Goranboy Rayon Məhkəməsi Qərar — İş №3(045)-1075/2023

Azərbaycan Respublikası adından QƏRAR Goranboy rayonu İş № 3(045)-1075/2023 30.11.2023 GORANBOY RAYON MƏHKƏMƏSİ Hakim Ələkbərov Tural Mehman oğlunun sədrliyi, Namazov Arzu Etibar oğlunun katibliyi, inzibati xəta haqqında protokolu tərtib etmiş şəxs Goranboy rayon İcra və Probasiya şöbəsinin icra məmuru X3, Zərərçəkmiş şəxs, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1976-cı ildə Goranboy rayonunda anadan olmuş, Azərbaycan Respublikasının vətəndaşı, orta təhsilli, evli, ünvan 1 ünvanında qeydiyyatda olan və yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra - İXM) 528.1-ci maddəsi ilə tərtib olunan inzibati xəta haqqında protokol üzrə inzibati xəta haqqında işə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Goranboy rayon İcra və Probasiya şöbəsinin icra məmuru X1 Rayon Məhkəməsinin 2(045)-1122/2023 nömrəli, xx.xx.2023-cü il tarixli və 1(045)-96/2021 nömrəli, xx.xx.2021-ci il tarixli icra sənədlərinin icrası ilə bağlı borclu Şəxs barəsində İXM-in 528.1-ci maddəsi ilə inzibati xəta haqqında protokol tərtib edərək baxılması üçün məhkəməyə göndərmişdir. MN seriyalı, ******* nömrəli 30 noyabr 2023-cü il tarixli inzibati xəta haqqında protokolda qeyd edilir ki, borclu Vəliyev X4 Rayon Məhkəməsinin 1(045)-96/2021 nömrəli, xx.xx.2021-ci il tarixli və 2(045)-1122/2023 nömrəli, xx.xx.2023-cü il tarixli icra sənədləri üzrə ödəməli olduğu borcunu ödəməkdən qərəzli olaraq yayınır. Nəticədə Şəxs İXM-in 528.1-ci maddəsində nəzərdə tutulan inzibati xətanı törətmişdir. İnzibati xəta haqqında protokola əlavədən görünür ki, Goranboy Rayon Məhkəməsinin 2(045)-1122/2023 nömrəli, xx.xx.2023-cü il tarixli icra sənədinə əsasən cavabdeh Şəxs 5400 manat məbləğində borc pul və 75 manat dövlət rüsumunun alınaraq iddiaçı Zərərçəkmiş şəxs verilməsi qərara alınmışdır. Goranboy Rayon Məhkəməsinin 1(045)-96/2021 nömrəli, xx.xx.2021-ci il tarixli icra sənədinə əsasən cavabdehlər Şəxs və X2 müştərək qaydada 263 manat pul alınaraq dövlət büdcəsinə ödənilməlidir. Borclu Şəxs icra sənədlərində göstərilən borcunun ödənilməsi üçün bildiriş verilmiş və borcu ödəməyi tələb edilmişdir. Lakin, borclu məhkəmə qərarlarında göstərilən borcları ilə bağlı dəfələrlə xəbərdarlıq edilməsinə baxmayaraq o, yenə də qərəzli olaraq icra sənədlərində olan borclarını ödəməmişdir. “Elektron İcra” İnformasiya sistemindən görünür ki, borclu Şəxs adına heç bir əmlak və gəlir aşkar edilməmişdir. Məhkəmə iclasında Goranboy rayon İcra və Probasiya şöbəsinin icra məmuru X6 inzibati xəta haqqında protokolun məzmununa uyğun izahat verərək Şəxs barəsində inzibati tənbeh tədbirinin tətbiq edilməsini məhkəmədən xahiş etdi. Verilmiş suallara cavab olaraq bildirdi ki, borclu Şəxs bugün, yəni 30 noyabr 2023-cü il tarixdə Goranboy Rayon Məhkəməsinin 1(045)-96/2021 nömrəli, xx.xx.2021-ci il tarixli icra sənədi üzrə 132 manatı dövlət büdcəsinə ödəmişdir. Məhkəmə iclasında barəsində inzibati xəta haqqında iş üzrə icraat aparılan Şəxs özünü İXM-in 528.1-ci maddəsi ilə təqsirli bilməyərək izahatında göstərdi ki, o, borcunu ödəməkdən yayınmır. Bügün, yəni 30 noyabr 2023-cü il tarixdə Goranboy Rayon Məhkəməsinin 1(045)-96/2021 nömrəli, xx.xx.2021-ci il tarixli icra sənədi üzrə 132 manatı dövlət büdcəsinə ödəmişdir. Digər icra sənədi üzrə bildirdi ki, onun Goranboy Rayon Məhkəməsinin xx.xx.2023-cü il tarixli qiyabi qətnaməsindən məlumatı olmamışdır. xx.xx.2023-cü il tarixdə həmin qiyabi qətnamənin ləğvi barədə ərizə ilə məhkəməyə müraciət etmişdir. Hazırda onun ərizəsinə baxılması xx.xx.2023-cü il tarixə təyin edilmişdir. Həmin sənədləri məhkəməyə təqdim etdi. Onun Zərərçəkmiş şəxs hər hansı borcu yoxdur. Yekunda barəsində olan iş üzrə icraata xitam verilməsini məhkəmədən xahiş etdi. Məhkəmə iclasında tələbkar Zərərçəkmiş şəxs izahatında göstərdi ki, Goranboy Rayon Məhkəməsinin xx.xx.2023-cü il tarixli qiyabi qətnaməsinə əsasən Şəxs 5400 manat məbləğində pul və ödənilmiş 75 manat dövlət rüsumu tutularaq ona verilməlidir. O, borcun tam ödənilməsini istəyir. Əks halda Şəxs barəsində ən ağır inzibati tənbeh tədbirinin tətbiq edilməsini məhkəmədən xahiş edir. İş materiallarında olan və məhkəmə iclasında tədqiq edilmiş: Goranboy Rayon Məhkəməsinin 1(045)-96/2021 nömrəli, xx.xx.2021-ci il tarixli icra sənədinə əsasən iş üzrə ekspertiza tədqiqatlarının dəyərini təşkil edən 263 manat məbləğində pul vəsaiti Şəxs və X2 müştərək qaydada tutularaq dövlət büdcəsinə köçürülməlidir; Goranboy rayon İcra və Probasiya şöbəsinin xx.xx.2022-ci il tarixli “İcraata başlamaq haqqında” qərarının və həmin tarixli tələbin könüllü icrası haqqında 16834/2022 nömrəli bildirişinin surətindən görünür ki, borclu Vəliyev X4 Rayon Məhkəməsinin 1(045)-96/2021 nömrəli, xx.xx.2021-ci tarixli icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir; Goranboy Rayon Məhkəməsinin xx.xx.2023-cü il tarixli, 2(045)-1122/2023 nömrəli qiyabi qətnaməsindən görünür ki, Şəxs 5400 manat məbləğində pul və ödənilmiş 75 manat dövlət rüsumu tutularaq Zərərçəkmiş şəxs verilməlidir; Goranboy Rayon Məhkəməsinin 2(045)-1122/2023 nömrəli, xx.xx.2023-cü il tarixli icra vərəqəsinə əsasən Şəxs 5400 manat məbləğində pul və ödənilmiş 75 manat dövlət rüsumu tutularaq Zərərçəkmiş şəxs verilməlidir; Goranboy rayon İcra və Probasiya şöbəsinin xx.xx.2023-cü il tarixli “İcraata başlamaq haqqında” qərarının və həmin tarixli tələbin könüllü icrası haqqında 244061/2023 nömrəli bildirişinin surətindən görünür ki, borclu Vəliyev X4 Rayon Məhkəməsinin 2(045)-1122/2023 nömrəli, xx.xx.2023-cü tarixli icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir; Şəxs ərizəsindən görünür ki, o, Goranboy Rayon Məhkəməsinin xx.xx.2023-cü il tarixli, 2(045)-1122/2023 nömrəli qiyabi qətnaməsinin ləğv edilməsini məhkəmədən xahiş etmişdir; Goranboy Rayon Məhkəməsinin xx.xx.2023-cü il tarixli, 2(045)-1122/2023 nömrəli bildirişindən görünür ki, Şəxs Goranboy Rayon Məhkəməsinin xx.xx.2023-cü il tarixli, 2(045)-1122/2023 nömrəli qiyabi qətnaməsinin ləğv edilməsi barədə ərizəsinə baxılması xx.xx.2023-cü il tarixə təyin edilmişdir; “İcra sənədlərinin bir icraatda birləşdirilməsi haqqında” xx.xx.2023-cü il tarixli qərardan görünür ki, Goranboy Rayon Məhkəməsinin 2(045)-1122/2023 nömrəli, xx.xx.2023-cü il tarixli və 1(045)-96/2021 nömrəli, xx.xx.2021-ci il tarixli icra sənədlərinin icraatı ümumi icraatda birləşdirilmişdir. Məhkəmə, işdə iştirak edən şəxslərin izahatlarını dinləyib və tədqiq olunmuş sübutlara məcmu halda hüquqi qiymət verərək hesab edir ki, hazırkı halda barəsində inzibati xəta haqqında iş üzrə icraat aparılan Şəxs əməlində İXM-in 528.1-ci maddəsində nəzərdə tutulan inzibati xətanın tərkibi olmadığından inzibati xəta haqqında iş üzrə icraata xitam verilməlidir. Məhkəmə, icra işinin materiallarını tədqiq edərək borclunun hərəkətlərində icra məmurunun qanuni tələblərinin yerinə yetirilməməsi və ya icra sənədinin üzrsüz səbəbdən icra edilməməsi kimi halların mövcud olmadığı qənaətinə gəlir. Belə ki, “İcra haqqında” Azərbaycan Respublikası Qanununun: 3-cü maddəsinə əsasən məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar; 8.2-ci maddəsinə əsasən icra məmuru icra sənədini aldığı vaxtdan üç gün müddətində icraata başlamaq haqqında qərar qəbul edir. Həmin qərarda icra məmuru icra sənədində göstərilmiş tələblərin borclu tərəfindən könüllü icrası üçün məhkəmənin qərarında digər icra müddəti müəyyən edilməyibsə, həmçinin bu maddənin üçüncü bəndində müəyyən edilmiş icra müddəti istisna olmaqla, icraata başlanıldığı vaxtdan ən çoxu on gün müddət təyin edir və bu barədə borcluya bildiriş verir. Bildirişdə həmin müddət başa çatdıqdan sonra göstərilən tələblərin məcburi qaydada icra ediləcəyi və bu Qanunla nəzərdə tutulmuş icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı göstərilir; 28.2 və 29.2-ci maddələrinə müvafiq olaraq icraatda tərəflər tələbkar və borcludur. İcra hərəkətlərinin həyata keçirilməsi zamanı tərəflər icra haqqında Azərbaycan Respublikası qanunvericiliyinin tələblərini yerinə yetirməyə borcludurlar; 84.1-ci maddəsinə əsasən icra məmurunun qanuni tələblərinin yerinə yetirilməməsinə görə, icra sənədinin itirilməsinə və ya onun vaxtında göndərilməməsinə görə, habelə borclunun iş yeri və ya yaşayış yeri, onun gəlirləri və əmlak vəziyyəti haqqında dəqiq olmayan məlumat təqdim edilməsinə görə icra məmuru təqsirkar şəxslərin inzibati məsuliyyətə cəlb olunması üçün qanunvericiliyə uyğun olaraq inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir (vergilər, faizlər və maliyyə sanksiyaları üzrə borcların alınması (vergilərin ödənilməməsi) ilə əlaqədar qanuni qüvvəyə minmiş məhkəmə qərarlarının icrasına maneçilik törətmə halları istisna olmaqla). İXM-in 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Maddənin dizpozisiyasından məlum olur ki, həmin inzibati xətanın tərkibinin yaranması üçün borclu icra məmurunun qanuni tələblərini yerinə yetirməməli və ya icra sənədini üzrsüz səbəbdən icra etməməlidir. Məhkəmə araşdırması zamanı müəyyən edilir ki, Vəliyev X4 Rayon Məhkəməsinin 1(045)-96/2021 nömrəli, xx.xx.2021-ci il tarixli icra sənədi üzrə üzərinə düşən öhdəliyi icra etmiş, yəni 132 manat məbləğində vəsaiti dövlət büdcəsinə ödəmişdir. Bundan başqa digər icra sənədi üzrə, yəni Goranboy Rayon Məhkəməsinin 2(045)-1122/2023 nömrəli, xx.xx.2023cü il tarixli icra vərəqəsinin verilməsinə əsas olmuş qiyabi qətnamənin ləğvinə dair onun tərəfindən ərizə verilmişdir və həmin ərizə hazırda Goranboy Rayon Məhkəməsinin icraatındadır. Bütün qeyd edilənlər isə borclu Şəxs tərəfindən icra məmurunun qanuni tələblərinin yerinə yetirilməməsinə yönəlmiş hər hansı bir qərəzli hərəkət edilməməsini təsdiq edir. İXM-in: 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən, yalnız İXM-lə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 12.1-ci maddəsinə əsasən İXM-lə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Beləliklə, məhkəmə iclasında borclu Şəxs tərəfindən Goranboy Rayon Məhkəməsinin 2(045)-1122/2023 nömrəli, xx.xx.2023-cü il tarixli və 1(045)-96/2021 nömrəli, xx.xx.2021-ci il tarixli icra sənədlərinin icra edilməsi ilə bağlı icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə icra sənədinin üzrsüz səbəbdən icra edilməməsinə yönələn hərəkətlərin edilməsi müəyyən edilməmişdir. Bu isə onun tərəfindən İXM-in 528.1-ci maddəsində nəzərdə tutulan inzibati xətanın tördilməsini istisna edir. Buna görə də məhkəmə borclu barədə başlanmış inzibati xəta haqqında iş üzrə icraata xitam verilməsini qanuni və əsaslı hesab edir. İXM-in: 75-ci maddəsinə əsasən inzibati xətalar haqqında işlərin icraatı üzrə inzibati xəta hadisəsi (inzibati xəta törədilmişdirmi), inzibati xəta törətməkdə şəxsin təqsiri və s. müəyyən edilməlidir; 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Məhkəmə hesab edir ki, borclu Şəxs əməlində İXM-in 528.1-ci maddəsində nəzərdə tutulan inzibati xəta tərkibi yoxdur və bu səbəbdən tərtib edilmiş inzibati protokol əsasında o, inzibati məsuliyyətə cəlb edilə bilməz. İXM-in: 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Beləliklə, məhkəmə hesab edir ki, Goranboy Rayon Məhkəməsinin 2(045)-1122/2023 nömrəli, xx.xx.2023-cü il tarixli və 1(045)-96/2021 nömrəli, xx.xx.2021-ci il tarixli icra sənədlərinin icra edilməməsi ilə bağlı Şəxs barəsində başlanmış inzibati xəta haqqında iş üzrə icraata, əməlində inzibati xəta tərkibinin olmaması əsası ilə xitam verilməlidir. Qeyd olunanlara əsasən və İXM-in 40.0.1, 43, 53, 114-115, 128-130 maddələrini rəhbər tutaraq, məhkəmə QƏRARA ALDİ: Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanın tərkibi olmadığından barəsində başlanılmış inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində Goranboy Rayon Məhkəməsi vasitəsilə və ya birbaşa Gəncə Apellyasiya Məhkəməsinə şikayət verilə bilər. Hakim Tural Ələkbərov