Gəncə Şəhəri Nizami Rayon Məhkəməsi Qərar — İş №3(044)-589/2021

Azərbaycan Respublikası adından QƏRAR Gəncə şəhəri İş № 3(044)-589/2021 08.07.2021 GƏNCƏ ŞƏHƏRİ NİZAMİ RAYON MƏHKƏMƏSİ hakim Hüseynov Kənan Zakir oğlunun sədrliyi, Əliyev Nicat Şirzad oğlunun katibliyi, inzibati xəta haqqında protokolu tərtib etmiş şəxs X1, zərərçəkmiş şəxs X2, barəsində inzibati xəta haqqında iş üzrə icraat aparılan şəxs Şəxs iştirakı ilə, Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulan inzibati xətanı törətməsi barədə Gəncə şəhəri Nizami rayon Polis idarəsindən daxil olmuş inzibati iş inzibati xəta haqqında materiala məhkəmənin inzibati binasında baxaraq, məhkəmə müəyyən etdi: Şəxs Azərbaycan Respublikası İXM-in 227-ci maddəsində nəzərdə tutulmuş inzibati xətaları törətməsi ilə bağlı Nizami Rayon Polis idarəsində tərtib olunmuş materiallar baxılması üçün Gəncə şəhəri Nizami Rayon Məhkəməsinə göndərilmişdir. Materiala əlavə edilmiş Gəncə şəhəri Nizami Rayon Polis İdarəsinin İTB-nin polis sahə rəisi, polis mayoru X3 tərəfindən tərtib olunmuş 06.07.2021-ci il tarixli, MN ******* nömrəli inzibati xəta haqqında protokolda göstərilmişdir ki, Şəxs 19.06.2021-ci il tarixdə Gəncə şəhəri 6 saylı orta məktəbin yaxınlığında avtomaşından 2 ədəd mobil telefonu oğurlamışdır. Məhkəmə iclasında inzibati xəta haqqında protokolu tərtib etmiş şəxs X3 inzibati xəta haqqında protokolun məzmununa uyğun çıxış edərək əlavə olaraq bildirmişdir ki, 19.06.2021-ci il tarixdə Gəncə şəhəri 6 saylı orta məktəbin yaxınlığında X4 məxsus“X8 Prado” markalı ** RO *** dövlət qeydiyyat nişanlı avtomobildən 2 ədəd mobil telefonu naməlum şəxs tərəfindən oğurlanmış, həmin əməldə cinayət tərkibi olmadığından cinayət işinin başlanması rədd edilmişdir. Sonradan əməlin Şəxs tərəfindən törədildiyi müəyyən olunmuş, sonuncu əməlini etiraf etmiş və törədilmiş xırda talama Azərbaycan Respublikası İnzibati Xətalar Məcəlləsində 227-ci maddəsi ilə inzibati məsuliyyət yaratdığından, barəsində müvafiq protokol tərtib edilərək məhkəməyə təqdim edilmişdir. Məhkəmə icalasında zərərçəkmiş şəxs X5 izahat verərək bildirmişdir ki, 19.06.2021-ci il tarixdə saat təxminən 20 radələrində Gəncə şəhəri Nizami prospektində 6 saylı orta məktəbin yaxınlığında saxladığı, “X8 Prado” markalı ** RO *** dövlət nişanlı avtomobilin salonundan naməlum şəxs ona məxsus 150 manat dəyərində olan “İpohone 5” markalı və 250 manat dəyərində “Samsung Qalaxy 5” markalı mobil telefonunu gizli olaraq oğurlamışdır. Sonradan onun telefonlarını oğurlyan şəxsin Şəxs olduğu müəyyən olunmuşdur. Məhkəmə tərəfindən həmin telefonların qaytarılması üçün vaxt verilsə də, Şəxs nə telefonları, nə də onların dəyərini qaytarmamışdır. Sonda zərərçəkmiş şəxs təqsirləndirilən şəxs tərəfindən ona dəymiş maddi zərərin ödənilməsini tələb etmiş, əks təqdirdə qanunvericilikdə nəzərdə tutulmuş qaydada cəza verilməsini xahiş etmişdir. Məhkəmə iclasında barəsində inzibati xəta haqqında icraat aparılan Şəxs özünü təqsirli bilərək izahatında bildirmişdir ki, o, ehtiyacı olduğu və sərxoş olduğu üçün oğurluq etmişdir. Belə ki, 19.06.2021-ci il tarixdə saat təxminən 20:00 radələrində Gəncə şəhəri 6 saylı tam orta məktəbin yanından keçərək evə gedərkən, “OBA” marketin yaxınlığında dayanmış “X8 Prado” markalı avtomobilin sağ qabaq şüşəsinin açıq olmasını görüb avtomobilə yaxınlaşmış, oturacaqda iki ədəd telefon görmüş və həmin “iPhone 5” və “Samsung Galaxy 5” markalı mobil telefonları gizlincə götürüb getmişdir. O, telefonları qaytarmaq üçün, satmağa verdiyi Elşən adlı tanışını axtarmış, lakin tapa bilməmişdir. O, əməlindən çox peşmandır, barəsində yüngül tənbeh tədbiri tətbiq edilməsini xahiş etmişdir. İş materiallarında olan və məhkəmə baxışında tədqiq olunmuş: - “Cinayət işinin başlanmasının rədd edilməsi haqqında” 29 iyun 2021-ci il tarixli qərarlardan görünür ki, Şəxs əməlində cinayət tərkibi olmadığından cinayət işinin başlanılması rədd edilmiş, o, Azərbaycan Respublikası İXM-nin 227-ci maddəsində nəzərdə tutulan inzibati xətanı törətdiyindən barəsində inzibati tədbir görülməsi üçün qərarın surəti Nizami RPİ-nin İTB-nə göndərilmişdir. - İnzibati xəta haqqında protokolun məzmunundan və Şəxs Nizami rayon Polis idarəsində verdiyi izahatından görünür ki, o, törətdiyi inzibati xətanı etiraf etmiş, Gəncə şəhəri 6 saylı orta məktəbin yaxınlığında avtomobildən 2 ədəd mobil telefonu oğurlamışdır. O, həmin telefonları tanıdığı Elşən adlı şəxsə satmaq üçün vermişdir və etdiyi əməldən peşman olduğunu bildirmişdir. Məhkəmə işdə iştirak edən şəxsləri dinləyib, iş materiallarındakı sübutları tədqiq edərək hesab edir ki, toplanmış sübutlarla Şəxs inzibati xətanı törətməsində təqsiri tam sübuta yetir və onun törətdiyi əməl Azərbaycan Respublikasının İXM-nin 227-ci maddəsi ilə düzgün tövsif olunmuşdur. Belə ki, Azərbaycan Respublikası İnzibati Xətalar Məcəlləsinin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən suiistifadə və ya dələduzluq yolu ilə özgəsinin əmlakını talamağa görə - yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Şəxs oğurluq etməsi, beləliklə İXM-in 227-ci maddəsi ilə nəzərdə tutulmuş inzibati xətanı törətməsi özünün etirafedici izahatı, barəsində tərtib olunmuş inzibati protokol və iş materiallarındakı sübutlarla tam şəkildə sübuta yetirilir. Azərbaycan Respublikasının İXM-nin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 9.1-ci maddəsinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikasının İXM-nin 31.2-ci maddəsinə görə fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs əməlini etiraf etməsini, əməlindən peşman olmasını onun məsuliyyətini yüngülləşdirən hallar hesab edir. Məhkəmə iclasında Şəxs məsuliyyətini ağırlaşdıran halllar müəyyən edilməmişdir. Beləliklə məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyətini yüngülləşdirən halları və məsuliyyətini ağırlaşdıran halların müəyyən edilməməsini nəzərə alıb, iş üzrə toplanmış sübutları qiymətləndirərək hesab edir ki, Şəxs Azərbaycan Respublikası İXM-nin 227-ci maddəsində nəzərdə tutulan inzibati xətaların törədilməsində təqsirli bilinməli, onun barəsində həmin maddənin sanksiyasında nəzərdə tutulmuş inzibati həbs növündə inzibati tənbeh tədbiri tətbiq edilməli və həbsetmənin əvvəli onun tutulduğu 08.07.2021-ci il tarixdən hesablanmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 114, 115 və 130.1-ci maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinsin və ona, 01 (bir) ay 15 (on beş) gün müddətinə inzibati həbs növündə inzibati tənbeh tətbiq edilsin. Həbsetmənin əvvəli 08.07.2021-ci il tarixdən hesablansın. Qərarın icrası Samux rayon Polis şöəsinə həvalə olunsun. Qərarın surəti rəsmi qaydada verildiyi vaxtdan 10 gün müddətində Gəncə şəhər Nizami Rayon Məhkəməsi vasitəsi ilə və ya birbaşa Gəncə Apellyasiya Məhkəməsinə şikayət və ya protest verilə bilər. Sədrlik edən Kənan Hüseynov