Gəncə Şəhəri Nizami Rayon Məhkəməsi Qərar — İş №3(044)-458/2021

Azərbaycan Respublikası adından QƏRAR Gəncə şəhəri İş № 3(044)-458/2021 17.05.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Əlizadə Kamran Mehman oğlunun katibliyi, İnzibati protokol tərtib etmiş şəxs Gəncə şəhəri Nizami RPİ-nin İTB-nin polis sahə rəisi, polis kapitanı X5, Zərərçəkmiş şəxs X1, Barəsində inzibati xəta haqqında iş üzrə icraat aparılan şəxs – Şəxs və onun müdafiəçisi X3 iştirakı ilə, xx xxxxxxx 1976-cı il tarixdə Gəncə şəhərində anadan olmuş, Azərbaycan Respublikasının vətəndaşı, orta təhsilli, subay, işləməyən, Gəncə şəhəri, Bayan küçəsi, ev 119A-da qeydiyyatda olan Şəxs, barəsində Azərbaycan Respublikası İnzibati Xətalar Məcəlləsinin 227-ci maddəsi ilə olan inzibati xəta haqqında işə baxaraq, məhkəmə müəyyən etdi: Gəncə şəhəri Nizami Rayon Polis İdarəsindən Şəxs barəsində Azərbaycan Respublikası İXM-nin 227-ci maddəsi ilə inzibati protokol tərtib edilərək baxılması üçün məhkəməyə göndərilmişdir. İş materiallarından görünür ki, Şəxs 31 mart 2021-ci il tarixdə Gəncə şəhəri, Bayan küçəsi ev 119A-da yaşayan Şəxs anası X2 məxsus 1 ədəd 20 manat dəyərində xoruzu, 01 may 2021-ci il tarixdə Gəncə şəhəri, Bayan küçəsi, ev 119A-da yaşayan Şəxs onunla qonşuluqda, yəni Gəncə şəhəri, Bayan küçəsi, ev 119B-də yaşayan anası X1 yaşadığı evin həyətindən 1 baş 50 manat dəyərində quzunu, 07 may 2021-ci il tarixdə isə sonuncunun yaşadığı evin həyətindən ümumi dəyəri 315 manat təşkil edən 1 ədəd qaz quşunu, 1 ədəd xoruzu, 1 ədəd direli, 1 ədəd su motorunu, 1 ədəd motorlu mişarı və 1 ədəd yataq dəstini gizli yolla oğurlamışdır. Beləliklə Şəxs Azərbaycan Respublikası İXM-nin 227-ci maddəsində nəzərdə tutulmuş inzibati xətanı törətmişdir. Şəxs barəsində tərtib edilmiş Azərbaycan Respublikası İXM-nin 227-ci maddəsi ilə inzibati protokol və toplanmış materiallar 17 may 2021-ci il tarixdə aidiyyəti üzrə baxılması üçün Gəncə şəhəri Nizami Rayon Məhkəməsinə göndərilmişdir. İnzibati xəta haqqında materialı və məhkəmə iclasında toplanmış sübutları hərtərəfli araşdırıb məhkəmə belə nəticəyə gəlir ki, Şəxs xırda talama, yəni oğurlama yolu ilə özgənin əmlakını talama inzibati xətasını törətməkdə təqsiri tam sübuta yetirilmiş və aşağıdakılarla təsdiq olunmuşdur. Azərbaycan Respublikası İXM-nin 12.2-ci maddəsinə əsasən həmin Məcəllənin xüsusi hissəsinə nəzərədə tutulan əməllərə görə inzibati məsuliyyət o hallarda yaranır ki, o əməllər cinayət məsuliyyətinə səbəb olmasın. Məhkəmə iclasında iştirak edən inzibati protokolu tərtib etmiş Gəncə şəhəri Nizami RPİ-nin İTB-nin polis sahə rəisi, polis kapitanı X7 inzibati protokoldakı xüsusatları təsdiq edərək bildirdi ki, Şəxs, 31 mart 2021-ci il tarixdə Gəncə şəhəri, Bayan küçəsi ev 119A-da yaşayan Şəxs anası X2 məxsus 1 ədəd 20 manat dəyərində xoruzu, 01 may 2021-ci il tarixdə Gəncə şəhəri, Bayan küçəsi, ev 119A-da yaşayan Şəxs onunla qonşuluqda, yəni Gəncə şəhəri, Bayan küçəsi, ev 119 B-də yaşayan anası X1 yaşadığı evin həyətindən 1 baş 50 manat dəyərində quzunu, 07 may 2021-ci il tarixdə isə sonuncunun yaşadığı evin həyətindən ümumi dəyəri 315 manat təşkil edən 1 ədəd qaz quşunu, 1 ədəd xoruzu, 1 ədəd direli, 1 ədəd su motorunu, 1 ədəd motorlu mişarı və 1 ədəd yataq dəstini gizli yolla oğurlamasını qeyd edərək, Şəxs barəsində qanunvericiliklə müəyyən olunmuş qaydada inzibati tənbeh verilməsini məhkəmədən xahiş etdi. Məhkəmə iclasında iştirak edən zərərçəkmiş şəxs X4 bildirdi ki, 31 mart 2021-ci il tarixdə onun oğlu Şəxs ona məxsus 1 ədəd 20 manat dəyərində xoruzu, 01 may 2021-ci il tarixdə Şəxs ona məxsus yaşadığı evin həyətindən 1 baş 50 manat dəyərində quzunu, 07 may 2021-ci il tarixdə isə onun yaşadığı evin həyətindən Şəxs ümumi dəyəri 315 manat təşkil edən 1 ədəd qaz quşu, 1 ədəd xoruzu, 1 ədəd direli, 1 ədəd su motorunu, 1 ədəd motorlu mişarı və 1 ədəd yataq dəstini gizli yolla oğurlamasını qeyd edərək, Şəxs şikayətçi olmasını bildirərək onun barəsində inzibati tənbeh tətbiq edilməsini xahiş etdi. Məhkəmə iclasında Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə özünü təqsirli bilərək göstərdi ki, o, heç bir oğurluq etməmişdir. Ona görə də məhkəmədən barəsində yüngül cəza verilməsini xahiş etdi. Məhkəmə iclasında Şəxs müdafiəçisi X6 bildirdi ki, məhkəmədən Şəxs barəsində yüngül cəza verilməsini xahiş etdi. İş materiallarında olan Gəncə şəhəri Nizami RPİ-nin İTB-nin polis sahə rəisi, polis kapitanı X7 tərəfindən, 31 mart 2021-ci il tarixdə Gəncə şəhəri, Bayan küçəsi ev 119A-da yaşayan Şəxs anası X2 məxsus 1 ədəd 20 manat dəyərində xoruzu, 01 may 2021-ci il tarixdə Gəncə şəhəri, Bayan küçəsi, ev 119A-da yaşayan Şəxs onunla qonşuluqda, yəni Gəncə şəhəri, Bayan küçəsi, ev 119B-də yaşayan anası X1 yaşadığı evin həyətindən 1 baş 50 manat dəyərində quzunu, 07 may 2021-ci il tarixdə isə sonuncunun yaşadığı evin həyətindən ümumi dəyəri 315 manat təşkil edən 1 ədəd qaz quşunu, 1 ədəd xoruzu, 1 ədəd direli, 1 ədəd su motorunu, 1 ədəd motorlu mişarı və 1 ədəd yataq dəstini gizli yolla oğurlaması faktlarına dair 17 may 2021-ci il tarixdə MN № ******* saylı, MN № ******* saylı və MN № ******* saylı inzibati protokollar tərtib edilmişdir. 17 may 2021-ci il tarixli inzibati qaydada tutma haqqında protokoldan görünür ki, Şəxs 17 may 2021-ci il tarixdə 11:30-da inzibati qaydada tutulmuşdur. Barəsində inzibati xəta haqqında iş üzrə icraat aparılan şəxsin, onun müdafiəçisinin, zərərçəkmiş şəxsin, inzibati protokol tərtib etmiş şəxsin izahatını dinləyərək, habelə inzibati xəta haqqında işin materiallarını nəzərdən keçirərək məhkəmə hesab edir ki, təhqiqat orqanı tərəfindən düzgün olaraq Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə inzibati xəta haqqında protokol tərtib edilmişdir. İş materiallarında olan və məhkəmədə elan edilmiş Şəxs barəsində tərtib edilmiş inzibati xəta haqqında protokollardan görünür ki, Şəxs oğurluq edərək xırda talama etmişdir. İş materiallarında olan 05 aprel 2021-ci il tarixli, 10 aprel 2021-ci il tarixli və 11 may 2021-ci il tarixli qərarlardan görünür ki, Şəxs etmiş olduğu oğurluq faktları əsasında toplanmış materialda cinayət tərkibi olmadığından material üzrə cinayət işinin başlanması rədd edilmişdir. Beləliklə, Şəxs Azərbaycan Respublikası İXM-nin 227-ci maddəsi ilə nəzərdə tutulan inzibati xətanı törətməsi özünün etirafedici izahatı və işdə olan digər sübutlarla tam sübuta yetirildi. Azərbaycan Respublikası İnzibati Xətalar Məcəlləsinin 9.1-ci maddəsinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. İXM-in 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İXM-in 28.3-cü maddəsinə əsasən ictimai işlər altmış saatdan iki yüz qırx saatadək müddətə müəyyən edilir və gün ərzində dörd saatdan çox ola bilməz. İXM-in 31.2-ci maddəsinə görə fıziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İXM-in 34.4-cü maddəsinə əsasən şəxsin müxtəlif vaxtlarda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, barəsində inzibati icraat aparılan şəxsə tətbiq olunan tənbeh bu Məcəllənin 25.4, 27.1, 28.3, 29.3 və 30.1-ci maddələrində müəyyən edilmiş hədlərdən artıq ola bilməz. İnzibati Xətalar Məcəlləsinin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. İnzibati xəta törətmiş şəxs Şəxs əməlindən səmimi peşman olmasını yüngülləşdirən hal kimi nəzər alınır. Məhkəmədə inzibati xəta törətmiş şəxs Şəxs barəsində Azərbaycan Respublikası İXM-nin 33-cü maddəsində nəzərdə tutulmuş məsuliyyəti ağırlaşdıran hallar müəyyən edilməmişdir. Azərbaycan Respublikası İXM-nin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə - yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Azərbaycan Respublikası İnzibati Xətalar Məcəlləsinin 227-ci maddəsındə nəzərdə tutulmuş məhrumiyyətlərə səbəb olan inzibati xətaların Şəxs tərəfindən törədilməsi məhkəmə iclasında tədqiq edilmiş inzibati xəta haqqında protokollar, zərərçəkmiş şəxsin izahatı, inzibati materialda olan digər sənədlərlə sübuta yetirilmişdir. Beləliklə məhkəmə törədilmiş inzibati xətaların xarakterini, inzibati xətanı törətmiş şəxsin şəxsiyyətini, məsuliyyətini yüngülləşdirən halları və məsuliyyəti ağırlaşdıran halların müəyyən edilməməsini nəzərə alıb, iş üzrə toplanmış sübutları qiymətləndirərək hesab edir ki, Şəxs Azərbaycan Respublikası İXM-nin 227-ci maddəsində nəzərdə tutulan inzibati xətaların törədilməsində təqsirli bilinməli, Azərbaycan Respublikası İXM-nin 34.2, 34.4-cü maddələrinin tələbləri nəzərə alınmaqla onun barəsində Azərbaycan Respublikası İnzibati Xətalar Məcəlləsinin 227-ci maddəsinin sanksiyasında nəzərdə tutulmuş ictimai işlər növündə inzibati tənbeh tədbiri tətbiq edilməlidir. Zərərçəkmiş şəxs X8 qızına dəymiş ziyanla bağlı mülki məhkəmə icraatı qaydasında məhkəməyə müraciət etmək hüququ izah edilməlidir. Yuxarıda gostərilənlərə əsasən və Azərbaycan Respublikası İnzibati Xətalar Məcəlləsinin 43, 114, 115 və 130.1-ci maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinsin və ona 180 (yüz səksən) saat ictimai işlər növündə inzibati tənbeh tətbiq edilsin. Şəxs üzərinə ictimai işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulsun. Zərərçəkmiş şəxs X2 dəymiş ziyanla bağlı mülki məhkəmə icraatı qaydasında məhkəməyə müraciət etmək hüququ izah edilsin. Qərarın surəti təqdim edildiyi və ya alındığı gündən 10 (on) gün müddətində Gəncə şəhəri Nizami Rayon Məhkəməsi vasitəsi ilə Gəncə Apelyasiya Məhkəməsinə şikayət verilə bilər. Sədlik edən: Gündüz Şirinov