Gəncə Şəhəri Nizami Rayon Məhkəməsi Qərar — İş №3(044)-774/2021

Azərbaycan Respublikası adından QƏRAR Gəncə şəhəri İş № 3(044)-774/2021 11.10.2021 GƏNCƏ ŞƏHƏRİ NİZAMİ RAYON MƏHKƏMƏSİ hakim Hüseynov Kənan Zakir oğlunun sədrliyi, Quliyeva Günay Ələstun qızının katibliyi, inzibati xəta haqqında protokolu tərtib etmiş X3, barəsində inzibati xəta haqqında iş üzrə icraat aparılan şəxs Şəxs, Zərərçəkmiş şəxs iştirakı ilə, Şəxs Azərbaycan Respublikası İnzibati Xətalar Məcəlləsinin (bundan sonra İXM) 510 və 535.1-ci maddələri ilə nəzərdə tutulmuş inzibati xətaları törətməsi barədə Gəncə şəhər Nizami rayon Polis idarəsindən daxil olmuş inzibati xəta haqqında materiala baxaraq, MÜƏYYƏN ETDİ: Gəncə şəhər Nizami RPİ-nin İTB-in polis sahə rəisi, polis leytenantı X6 tərəfindən Şəxs barəsində Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətaların törədilməsi barədə protokol tərtib edilərək baxılması üçün məhkəməyə göndərilmişdir. 10.10.2021-ci il tarixli MN № ******* saylı inzibati xəta haqqında protokolda qeyd edilmişdir ki, Şəxs ilə bağlı materialın icrası zamanı o, polisin qanuni tələbinə qəsdən tabe olmamış, ucadan səs-küy salaraq ətrafdakıların diqqətini özünə cəlb edib polisə tabesizlik etmişdir. Məhkəmə iclasında Gəncə şəhər Nizami RPİ-nin İTB-in polis sahə rəisi, polis leytenantı X6 protokolun məzmununa uyğun izahat verərək bildirdi ki, 10 oktyabr 2021-ci il tarixdə Nizami RPİ-nin növbətçi hissəsinə Gəncə şəhəri Nizami küçəsi ev 115 ünvanında yaşayan vət. Zərərçəkmiş şəxs ***-***-**-** saylı nömrədən zəng edərək övladı Şəxs yaşadıqları evdə münaqişə yaratmasını və onu döyməsini demiş və polisin gəlməsini xahiş etmişdir. Həmin məlumat üzrə əməliyyat-qrupu tərkibində Nizami RPİ-nin TB-nin təhqiqatçısı, polis kapitanı X1, Nizami RPİ-nin İTB-nin sahə rəisi, polis leytinantı Şahid2 və Nizami RPİ-nin əməliyyat müvəkkili Şahid1 ilə birlikdə Gəncə şəhəri Nizami küçəsi ev 115 ünvanına gedən zaman Zərərçəkmiş şəxs ağlayaraq övladı Şəxs onu döyməsini polis əməkdaşlarına bildirmişdir. Bu vaxt Şəxs anasını hədələyib nalayiq ifadələr işlədərək oradan qaçmağa çalışan zaman polis əməkdaşları tərəflərindən saxlanılaraq dəfələrlə nizam-intizama dəvət olunmasına baxmayaraq bir daha ucadan ünvansız söyüşlər söyərək oradan qaçmağa cəhd etməklə polisin qanuni tələbinə tabe olmayaraq hərəkətlərinə davam etmiş və bu səbəbdən saxlanıraq Nizami RPİ-yə gətirilmişdir. Bununla da Şəxs İXM-in 510 və 535.1-ci maddələri ilə nəzərdə tutulmuş inzibati xətanı törətmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs əməlini etiraf edərək bildirdi ki, o, həmin ünvanda ailəsi ilə birlikdə yaşayır. 10.10.2021-ci il tarixdə evdə narazılıq olduğu üçün atası polis əməkdaşlarına müraciət etmişdir. Polis əməkdaşlarə evə gələn zaman o əsəbi olmuş, polis əməkdaşları ilə danışan zaman ucadan danışıb nalayiq söz və ifadələr işlətmişdir. Polis əməkdaşları onu nizamintizama dəvət etsələrdə, o, əsəbi olduğu üçün tabe olmamışdır. Daha sonra onu polis əməkdaşları Nizami RPİ-nə aparmışlar. Sonda o, əməlindən çox peşman olduğunu və ona yüngül inzibati tənbeh tədbiri verilməsini xahiş etdi. Məhkəmə iclasında Zərərçəkmiş şəxs izahat verməkdən imtina edərək hazırda oğlundan heç bir şikayət və tələbi olmadığını, Şəxs yüngül cəza verilməsini xahiş etmişdir. Məhkəmə iclasında şahid qismində dindirilmiş Gəncə RPİ-nin CAŞ-ın əməliyat müvəkkili Şahid1 bildirmişdir ki, 10.10.2021-ci il ildə Nizami RPİ-də əməliyyat qrupunun tərkibində olmuşdur. Günorta saatlarında Nizami RPİ-nin polis sahə rəisi X8 RPİ-nin növbətçi hissəsinə Gəncə şəhəri Nizami küçəsi ev 115 ünvanında yaşayan vət. Zərərçəkmiş şəxs ***-***-**-** saylı nömrədən zəng edərək övladı Şəxs yaşadıqları evdə münaqişə yaratmasını və onu döyməsini deməsini və polisin gəlməsini xahiş etməsini bildirmişdir. Həmin məlumat Növbətçi hissədə qeydə alınmış və əməliyyat-qruppasının tərkibində Nizami RPİ-nin TB-nin təhqiqatçısı, polis kapitanı X1, Nizami RPİ-nin İTB-nin sahə rəisi, polis leytinantı Şahid2 və Nizami RPİ-nin növbətçi hissəsinin sürücüsü polis serjantı X2 ilə birlikdə ünvan 1 ünvana gedən zaman Zərərçəkmiş şəxs ağlayaraq övladı Şəxs onu döyməsini bildirdi, bu vaxt Şəxs nalayiq ifadələr işlədərək anasını hədələyib oradan qaçmağa çalışan zaman tərəflərindən saxlanılaraq dəfələrlə nizam intizama dəvət olunmasına baxmayaraq sonuncu bir daha ucadan ünvansız söyüşlər söyərək oradan qaçmağa cəhd etməklə polisin qanuni tələbinə tabe olmayaraq hərəkətlərinə davam etmiş və bu səbəbdən tərəflərindən saxlanıraq Nizami RPİ-yə gətirilmişdir. Məhkəmə iclasında şahid qismində dindirilmiş Gəncə RPİ-nin İTB-nin sahə rəisi Şahid2 bildirmişdir ki, 10.10.2021-ci il ildə Nizami RPİ-də əməliyyat qrupunun tərkibində olmuşdur. Günorta saatlarında Nizami RPİ-nin polis sahə rəisi X8 RPİ-nin növbətçi hissəsinə Zərərçəkmiş şəxs zəng edərək övladı Şəxs yaşadıqları evdə münaqişə yaratmasını və onu döyməsini deməsini və polisin gəlməsini xahiş etməsini bildirmişdir. Həmin məlumat Növbətçi hissədə qeydə alınmış və əməliyyat-qruppasının tərkibində Nizami RPİ-nin TB-nin təhqiqatçısı, polis kapitanı X1, Nizami RPİ-nin əməliyat müvəkkili Şahid1 və Nizami RPİ-nin növbətçi hissəsinin sürücüsü polis serjantı X2 ilə birlikdə ünvan 1 ünvana gedən zaman Zərərçəkmiş şəxs ağlayaraq övladı Şəxs onu döyməsini bildirdi, bu vaxt Şəxs anasını hədələyib nalayiq ifadələr işlədərək oradan qaçmağa çalışan zaman tərəflərindən saxlanılaraq dəfələrlə nizam-intizama dəvət olunmuş, lakin buna baxmayaraq sonuncu bir daha ucadan ünvansız söyüşlər söyərək oradan qaçmağa cəhd etməklə polisin qanuni tələbinə tabe olmayaraq hərəkətlərinə davam etmiş və bu səbəbdən tərəflərindən saxlanıraq Nizami RPİ-yə gətirilmişdir. Məhkəmə işdə iştirak edən şəxsləri dinləyib, iş materiallarındakı sübutları tədqiq edərək hesab edir ki, toplanmış sübutlarla Şəxs inzibati xətaları törətməsində təqsiri tam sübuta yetir və onun törətdiyi əməllər Azərbaycan Respublikasının İXM-nin 510 və 535.1ci maddələri ilə düzgün tövsif olunmuşdur. Belə ki, Azərbaycan Respublikası İXM-in 510-ci maddəsinə xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası İXM-in 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Şəxs ucadan səs-küy salaraq ictimai qaydanı pozması və polisin qanuni tələblərinə qəsdən tabe olmaması, beləliklə İXM-in 510 və 535.1-ci maddələri ilə nəzərdə tutulmuş inzibati xətaları törətməsi özünün etirafedici izahatı, barəsində tərtib edilmiş protokol və şahidlərin ifadələri ilə tam şəkildə sübuta yetirilir. Şəxs eyni vaxtda öz hərəkətləri ilə İXM-in iki müxtəlif maddəsi ilə nəzərdə tutulmuş inzibati xətaları törətdiyindən məhkəmə İXM-in 34.2-ci və 34.3-cü maddələrini hazırkı işin baxılmasında tətbiq edir. Azərbaycan Respublikası İnzibati Xətalar Məcəlləsinin 34.2 və 34.3-cü maddələrinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Azərbaycan Respublikasının İXM-nin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 9.1-ci maddəsinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikasının İXM-nin 31.2-ci maddəsinə görə fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs əməlini etiraf etməsini, əməlindən peşman olmasını, zərərçəkmiş şəxsin ondan şikayəti olmamasını onun məsuliyyətini yüngülləşdirən hallar hesab edir. İş üzrə Şəxs məsuliyyətini ağırlaşdıran hallar müəyyən edilmədi. Məhkəmə işin hallarını nəzərə alaraq hesab edir ki, inzibati xəta törətmiş şəxs Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələrinin sanksiyalarında nəzərdə tutulmuş inzibati cərimə növündə inzibati tənbeh tətbiq etməklə, inzibati tənbehin məqsədlərinə nail olmaq olar. Bununla belə Azərbaycan Respublikası İXM-nin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. İş materiallarına əlavə edilmiş 10.10.2021-ci il tarixli protokoldan məlum olur ki, Şəxs 10.10.2021-ci il tarixdə, saat 14:30-da inzibati qaydada tutulmuşdur. Buna görə də məhkəmə Şəxs inzibati qaydada tutulmasını nəzərə alaraq hesab edir ki, o, daha ciddi xəta nəzərdə tutulan Azərbaycan Respublikası İXM-nin 535.1-ci maddəsinin sanksiyasında nəzərdə tutulmuş 200 manat məbləğində cərminin dörddə üçü həddində, yəni 150 manat məbləğində cərimə edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətaları törətməkdə təqsirli bilinsin və ona, 150 (yüz əlli) manat miqdarında inzibati cərimə növündə inzibati tənbeh tətbiq edilsin. Qərarın surəti təqdim edildiyi və ya alındığı gündən 10 (on) gün müddətində Gəncə şəhəri Nizami Rayon Məhkəməsi vasitəsilə və ya bilavasitə Gəncə Apelyasiya Məhkəməsinə şikayət və ya protest verilə bilər. Sədrlik edən Kənan Hüseynov