatı və işdə olan digər sübutlarla tam sübuta yetirildi. Azərbaycan Respublikası İnzibati Xətalar Məcəlləsinin 9.1-ci maddəsinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. İXM-in 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İXM-in 31.2-ci maddəsinə görə fıziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İXM-in 34.4-cü maddəsinə əsasən şəxsin müxtəlif vaxtlarda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, barəsində inzibati icraat aparılan şəxsə tətbiq olunan tənbeh bu Məcəllənin 25.4, 27.1, 28.3, 29.3 və 30.1-ci maddələrində müəyyən edilmiş hədlərdən artıq ola bilməz. İnzibati Xətalar Məcəlləsinin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. İnzibati xəta törətmiş şəxs Şəxs məhkəmədə hərəkətindən peşman olduğunu bildirmişdir. Ona görə də məhkəmə, Azərbaycan Respublikası İXM-nin 32.1.1-ci maddəsinə əsasən onun səmimi peşmançılığını onun məsuliyyətini yüngülləşdirən hal kimi nəzərə alır. Məhkəmədə inzibati xəta törətmiş şəxs Şəxs barəsində Azərbaycan Respublikası İXM-nin 33-cü maddəsində nəzərdə tutulmuş məsuliyyəti ağırlaşdıran hallar müəyyən edilməmişdir. Azərbaycan Respublikası İXM-nin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə - yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Azərbaycan Respublikası İnzibati Xətalar Məcəlləsinin 227-ci maddəsındə nəzərdə tutulmuş məhrumiyyətlərə səbəb olan inzibati xətaların Şəxs tərəfindən törədilməsi məhkəmə iclasında tədqiq edilmiş inzibati xəta haqqında protokollar, barəsində inzibati xəta haqqında iş üzrə icraat aparılan şəxsin etirafedici izahatı eləcə də inzibati materialda olan digər sənədlərlə sübuta yetirilmişdir. Məhkəmə Şəxs törətdiyi əməlləri etiraf etməsini, əməllərindən səmimi peşman olmasını onun məsuliyyətini yüngülləşdirən hal hesab edir. İnzibati Xətalar Məcəlləsinin 33-cü maddəsinə əsasən Şəxs məsuliyyətini ağırlaşdıran hallar müəyyən edilməmişdir. Beləliklə məhkəmə törədilmiş inzibati xətaların xarakterini, inzibati xətanı törətmiş şəxsin şəxsiyyətini, məsuliyyətini yüngülləşdirən halları və məsuliyyəti ağırlaşdıran halların müəyyən edilməməsini nəzərə alıb, iş üzrə toplanmış sübutları qiymətləndirərək hesab edir ki, Şəxs Azərbaycan Respublikası İXM-nin 227-ci maddəsində nəzərdə tutulan inzibati xətaların törədilməsində təqsirli bilinməli, Azərbaycan Respublikası İXM-nin 34.2, 34.4-cü maddələrinin tələbləri nəzərə alınmaqla onun barəsində Azərbaycan Respublikası İnzibati Xətalar Məcəlləsinin 227-ci maddəsinin sanksiyasında nəzərdə tutulmuş ictimai işlər növündə inzibati tənbeh tədbiri tətbiq edilməlidir. Zərərçəkmiş şəxslər X6 və X2 dəymiş ziyanla bağlı mülki məhkəmə icraatı qaydasında məhkəməyə müraciət etmək hüququ izah edilməlidir. Yuxarıda gostərilənlərə əsasən və Azərbaycan Respublikası İnzibati Xətalar Məcəlləsinin 43, 114, 115 və 130.1-ci maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinsin və ona 240 (iki yüz qırx) saat ictimai işlər növündə inzibati tənbeh tətbiq edilsin. Şəxs üzərinə ictimai işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulsun. Zərərçəkmiş şəxslər X6 və X2 dəymiş ziyanla bağlı mülki məhkəmə icraatı qaydasında məhkəməyə müraciət etmək hüququ izah edilsin. Qərarın surəti təqdim edildiyi və ya alındığı gündən 10 (on) gün müddətində Gəncə şəhəri Nizami Rayon Məhkəməsi vasitəsi ilə Gəncə Apelyasiya Məhkəməsinə şikayət verilə bilər. Sədlik edən: Gündüz Şirinov