Gəncə Şəhəri Nizami Rayon Məhkəməsi Qərar — İş №3(044)-521/2021

Azərbaycan Respublikası adından QƏRAR Gəncə şəhəri İş № 3(044)-521/2021 16.06.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami Rayon Məhkəməsinin hakimi Ələkbərli Roman Nəriman oğlunun sədrliyi, məsləhətçi Həsənov Ayxan Rasim oğlunun katibliyi ilə, Gəncə şəhəri üzrə İcra İdarəsinin icra məmuru X5, tələbkar X1, barəsində inzibati xəta haqqında iş üzrə icraat aparılan şəxs Şəxs iştirakları ilə xx.xx.1975-ci il tarixdə Ukrayna Respublikasında anadan olmuş, Azərbaycan Respublikasının vətəndaşı, orta təhsilli, subay, fərdi əməklə məşğul olan, məhkumluğu olmayan, Gəncə şəhəri, R.Axundov küçəsi, 2-ci döngə, ev 4-də qeydiyyatda olan və yaşayan Şəxs Azərbaycan Respublikasının İnzibati Xətalar Məcəlləsinin (bundan sonra AR İXM) 528.1-ci maddəsində nəzərdə tutulmuş inzibati xətanı törətməsinə dair Gəncə şəhəri üzrə İcra İdarəsindən daxil olmuş inzibati xəta haqqında materiala baxaraq, məhkəmə müəyyən etdi: Gəncə şəhəri Nizami Rayon Məhkəməsinin 17.01.2012-ci il tarixli, 2(044)-222/12 saylı icra sənədinə əsasən Şəxs 29.11.2008-ci ildə doğulmuş X3 yetkinlik yaşına çatanadək saxlanılması üçün hər ay sabit pul məbləğində 50 manat miqdarında aliment tutularaq X8 qızına ödənilməsi qət edilmişdir. Gəncə şəhəri Nizami Rayon Məhkəməsinin 13.04.2015-ci il tarixli, 2(044)-1413/2015 saylı icra sənədinə əsasən alimentin məbləği dəyişdirilərək Şəxs 29.11.2008-ci ildə doğulmuş X3 yetkinlik yaşına çatanadək saxlanılması üçün hər ay sabit pul məbləğində 100 manat miqdarında aliment tutularaq X8 qızına ödənilməsi qət edilmişdir. Gəncə şəhəri Nizami Rayon Məhkəməsinin 30.06.2016-cı il tarixli, 2(044)-3739/2016 saylı icra sənədinə əsasən Şəxs oğlundan X4 yetkinlik yaşına çatanadək saxlanılması üçün hər ay sabit pul məbləğində 100 manat miqdarında aliment tutularaq X8 qızına ödənilməsi qət edilmişdir. Gəncə şəhəri Nizami Rayon Məhkəməsinin 23.02.2012-ci il tarixli, 2(044)-221/12 saylı icra sənədinə əsasən Şəxs 1200 ABŞ dolları dəyərində 21 qram firuzə qaşlı sırğa üzük (briliant), 350 ABŞ dolları dəyərində 12 qram sep və 50 ABŞ dolları dəyərində dini klon vəya onların dəyəri qətnamə icra olunan günə Azərbaycan manatı məzənnəsi ilə alınaraq tələbkar X8 qızına verilməsi qət edilmişdir. Şəxs Gəncə şəhəri Nizami Rayon Məhkəməsinin 17.01.2012-ci il tarixli, 2(044)- 222/12 saylı qətnaməsi üzrə 1100 (min yüz) manat ödənilməmiş aliment borcu, Gəncə şəhəri Nizami Rayon Məhkəməsinin 13.04.2015-ci il tarixli, 2(044)-1413/2015 saylı icra sənədi üzrə 7400 (yeddi min dörd yüz) manat aliment borcu, Gəncə şəhəri Nizami Rayon Məhkəməsinin 23.02.2012-ci il tarixli, 2(044)-221/12 saylı icra sənədi üzrə 1600 ABŞ dolları borcu, Gəncə şəhəri Nizami Rayon Məhkəməsi tərəfindən verilmiş 30.06.2016-cı il tarixli, 2(044)-3739/2016 saylı icra sənədi üzrə 3200 manat aliment borcu yaranmışdır. Borclu Şəxs tələbin könüllü icrası haqqında bildiriş və xəbərdarlıqlar təqdim edilməsinə baxmayaraq, borcunu ödəməkdən yayınmışdır. Ona görə də, Şəxs AR İXM-nin 528.1-ci maddəsində nəzərdə tutulmuş inzibati xətanı törətməkdə təqsirli bilinməsinə dair barəsində inzibati xəta haqqında protokol tərtib edilmişdir. Məhkəmə iclasında iştirak edən Gəncə şəhəri üzrə İcra idarəsinin icra məmuru X7 bildirmişdir ki, Şəxs Gəncə şəhəri Nizami Rayon Məhkəməsinin 17.01.2012-ci il tarixli, 2(044)-222/12 saylı qətnaməsi üzrə 1100 (min yüz) manat ödənilməmiş aliment borcu, Gəncə şəhəri Nizami Rayon Məhkəməsinin 13.04.2015-ci il tarixli, 2(044)-1413/2015 saylı icra sənədi üzrə 7400 (yeddi min dörd yüz) manat aliment borcu, Gəncə şəhəri Nizami Rayon Məhkəməsinin 23.02.2012-ci il tarixli, 2(044)-221/12 saylı icra sənədi üzrə 1600 ABŞ dolları borcu, Gəncə şəhəri Nizami Rayon Məhkəməsi tərəfindən verilmiş 30.06.2016-cı il tarixli, 2(044)-3739/2016 saylı icra sənədi üzrə 3200 manat aliment borcu yaranmışdır. Borclu Şəxs tələbin könüllü icrası haqqında bildiriş və xəbərdarlıqlar təqdim edilməsinə baxmayaraq, borcunu ödəməkdən yayınmışdır. Ona görə də, Şəxs AR İXM-nin 528.1-ci maddəsində nəzərdə tutulmuş inzibati xətanı törətməkdə təqsirli bilinməsinə dair barəsində inzibati xəta haqqında protokol tərtib edilmişdir. Məhkəmədən Şəxs inzibati qaydada tənbeh olunmasını xahiş edir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək göstərmişdir ki, onun hazırda Gəncə şəhəri Nizami Rayon Məhkəməsinin 17.01.2012-ci il tarixli, 2(044)-222/12 saylı qətnaməsi üzrə 1100 (min yüz) manat ödənilməmiş aliment borcu, Gəncə şəhəri Nizami Rayon Məhkəməsinin 13.04.2015-ci il tarixli, 2(044)-1413/2015 saylı icra sənədi üzrə 7400 (yeddi min dörd yüz) manat aliment borcu, Gəncə şəhəri Nizami Rayon Məhkəməsinin 23.02.2012-ci il tarixli, 2(044)-221/12 saylı icra sənədi üzrə 1600 ABŞ dolları borcu, Gəncə şəhəri Nizami Rayon Məhkəməsi tərəfindən verilmiş 30.06.2016-cı il tarixli, 2(044)-3739/2016 saylı icra sənədi üzrə 3200 manat aliment borcu qalmışdır. Yaranmış borcunu imkanı olmadığından ödəyə bilməmişdir. Məhkəmədən ədalətli qərar qəbul edilməsini xahiş edir. Məhkəmə iclasında iştirak edən tələbkar X6 izahat verərək göstərmişdir ki, borclu Şəxs ona alimentdən və qızıl-zinət əşyalarından indiyədək heç bir ödəniş etməmişdir. Şəxs borcunu ödəməməsi ilə əlaqədar inzibati qaydada həbs olunmasını məhkəmədən xahiş edir. Məhkəmə barəsində inzibati xəta haqqında iş üzrə icraat aparılan şəxsin, tələbkarın və Gəncə şəhəri üzrə İcra İdarəsinin icra məmuru X5 izahatlarını dinləyərək, habelə inzibati xəta haqqında işin materiallarını icra işinin materialları ilə birlikdə nəzərdən keçirib hesab edir ki, düzgün olaraq Şəxs barəsində AR İXM-nin 528.1-ci maddəsi ilə inzibati xəta haqqında protokol tərtib edilmişdir. Belə ki, AR İXM-nin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurlarının qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunun müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə inzibati məsuliyyət müəyyən edilmişdir. Məhkəmə hesab edir ki, barəsində inzibati xəta haqqında iş üzrə icraat aparılan şəxs Şəxs həmin maddə ilə inzibati qaydada məsuliyyətə cəlb olunmalıdır. Məhkəmə iclasında tədqiq edilmiş və iş materiallarında olan Gəncə şəhəri Nizami Rayon Məhkəməsinin 17.01.2012-ci il tarixli, 2(044)-222/12 saylı icra sənədinə əsasən Şəxs oğlundan 29.11.2008-ci ildə doğulmuş X3 yetkinlik yaşına çatanadək saxlanılması üçün hər ay sabit pul məbləğində 50 manat miqdarında aliment tutularaq X8 qızına ödənilməsi qət edilmişdir. Gəncə şəhəri Nizami Rayon Məhkəməsinin 13.04.2015-ci il tarixli, 2(044)-1413/2015 saylı icra sənədinə əsasən Şəxs oğlundan 29.11.2008-ci ildə doğulmuş X3 yetkinlik yaşına çatanadək saxlanılması üçün hər ay sabit pul məbləğində 100 manat miqdarında aliment tutularaq X8 qızına ödənilməsi qət edilmişdir. Gəncə şəhəri Nizami Rayon Məhkəməsi tərəfindən verilmiş 30.06.2016-cı il tarixli, 2(044)- 3739/2016 saylı icra sənədinə əsasən Şəxs oğlundan X4 yetkinlik yaşına çatanadək saxlanılması üçün hər ay sabit pul məbləğində 100 manat miqdarında aliment tutularaq X8 qızına ödənilməsi qət edilmişdir. Gəncə şəhəri Nizami Rayon Məhkəməsinin 23.02.2012-ci il tarixli, 2(044)-221/12 saylı icra sənədinə əsasən Şəxs 1200 ABŞ dolları dəyərində 21 qram firuzə qaşlı sırğa üzük (briliant), 350 ABŞ dolları dəyərində 12 qram sep və 5 ABŞ dolları dəyərində dini klon vəya onların dəyəri qətnamə icra olunan günə Azərbaycan manatı məzənnəsi ilə alınaraq tələbkar X8 qızına verilməsi qət edilmişdir. Məhkəmə iclasında tədqiq edilmiş və iş materiallarında olan Gəncə şəhəri üzrə İcra İdarəsinin 23.07.2012-ci il tarixli, 12.03.2012-ci il tarixli, 27.05.2015-ci il tarixli, 12.08.2016cı il tarixli qərarlarının surətindən görünür ki, Şəxs barəsində icraat başlanılmışdır. Məhkəmə iclasında tədqiq edilmiş və iş materiallarında olan “Tələbin könüllü icrası haqqında” bildirişlərdən görünür ki, Şəxs borcunu vaxtında ödəməsi barədə rəsmi bildiriş verilmiş və o, həmin bildirişi şəxsən imza edərək qəbul etmişdir. Məhkəmə iclasında tədqiq edilmiş və iş materiallarında olan Gəncə şəhəri üzrə İcra idarəsinin 30.06.2014-cü il tarixli, 27.09.2016-cı il tarixli, 15.04.2021-ci il tarixli məktublardan görünür ki, Şəxs inzibati məsuliyyətə cəlb olunacağı barədə xəbərdarlıq edilmişdir. Məhkəmə iclasında tədqiq edilmiş və iş materiallarında olan Elektron məlumat portalından görünür ki, Şəxs adına hər hansı bank hesabı, daşınar və daşınmaz əmlak aşkar edilməmişdir. Beləliklə də, məhkəmə araşdırması zamanı müəyyən edilmişdir ki, qanunla nəzərdə tutulmuş qaydada məhkəmə tərəfindən verilmiş icra sənədi əsasında icraata başlanılmış, könüllü icra üçün bildiriş göndərilmiş, tələbin könüllü olaraq icrası üçün borcludan 10 gün müddətində borcun ödənilməsi tələb edilmiş, Şəxs borcunu ödəməmiş, icra icraatı zamanı verdiyi izahatında məhkəmə qətnaməsi olmasına baxmayaraq, borcunu ödəməməsinin səbəbi kimi maddi imkanının olmamasını göstərmişdir. Ona dəfələrlə xəbərdarlıq edilməsinə baxmayaraq, o, yenə də borcunu ödəməmişdir. İcra icraatı zamanı borclunun adına tələbin yönəldilə biləcək hər hansı əmlak aşkar edilməmişdir. Şəxs məhkəmə iclasında borcunu ödəmək imkanının olmadığını bildirsə də, işin faktiki halları, proses iştirakçılarının izahatları, inzibati xəta haqqında işin materialları ilə Şəxs məhkəmə qətnaməsi əsasında verilmiş icra sənədini icra etməməsi həqiqətən də heç bir üzürlü səbəblərlə əlaqədar olmadığı və qərəzli olduğu təsdiq olunur. Məhkəmə hesab edir ki, Şəxs AR İXM-nin 528.1-ci maddəsi ilə inzibati qaydada məsuliyyətə cəlb olunmalıdır. AR İXM-nin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xəta törətməkdə təqsirli bilinənin şəxsiyyətinə uyğun olmalıdır. Həmin Məcəllənin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Həmin Məcəllənin 21-ci maddəsində təsbit edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 30.1-ci maddəsinə əsasən inzibati həbs, yalnız müstəsna hallarda bu Məcəllənin Xüsusi hissəsinin müvafiq maddələrində nəzərdə tutulan inzibati xətaların ayrı-ayrı növlərinə görə üç gündən üç ay müddətinədək hakim tərəfindən tətbiq edilir. Beləliklə də, məhkəmə yuxarıda şərh olunanlara əsaslanaraq, Şəxs əməlini məhkəmə qətnaməsini üzrsüz səbəbdən icra etməmə kimi qiymətləndirərək hesab edir ki, Şəxs barəsində AR İXM-nin 528.1-ci maddəsinə əsasən inzibati həbs seçilməli və həbsdə saxlama müddətinin əvvəli 16 iyun 2021-ci il saat 17:00-dan hesablanmalıdır. Yuxarıda göstərilənlərə əsasən və AR İXM-nin 40, 43, 48-51, 73, 114, 115, 128-130cu maddələrini rəhbər tutaraq, məhkəmə qərara aldı: Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib, 15 (on beş) gün müddətinə inzibati həbs edilsin. Həbsdə saxlama müddətinin əvvəli 16 iyun 2021-ci il saat 17:00-dan hesablansın. Qərarın icrası Gəncə şəhəri Baş Polis İdarəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Azərbaycan Respublikasının İnzibati Xətalar Məcəlləsinin 128-ci maddəsində göstərilən şəxslər tərəfindən həmin qərarı qəbul etmiş hakim vasitəsilə və ya birbaşa apellyasiya instansiyası məhkəməsinə şikayət verilə bilər. Hakim: Roman Ələkbərli