Gəncə Şəhəri Nizami Rayon Məhkəməsi Qərar — İş №3(044)-474/2021

Azərbaycan Respublikası adından QƏRAR Gəncə şəhəri İş № 3(044)-474/2021 23.05.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami Rayon Məhkəməsinin hakimi Şirinov Gündüz Əhməd oğlunun sədrliyi, Əlizadə Kamran Mehman oğlunun katibliyi ilə, İnzibati protokol tərtib etmiş şəxs Gəncə şəhəri Nizami RPİ-nin polis bölməsinin sahə rəisi, polis mayoru X2, Zərərçəkmiş şəxs X4, Barəsində inzibati xəta haqqında iş üzrə icraat aparılan şəxs Şəxs və onun müdafiəçisi X1 iştirakı ilə, xx xxxxxx 1994-cü il tarixdə Yəmən Respublikasının, Taiz əyalətinin, Taiz rayonunda anadan olmuş, Azərbaycan Respublikasının vətəndaşı, orta təhsilli, subay, işsiz, əvvəllər məhkum olunmuş, Gəncə şəhəri, Cavadxan küçəsi, ev 158B-də qeydiyyatda olan və yaşayan Şəxs, barəsində Azərbaycan Respublikası İnzibati Xətalar Məcəlləsinin 227-ci maddəsi ilə olan inzibati xəta haqqında işə baxaraq, məhkəmə müəyyən etdi: Şəxs, 22 may 2021-ci il tarixdə saat 10:30 radələrində Gəncə şəhəri, Nəvai küçəsi, ev 10-da yaşayan X6 məxsus yaşadığı evin qarşısında saxladığı “Dodge Neon” markalı **- GH-*** dövlət qeydiyyat nömrə nişanlı avtomobildən ümumi dəyəri 130 manat olan 1 ədəd “Nokia” markalı və 1 ədəd “Samsung J2” markalı mobil telefon, 4 ədəd müxtəlif banklara aid plastik kartlar, şəxsiyyət vəsiqəsi və 21 manat nəğd pulu oğurlamışdır. Beləliklə də Şəxs Azərbaycan Respublikası İXM-nin 227-ci maddəsində nəzərdə tutulmuş inzibati xətanı törətmişdir. Şəxs barəsində tərtib edilmiş Azərbaycan Respublikası İXM-nin 227-ci maddəsi ilə inzibati protokol və toplanmış materiallar 23 may 2021-ci il tarixdə aidiyyəti üzrə baxılması üçün Gəncə şəhəri Nizami Rayon Məhkəməsinə göndərilmişdir. İnzibati xəta haqqında materialı və məhkəmə iclasında toplanmış sübutları hərtərəfli araşdırıb məhkəmə belə nəticəyə gəlir ki, Şəxs xırda talama, yəni oğurlama yolu ilə özgənin əmlakını talama inzibati xətasını törətməkdə təqsiri tam sübuta yetirilmiş və aşağıdakılarla təsdiq olunmuşdur. Azərbaycan Respublikası İXM-nin 12.1-ci maddəsinə əsasən həmin Məcəllə ilə qorunun ictimai münsaibətlərə qəsd edən, hüquqa zidd olan, təqsirli sayılan (qəsdən və ya ehtiyasızlıqdan törədilən) inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Həmin Məcəllənin 12.2-ci maddəsinə əsasən həmin Məcəllənin xüsusi hissəsinə nəzərədə tutulan əməllərə görə inzibati məsuliyyət o hallarda yaranır ki, o əməllər cinayət məsuliyyətinə səbəb olmasın. Məhkəmə iclasında iştirak edən inzibati protokolu tərtib etmiş Gəncə şəhəri Nizami RPİ-nin polis bölməsinin sahə rəisi, polis mayoru X5 inzibati protokoldakı xüsusatları təsdiq edərək bildirdi ki, Şəxs, 22 may 2021-ci il tarixdə saat 10:30 radələrində Gəncə şəhəri, Nəvai küçəsi, ev 10-da yaşayan X6 məxsus yaşadığı evin qarşısında saxladığı “Dodge Neon” markalı **-GH-*** dövlət qeydiyyat nömrə nişanlı avtomobildən ümumi dəyəri 130 manat olan 1 ədəd “Nokia” markalı və 1 ədəd “Samsung J2” markalı mobil telefon, 4 ədəd müxtəlif banklara aid plastik kartlar, şəxsiyyət vəsiqəsi və 21 manat nəğd pulu oğurlamasını qeyd edərək, Şəxs barəsində qanunvericiliklə müəyyən olunmuş qaydada inzibati tənbeh verilməsini məhkəmədən xahiş etdi. Məhkəmə iclasında Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə özünü təqsirli bilərək bildirdi ki, o, 22 may 2021-ci il tarixdə saat 10:30 radələrində Gəncə şəhəri, Nəvai küçəsi, ev 10-da yaşayan X6 məxsus yaşadığı evin qarşısında saxladığı “Dodge Neon” markalı **- GH-*** dövlət qeydiyyat nömrə nişanlı avtomobildən ümumi dəyəri 130 manat olan 1 ədəd “Nokia” markalı və 1 ədəd “Samsung J2” markalı mobil telefon, 4 ədəd müxtəlif banklara aid plastik kartlar, şəxsiyyət vəsiqəsi və 21 manat nəğd pulu oğurlamışdır. Əməlindən peşmandır, məhkəmədən barəsində yüngül inzibati tənbeh növü tətbiq edilməsini xahiş etdi. Məhkəmə iclasında zərərçəkmiş şəxs X7 bildirdi ki, Şəxs, 22 may 2021-ci il tarixdə saat 10:30 radələrində Gəncə şəhəri, Nəvai küçəsi, ev 10-da ona məxsus yaşadığı evin qarşısında saxladığı “Dodge Neon” markalı **-GH-*** dövlət qeydiyyat nömrə nişanlı avtomobildən ümumi dəyəri 130 manat olan 1 ədəd “Nokia” markalı və 1 ədəd “Samsung J2” markalı mobil telefon, 4 ədəd müxtəlif banklara aid plastik kartlar, şəxsiyyət vəsiqəsi və 21 manat nəğd pulu oğurlamışdır. Məhkəmədən Şəxs barəsində inzibati tənbeh növü tətbiq edilməsini xahiş etdi. Məhkəmə iclasında Şəxs müdafiəçisi X3 bildirdi ki, Şəxs törətmiş olduğu əməldən peşmandır. Ona görə də məhkəmədən Şəxs oğlunun barəsində yüngül inzibati tənbeh növü tətbiq edilməsini xahiş etdi. Barəsində inzibati xəta haqqında iş üzrə icraat aparılan şəxsin, onun müdafiəçisinin, inzibati protokol tərtib etmiş şəxsin, zərərçəkmiş şəxsin izahatlarını dinləyərək, habelə inzibati xəta haqqında işin materiallarını nəzərdən keçirərək məhkəmə hesab edir ki, təhqiqat orqanı tərəfindən düzgün olaraq Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə inzibati xəta haqqında protokol tərtib edilmişdir. İş materiallarında olan və məhkəmədə elan edilmiş Şəxs barəsində tərtib edilmiş inzibati xəta haqqında protokolundan görünür ki, Şəxs oğurluq edərək xırda talama etmişdir. İş materiallarında olan 22 may 2021-ci il tarixli qərarın surətindən görünür ki, Şəxs əməlində cinayət tərkibi olmadığından material üzrə cinayət işinin başlanması rədd edilmişdir. İnzibati qaydada tutma haqqında 22 may 2021-ci il tarixli inzibati qaydada tutma protokoldan görünür ki, Şəxs 22 may 2021-ci il tarixdə saat 18:50-də inzibati qaydada tutulmuşdur. Beləliklə, Şəxs Azərbaycan Respublikası İXM-nin 227-ci maddəsi ilə nəzərdə tutulan inzibati xətanı törətməsi özünün etirafedici izahatı və işdə olan digər sübutlarla tam sübuta yetirildi. Azərbaycan Respublikası İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyin vəzifələri insan və vətəndaş hüquqlarını və azadlıqlarını, onun sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi. ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. İnzibati Xətalar Məcəlləsinin 21-ci maddəsində təsbit edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati xəta törətmiş şəxs Şəxs əməlində cəzanı ağırlaşdıran hallar müəəyyən edilmədi. İnzibati xəta törətmiş şəxs Şəxs məhkəmədə hərəkətindən peşman olduğunu bildirmişdir. Ona görə də məhkəmə, Azərbaycan Respublikası İXM-nin 32.1.1-ci maddəsinə əsasən onun səmimi peşmançılığını onun məsuliyyətini yüngülləşdirən hal kimi nəzərə alır. Azərbaycan Respublikası İXM-nin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə - yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. İnzibati Xətalar Məcəlləsinin 36.1-ci maddəsinə əsasən inzibati xəta haqqında işə baxarkən, vurulmuş əmlak zərərinin əvəzinin ödənilməsi barədə mübahisə olmadıqda, hakim, səlahiyyətli orqan (vəzifəli şəxs) inzibati tənbeh tətbiq etməklə eyni vaxtda vurulmuş zərərin əvəzinin ödənilməsi barədə məsələyə də baxa bilər. İnzibati Xətalar Məcəlləsinin 36.3-cü maddəsinin tələbinə görə inzibati xəta nəticəsində vurulmuş mənəvi zərərin əvəzinin ödənilməsi məsələsi Azərbaycan Respublikasının Mulki Prosessual Məcəlləsinə uyğun olaraq həll edilir. Beləliklə məhkəmə yuxarıda sadalanan qanunvericliyin maddələrinə əsaslanaraq, Şəxs Azərbaycan Respublikası İXM-nin 227-ci maddəsi ilə nəzərdə tutulmuş inzibati xətanı törətməsini, onun şəxsiyyətini, törətmiş olduğu xətanın xarakterini, inzibati tənbehin məqsədlərinə nail olmasını nəzərə alaraq ona inzibati həbs növündə tənbehin təyin edilməsini məqsədəuyğun hesab edir. Zərərçəkmiş şəxsə dəymiş ziyanla bağlı mülki məhkəmə icraatı qaydasında məhkəməyə müraciət etmək hüququ izah edilməlidir. Qeyd olunanları nəzərə alaraq və Azərbaycan Respublikası İnzibati Xətalar Məcəlləsinin 40, 43, 48, 48-51, 61, 73, 114, 128-130-cu maddələrini rəhbər tutaraq məhkəmə, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinib 30 (otuz) gün müddətinə inzibati həbs edilsin. İnzibati həbsin əvvəli 22 may 2021-ci il tarixdən saat 18:50-dən hesablansın. Qərarın icrası Gəncə şəhəri Baş Polis İdarəsinin İnzibati həbs olunanların müvəqqəti saxlama yerinə həvalə edilsin. Zərərçəkmiş şəxsə dəymiş ziyanla bağlı mülki məhkəmə icraatı qaydasında məhkəməyə müraciət etmək hüququ izah edilsin. Qərarın surəti təqdim edildiyi və ya alındığı gündən 10 (on) gün müddətində Gəncə şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə şikayət verilə bilər. Sədrlik edən: Gündüz Şirinov