Gəncə Şəhəri Nizami Rayon Məhkəməsi Qərar — İş №3(044)-936/2021

Azərbaycan Respublikası adından QƏRAR Gəncə şəhəri İş № 3(044)-936/2021 10.11.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami Rayon Məhkəməsinin hakimi Ələkbərli Roman Nəriman oğlunun sədrliyi, məsləhətçi Rüstəmov Turan Aydın oğlunun katibliyi ilə, Gəncə şəhəri üzrə İcra İdarəsinin icra məmuru X3, zərərçəkmiş şəxs X1, barəsində inzibati xəta haqqında iş üzrə icraat aparılan şəxs Şəxs iştirakı ilə xx.xx.1976-cı ildə Gəncə şəhərində anadan olmuş, Azərbaycan Respublikasının vətəndaşı, evli, ali təhsilli, işləməyən, ünvan 1 ünvanında yaşayan Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsinə dair Gəncə şəhəri üzrə İcra İdarəsindən daxil olmuş inzibati xəta haqqında materiala baxaraq, məhkəmə müəyyən etdi: Gəncə şəhəri Nizami rayon Məhkəməsinin 10.08.2020-ci il tarixli, 2(044)-1006/2020 saylı icra sənədinə əsasən borclu Şəxs hər ay bir uşağa görə 115 (yüz on beş) manat olmaqla, iki uşaq üçün cəmi 230 (iki yüz otuz) manat sabit pul məbləğində aliment tutulub X2 ödənilməsi qərara alınmışdır. Borclu Şəxs barəsində Gəncə şəhəri üzrə İcra İdarəsinin icra məmuru X5 tərəfindən ona görə inzibati xəta haqqında protokol tərtib edilmişdir ki, icra sənədinin icrası ilə əlaqədar borclu Şəxs Gəncə şəhəri Nizami rayon Məhkəməsinin 10.08.2020-ci il tarixli, 2(044)-1006/2020 saylı icra sənədinə əsasən 3000 manat aliment borcunun tələbkar X2 ödənilməsi tələb edilsə də, o, hal-hazırda borcunu ödəmir. Məhkəmə iclasında inzibati xəta haqqında protokol tərtib etmiş Gəncə şəhəri üzrə İcra İdarəsinin icra məmuru Şəxs bildirmişdir ki, Gəncə şəhəri Nizami rayon Məhkəməsinin 10.08.2020-ci il tarixli, 2(044)-1006/2020 saylı icra sənədinə əsasən borclu Şəxs hər ay bir uşağa görə 115 (yüz on beş) manat olmaqla, iki uşaq üçün cəmi 230 (iki yüz otuz) manat sabit pul məbləğində aliment tutulub Qafarova Vüsalə Hamlet qızına ödənilməsi qərara alınmışdır. İcra sənədinin icrasını təmin etmək məqsədi ilə borclu Şəxs tələbi könüllü icra etməsi üçün rəsmi bildiriş təqdim edilmişdir. Lakin tələb Şəxs tərəfindən könüllü olaraq təmin edilməmişdir. Belə ki, Şəxs borcunu ödəməmişdir. İcra sənədinin icrası ilə bağlı borclu Şəxs adına heç bir daşınar və ya daşınmaz əmlak aşkar edilməmişdir. Həmçinin bildirir ki, Şəxs 2021-ci ilin aprel ayına qədər aliment borcunu ödəmişdir, lakin sonradan Şəxs səhhəti ilə əlaqədar olaraq işləyə bilməmiş və aliment borcunu ödəməmişdir. Hesab edir ki, borclu Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Ona görə də Şəxs inzibati məsuliyyətə cəlb edilməsini məhkəmədən xahiş edir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs bildirmişdir ki, o, fərdi evlərdə təmir işləri ilə məşğul olan usta kimi fəaliyyət göstərirdi. Gəncə şəhəri Nizami rayon Məhkəməsinin 10.08.2020-ci il tarixli, 2(044)-1006/2020 saylı icra sənədinə əsasən ondan hər ay bir uşağa görə 115 (yüz on beş) manat olmaqla, iki uşaq üçün cəmi 230 (iki yüz otuz) manat sabit pul məbləğində aliment tutulub X2 ödənilməsi qət edilmişdir. O, 2021-ci ilin aprel ayına qədər aliment borcundan ödənişlər etmişdir. Lakin 2021-ci ilin aprel ayında iş yerində gözündən xəsarət almışdır. Nəticədə onun bir gözündə korluq xəstəliyi yaranmış, digər gözü isə 20 faiz görür. Həmin vaxtdan gözlərində yaranmış xəstəliyi ilə əlaqədar olaraq o, işləyə bilmədiyi üçün pul qazana bilməmiş və aliment borcundan ödəniş edə bilməmişdir. Onun gözündə korluq yaranana qədər o, aliment borcunu ödəmiş və aliment borcunu ödəməkdən imtina etməmişdir. Lakin hazırda gözündə yaranmış korluqla əlaqədar olaraq o, işləyə bilmir, həmçinin onun hər hansı başqa qazanc mənbəyi olmadığına görə o, alimenti ödəyə bilmir. Qeyd edilənləri, yəni onun alimenti ödəməkdən imtina etməməsini, hal-hazırda alimenti ödəyə bilməməsinin onun xəstəliyi ilə əlaqədar işləməməsi ilə bağlı olmasını nəzərə alaraq, iş üzrə icraata xitam verilməsini məhkəmədən xahiş edir. Məhkəmə iclasında zərərçəkmiş şəxs X4 məhkəməyə bildirmişdir ki, Gəncə şəhəri Nizami rayon Məhkəməsinin 10.08.2020-ci il tarixli, 2(044)-1006/2020 saylı icra sənədinə əsasən borclu Şəxs hər ay bir uşağa görə 115 (yüz on beş) manat olmaqla, iki uşaq üçün cəmi 230 (iki yüz otuz) manat sabit pul məbləğində aliment tutulub ona ödənilməsi qərara alınmışdır. Hazırda Şəxs 3000 manat aliment borcu yaranmışdır. Şəxs 2021-ci ilin aprel ayına qədər aliment borcunu ödəmişdir, həmin vaxtdan sonra isə aliment borcunu ödəməmişdir. Şəxs aliment borcunu ödəmədiyinə görə onun inzibati məsuliyyətə cəlb edilməsini xahiş edir. Məhkəmə inzibati xəta haqqında protokolu tərtib etmiş icra məmurunun, barəsində inzibati xəta haqqında iş üzrə icraat aparılan şəxsin, zərərçəkmiş şəxsin izahatlarını dinləyib hesab edir ki, Şəxs əməlində Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta tərkibi olmadığından onun barəsində başlanılmış inzibati xəta haqqında icraata xitam verilməlidir. Məhkəmə iclasında tədqiq edilmiş və inzibati xəta haqqında işin materiallarında olan Gəncə şəhəri Nizami rayon Məhkəməsinin 10.08.2020-ci il tarixli, 2(044)-1006/2020 saylı icra sənədinin surətindən müəyyən olunur ki, Şəxs hər ay bir uşağa görə 115 (yüz on beş) manat olmaqla, iki uşaq üçün cəmi 230 (iki yüz otuz) manat sabit pul məbləğində aliment tutulub X2 ödənilməsi qərara alınmışdır. Məhkəmə iclasında tədqiq edilmiş və inzibati xəta haqqında işin materiallarında olan “İcraata başlamaq haqqında” 10 fevral 2021-ci il tarixli qərardan müəyyən olunur ki, Gəncə şəhəri Nizami rayon Məhkəməsinin 10.08.2020-ci il tarixli, 2(044)-1006/2020 saylı icra vərəqəsi Gəncə Şəhəri Üzrə İcra İdarəsinin icraatına qəbul edilmişdir. Məhkəmə iclasında tədqiq edilmiş və inzibati xəta haqqında işin materiallarında olan “Tələbin könüllü icrası haqqında” bildirişdən görünür ki, Şəxs borcunu vaxtında ödəməsi barədə rəsmi bildiriş verilmiş və həmin bildirişi şəxsən imza edərək qəbul etmişdir. Məhkəmə iclasında tədqiq edilmiş və iş materiallarında olan Elektron məlumat portalından görünür ki, Şəxs adına hər hansı bank hesabı, daşınar və daşınmaz əmlak aşkar edilməmişdir. Məhkəmə iclasında tədqiq edilmiş və iş materiallarında olan Azərbaycan Respublikası Səhiyyə Nazirliyi Zərifə Əliyeva adına Milli Oftalmologiya Mərkəzinin 26.07.2021-ci il tarixli tibbi rəyindən görünür ki, Şəxs göz almasının degenerativ vəziyyəti, H54.4-Monokulyar korluq, H52.2-Asiqmatizm diaqnozu qoyulmuşdur. Azərbaycan Respublikasının İnzibati Xətalar Məcəlləsinin 528.1-ci maddəsinin dispozisiyasında məhkəmə və digər orqanların qərarlarının icrası ilə əlaqədar icra məmurlarının qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə inzibati məsuliyyət nəzərdə tutulmuşdur. Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair” 04 sentyabr 2018-ci il tarixli Qərarında göstərilmişdir ki, “Göstərilənləri nəzərə alaraq Konstitusiya Məhkəməsinin Plenumu qeyd etməyi vacib hesab edir ki, məhkəmə və digər orqanların qərarlarının icrası ilə əlaqədar icra məmurunun tələblərinin yerinə yetirilməməsinə görə şəxsin inzibati məsuliyyətə cəlb edilməsi məsələsinə baxılarkən hüquqtətbiqedici işin faktiki hallarını hərtərəfli araşdırmalı, bundan əvvəl onun barəsində bu əmələ görə inzibati tənbeh tətbiq edilib-edilməməsini, inzibati tənbehin məqsədlərinə nail olunubolunmamasını, əməlin məhz qərəzli olaraq törədilib-törədilməməsini və digər mühüm halları araşdırmalıdır”. Məhkəmə araşdırması nəticəsində müəyyən edilmişdir ki, borclu Şəxs bir gözü kor, digər gözü isə çox zəif olduğuna görə iş fəaliyyəti ilə məşğul ola bilmədiyi üçün icra sənədi üzrə borcunu üzürlü səbəbdən ödəyə bilməmişdir. İcra işinin materialları və tərəflərin izahatları ilə müəyyən edilmişdir ki, Şəxs 2021-ci ilin aprel ayına qədər aliment borcunu ödəmiş, o, aliment borcunu ödəməkdən imtina etməmiş, lakin sonradan onun gözlərində yaranmış xəstəliklə əlaqədar işləyə bilmədiyi üçün o, alimenti ödəməmişdir. Məhkəmə inzibati xəta haqqında işin materiallarını araşdıraraq, eyni zamanda proses iştirakçılarının izahatlarını dinləyərək, hesab edir ki, Şəxs Gəncə şəhəri Nizami rayon Məhkəməsinin 10.08.2020-ci il tarixli, 2(044)-1006/2020 saylı icra sənədi ilə müəyyən edilmiş aliment borcunu sonradan ödəməməsi üzürsüz səbəblərlə əlaqədar olmamış, belə ki, o, alimenti ödəməkdən qərəzli olaraq imtina etməmişdir. Beləliklə də, qeyd edilənlər Şəxs əməlində Azərbaycan Respublikasının İnzibati Xətalar Məcəlləsinin 528.1-ci maddəsində müəyyən edilmiş inzibati xəta tərkibinin olmadığını təsdiq edir, buna görə də onun barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikasının İnzibati Xətalar Məcəlləsinin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Azərbaycan Respublikasının İnzibati Xətalar Məcəlləsinin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Azərbaycan Respublikasının İnzibati Xətalar Məcəlləsinin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikasının İnzibati Xətalar Məcəlləsinin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Azərbaycan Respublikasının İnzibati Xətalar Məcəlləsinin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Məhkəmə qanunvericiliyin qeyd edilən tələblərini rəhbər tutub hesab edir ki, Şəxs əməlində Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta tərkibi olmadığına görə onun barəsində başlanmış inzibati xəta haqqında icraata xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40,43,48-51,53,61,73,114,128-130-cu maddələrini rəhbər tutaraq, məhkəmə qərara a l d ı: Barəsində inzibati xəta haqqında iş üzrə icraat aparılan şəxs Şəxs əməlində inzibati xəta tərkibi olmadığına görə onun barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində Azərbaycan Respublikasının İnzibati Xətalar Məcəlləsinin 128-ci maddəsində göstərilən şəxslər tərəfindən həmin qərarı qəbul etmiş hakim vasitəsilə və ya birbaşa apellyasiya instansiyası məhkəməsinə şikayət verilə bilər. Hakim: Roman Ələkbərli