Gəncə Şəhəri Nizami Rayon Məhkəməsi Qərar — İş №3(044)-564/2021

Azərbaycan Respublikası adından QƏRAR Gəncə şəhəri İş № 3(044)-564/2021 23.06.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami Rayon Məhkəməsinin hakimi Ələkbərli Roman Nəriman oğlunun sədrliyi, məhkəmə iclas katibi Həsənov Ayxan Rasim oğlunun katibliyi ilə, inzibati xəta haqqında protokol tərtib edən şəxs X1 və barəsində inzibati xəta haqqında iş üzrə icraat aparılan şəxs Şəxs iştirakı ilə xx.xx.1994-cü ildə Gəncə şəhərində anadan olmuş, Azərbaycan Respublikasının vətəndaşı, orta təhsilli, subay, fərdi əməklə məşğul olan, Gəncə şəhəri, H.Əliyev prospekti 265-də qeydiyyatda olmaqla yaşayan Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirləndirilməsinə dair Gəncə şəhər Nizami Rayon Polis İdarəsindən daxil olmuş inzibati xəta haqqında materiallara baxaraq, məhkəmə müəyyən etdi: Barəsində inzibati xəta haqqında iş üzrə icraat aparılan şəxs Şəxs 06.06.2021-ci il tarixdən 07.06.2021-ci il saat 16:00 radələrinədək olan vaxt ərzində Gəncə şəhəri, M.Hacıyev küçəsi, bina 12A, mənzil 46-da yaşayan X3 məxsus yaşadığı evin zirzəmisində quraşdırılmış 1 ədəd ümumi dəyəri 80 (səksən) manat olan su mühərrikini gizli yolla oğurlamışdır. Bundan başqa, barəsində inzibati xəta haqqında iş üzrə icraat aparılan şəxs Şəxs 04.06.2021-ci il tarixdən 07.06.2021-ci il saat 17:00-dək olan müddət ərzində Gəncə şəhəri, M.Hacıyev küçəsi, ev 12A, mənzil 52-də yaşayan X2 yaşadığı evin zirzəmisindən ona məxsus 55 manat dəyərində su mühərrikini oğurlamışdır. Bundan başqa, barəsində inzibati xəta haqqında iş üzrə icraat aparılan şəxs Şəxs 06.05.2021-ci il tarixdə saat 11:30-da Goranboy rayonu, Xoylu kəndində yaşayan X5 məxsus 300 manat dəyərində “Samsung A-50” markalı mobil telefonu işlədiyi ünvan 1 ünvanda yerləşən “İlar” paltar geyim dükanından oğurlamışdır. Məhkəmə iclasında Gəncə şəhəri Nizami RPİ-nin İTB-in polis şöbəsinin sahə rəisi, polis mayoru X4 protokolda göstərilənlərlə eyni məzmunlu çıxış etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə özünü təqsirli bilərək izahatında göstərmişdir ki, o, 06.06.2021-ci il tarixdən 07.06.2021-ci il saat 16:00 radələrinədək olan vaxt ərzində Gəncə şəhəri, M.Hacıyev küçəsindəki binanın zirzəmisindən su mühərrikini oğurlayaraq Sevinc qəsəbəsində tanımadığı şəxsə satmışdır. Bundan başqa, 04.06.2021-ci il tarixdən 07.06.2021-ci il tarix saat 17:00-dək olan müddət ərzində Gəncə şəhəri, M.Hacıyev küçəsindəki binanın zirzəmisindən su mühərrikini oğurlayaraq Sevinc qəsəbəsində tanımadığı şəxsə satmışdır. Bundan başqa, 06.05.2021-ci il tarixdə Vaqif küçəsində yerləşən mağazadan masanın üzərində olan Samsung markalı mobil telefonu götürərək, tanımadığı şəxsə Mərkəzi Univermağın yaxınlığında satmışdır. Maddi vəziyyəti yaxşı olmadığından bu hallara yol vermişdir. Törətdiyi əməldən peşman olduğunu və bir daha belə hallara yol verməyəcəyinə söz verir. İnzibati xəta haqqında işin materiallarından görünür ki, barəsində inzibati xəta haqqında iş üzrə icraat aparılan şəxs Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə təqsirləndirilməsinə dair 22 iyun 2021-ci il tarixli MN ******* saylı, 22 iyun 2021-ci il tarixli MN ******* saylı və 22 iyun 2021-ci il tarixli MN ******* saylı inzibati xəta haqqında protokollar tərtib edilmişdir. İş materiallarına əlavə edilmiş 16 iyun 2021-ci il tarixli HK-1/1130 saylı, 16 iyun 2021ci il tarixli HK-1/1132 saylı və 16 iyun 2021-ci il tarixli HK-1/848 saylı cinayət işi başlanmasının rədd edilməsi haqqında qərarlardan müəyyən olunur ki, toplanmış materiallar üzrə əməldə cinayət tərkibinin olmaması əsası ilə cinayət işinin başlanması rədd edilmiş və inzibati qaydada tədbir görülməsi üçün qərar qəbul edilmişdir. Beləliklə, məhkəmə araşdırması nəticəsində müəyyən edilmişdir ki, barəsində inzibati xəta haqqında iş üzrə icraat aparılan şəxs Şəxs 06.06.2021-ci il tarixdən 07.06.2021-ci il saat 16:00 radələrinədək olan vaxt ərzində Gəncə şəhəri, M.Hacıyev küçəsi, bina 12A, mənzil 46-da yaşayan X3 məxsus yaşadığı evin zirzəmisində quraşdırılmış 1 ədəd ümumi dəyəri 80 (səksən) manat olan su mühərrikini gizli yolla oğurlamışdır, bundan başqa 04.06.2021-ci il tarixdən 07.06.2021-ci il tarix saat 17:00-dək olan müddət ərzində Gəncə şəhəri, M.Hacıyev küçəsi, ev 12A, mənzil 52-də yaşayan X2 yaşadığı evin zirzəmisindən ona məxsus 55 manat dəyərində su mühərrikini oğurlamışdır, həmçinin 06.05.2021-ci il tarixdə saat 11:30-da Goranboy rayonu, Xoylu kəndində yaşayan X5 məxsus 300 manat dəyərində “Samsung A-50” markalı mobil telefonu işlədiyi ünvan 1 ünvanda yerləşən “İlar” paltar geyim dükanından oğurlamışdır. Şəxs əməli Azərbaycan Respublikasının İnzibati Xətalar Məcəlləsinin 227-ci maddəsi ilə tövsif edilməlidir. Şəxs Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulan inzibati xətanı törətməsi özünün etirafedici izahatı və inzibati xəta haqqında işin digər materialları ilə tam sübuta yetirilmişdir. Ona görə də barəsində inzibati xəta haqqında iş üzrə icraat aparılan şəxs Şəxs həmin maddə ilə nəzərdə tutulmuş inzibati xətanı törətməkdə təqsirli bilinərək ona inzibati tənbeh növü təyin edilməlidir. Azərbaycan Respublikasının İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onun sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Azərbaycan Respublikasının İnzibati Xətalar Məcəlləsinin 3-cü maddəsinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikasının İnzibati Xətalar Məcəlləsinin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikasının İnzibati Xətalar Məcəlləsinin 12.2-ci maddəsinə əsasən həmin Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. Azərbaycan Respublikasının İnzibati Xətalar Məcəlləsinin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikasının İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikasının İnzibati Xətalar Məcəlləsinin 32.1.1-ci maddəsinə əsasən Şəxs səmimi peşmançılığı onun məsuliyyətini yüngülləşdirən hal kimi nəzərə alınır. Şəxs məsuliyyətini ağırlaşdıran hal müəyyən edilməmişdir. Məhkəmə Şəxs təyin ediləcək inzibati tənbeh məsələsini müzakirə edib belə nəticəyə gəlir ki, inzibati xəta törədən şəxsi qanunlara əməl edilməsi ruhunda tərbiyələndirmək, həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısının alınması məqsədi ilə ona Azərbaycan Respublikasının İnzibati Xətalar Məcəlləsinin 227-ci maddəsinin sanksiyası daxilində, şəxsiyyətinə uyğun inzibati həbs növündə ədalətli tənbeh təyin olunmalıdır. Azərbaycan Respublikasının İnzibati Xətalar Məcəlləsinin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. İş materiallarına əlavə edilmiş inzibati qaydada tutma haqqında protokoldan görünür ki, Şəxs 22.06.2021-ci il tarixdə saat 17:50-də inzibati qaydada tutulmuşdur. Odur ki, Şəxs həbsdə saxlama müddətinin əvvəli 22 iyun 2021-ci il tarixdən saat 17:50-dən hesablanmalıdır. Azərbaycan Respublikasının İnzibati Xətalar Məcəlləsinin 36.1-ci maddəsinə əsasən inzibati xəta haqqında işə baxarkən, vurulmuş əmlak zərərinin əvəzinin ödənilməsi barədə mübahisə olmadıqda, hakim, səlahiyyətli orqan (vəzifəli şəxs) inzibati tənbeh tətbiq etməklə eyni vaxtda vurulmuş zərərin əvəzinin ödənilməsi barədə məsələyə də baxa bilər. Məhkəmə zərərçəkmiş şəxslərə vurulmuş maddi zərərin əvəzinin ödənilməsi barədə mülki məhkəmə icraatı qaydasında məhkəmədə iddia qaldırmaq hüququnun olmasını izah etməyi lazım bilir. Qeyd olunanları nəzərə alaraq və Azərbaycan Respublikasının İnzibati Xətalar Məcəlləsinin 40, 43, 48-51, 61, 73, 114, 128-130-cu maddələrini rəhbər tutaraq, məhkəmə q ə r a r a a l d ı: Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinib 01 (bir) ay müddətinə inzibati həbs edilsin. Həbsdə saxlama müddətinin əvvəli 22 iyun 2021-ci il tarixdən saat 17:50-dən hesablansın. Zərərçəkmiş şəxslərə vurulmuş maddi zərərin əvəzinin ödənilməsi barədə mülki məhkəmə icraatı qaydasında məhkəmədə iddia qaldırmaq hüququ izah edilsin. Qərarın icrası Gəncə şəhəri Baş Polis İdarəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Gəncə şəhəri Nizami Rayon Məhkəməsi vasitəsi ilə və ya birbaşa Gəncə Apellyasiya Məhkəməsinə apellyasiya şikayəti və protesti verilə bilər. Hakim: Roman Ələkbərli