Goranboy Rayon Məhkəməsi Qərar — İş №3(045)-521/2025

Azərbaycan Respublikası adından QƏRAR Goranboy rayonu İş № 3(045)-521/2025 17.03.2025 GORANBOY RAYON MƏHKƏMƏSİ (inzibati xəta haqqında iş üzrə) Hakim Mustafayev Taleh Məhəmmədəli oğlunun sədrliyi, Namazov Arzu Etibar oğlunun katibliyi, inzibati xəta haqqında protokol tərtib etmiş şəxs Goranboy RPŞ-nin X4 Bölməsinin YNH-nin hadisəsi üzrə baş inspektoru X1, zərərçəkmiş şəxslər Zərərçəkmiş şəxs1, Zərərçəkmiş şəxs3 və Zərərçəkmiş şəxs2, barəsində inzibati xəta haqqında iş üzrə icraat aparılan şəxs Şəxs, xx.xx.1975-ci ildə Xaçmaz rayonu, Xuray kəndində anadan olmuş, Azərbaycan Respublikasının vətəndaşı, evli, orta təhsilli, ünvan 1 ünvanında qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin (bundan sonra - İXM) 327.1 və 332.4-cü maddələrində nəzərdə tutulan inzibati xətaları törətməsinə dair Azərbaycan Respublikası Goranboy rayon Polis şöbəsindən daxil olmuş materiallara məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Məhkəmənin icraatına 17 mart 2025-ci il tarixdə Goranboy rayon Polis şöbəsindən Şəxs barəsində tərtib olunmuş xx.xx.2025-ci il tarixli İXP seriyalı ******* nömrəli inzibati xəta haqqında protokol və ona əlavə edilmiş sənədlər daxil olmuşdur. xx.xx.2025-ci il tarixli İXP seriyalı ******* nömrəli inzibati xəta haqqında protokoldan görünür ki, Şəxs nəqliyyat vasitəsini idarə etmək hüququ olmadan xx.xx.2025-ci il tarixdə, saat 09:40-da Goranboy şəhəri H. Əliyev prospektində idarə etdiyi “VAZ 21703” markalı **-BG-*** dövlət qeydiyyat nişanlı avtomobillə onunla eyni istiqamətdə hərəkətdə olan “Kia Sportage” markalı **-MH-*** dövlət qeydiyyat nişanlı, “Hyundai Tucson” markalı **-ST-*** dövlət qeydiyyat nişanlı və “Toyota Avensis” markalı, **-KU-*** dövlət qeydiyyat nişanlı avtomobillərlə toqquşmuş və nəticədə Zərərçəkmiş şəxs1, Zərərçəkmiş şəxs3 və Zərərçəkmiş şəxs2 məxsus avtomobillərə maddi zərər dəymişdir. Bununla da, onun barəsində İXM-in 327.1 və 332.4-cü maddələri ilə inzibati xətaları törətməsini nəzərdə tutan xx.xx.2025-ci il tarixli İXP seriyalı ******* nömrəli inzibati xəta haqqında protokol tərtib olunmuşdur. Məhkəmə iclasında inzibati xəta haqqında protokolu tərtib etmiş şəxs Goranboy RPŞ-nin X4 Bölməsinin YNH-nin hadisəsi üzrə baş inspektoru X2 izahatında göstərdi ki, sürücü Şəxs nəqliyyat vasitəsini idarə etmək hüququ olmadan xx.xx.2025-ci il tarixdə, saat 09:40 radələrində Goranboy şəhəri H. Əliyev prospektində hərəkətdə olan zaman idarə etdiyi “VAZ 21703” markalı **-BG-*** dövlət qeydiyyat nişanlı avtomobillə araməsafəsi saxlamamış və onunla eyni istiqamətdə hərəkətdə olan “Kia Sportage” markalı **-MH-*** dövlət qeydiyyat nişanlı, “Hyundai Tucson” markalı **-ST-*** dövlət qeydiyyat nişanlı və “Toyota Avensis” markalı, **-KU-*** dövlət qeydiyyat nişanlı avtomobillərlə toqquşmuş, nəticədə həmin avtomobillərə maddi zərər dəymişdir. Törətdiyi inzibati xətaya görə sürücü barəsində tərəfindən İXM-in 327.1 və 332.4-cü maddələr ilə inzibati xəta haqqında protokol tərtib edilmişdir. Yekunda Şəxs barəsində inzibati tənbeh tədbirinin tətbiq edilməsini məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan Şəxs özünü İXM-in 332.4-cü maddəsi ilə təqsirli bilərək izahatında göstərdi ki, idarə etdiyi “VAZ 21703” markalı **-BG-*** dövlət qeydiyyat nişanlı avtomobil etibarnamə əsasında onun sahibliyindədir. xx.xx.2025-ci il tarixdə saat 08:55 radələrində Goranboy şəhər H. Əliyev prospektində hərəkətdə olan zaman araməsafəsi saxlamayaraq onunla eyni istiqamətdə hərəkət edən “Kia Sportage” markalı **-MH-*** dövlət qeydiyyat nişanlı avtomobillə toqquşmuşdur. Həmin vaxt “Kia Sportage” markalı **-MH-*** dövlət qeydiyyat nişanlı avtomobil onunla eyni istiqamətdə olan “Hyundai Tucson” markalı **-ST-*** dövlət qeydiyyat nişanlı və “Toyota Avensis” markalı, **-KU-*** dövlət qeydiyyat nişanlı avtomobillərlə toqquşmuş, nəticədə zərərçəkmiş şəxslərin avtomobillərinə maddi zərər dəymişdir. Nəqliyyat vasitəsini idarə etməyə sücülük hüququ Daşkəsən rayon Məhkəməsinin qərarı ilə məhdudlaşdırılmışdır. Əməlindən peşmandır və məhkəmədən ona yüngül inzibati tənbeh tədbirinin tətbiq edilməsini xahiş etdi. Məhkəmə iclasında iştirak edən Zərərçəkmiş şəxs1 izahatında göstərdi ki, “Toyota Avensis” markalı, **-KU-*** dövlət qeydiyyat nişanlı avtomobil etibarnamə əsasında onun sahibliyindədir. xx.xx.2025-ci il tarixdə səhər saatlarında Goranboy şəhər H. Əliyev prospektində hərəkətdə olan zaman onunla eyni istiqamətdə hərəkət edən “VAZ 21703” markalı **-BG-*** dövlət qeydiyyat nişanlı avtomobil dayanmış vəziyyətdə olan “Kia Sportage” markalı **-MH-*** dövlət qeydiyyat nişanlı avtomobillə toqquşmuşdur. Bu zaman “Kia Sportage” markalı avtomobil idarəetməni itirərərək qarşısında olan “Hyundai Tucson” markalı **-ST-*** dövlət qeydiyyat nişanlı avtomobilə dəymiş, həmin avtomobil isə ona məxsus avtomobillin arxa hissəsindən dəymişdir. Məhkəmə iclasında iştirak edən Zərərçəkmiş şəxs3 izahatında göstərdi ki, “Kia Sportage” markalı **-MH-*** dövlət qeydiyyat nişanlı avtomobil onun sahibliyindədir. xx.xx.2025-ci il tarixdə saat 08:55 radələrində Goranboy şəhər H. Əliyev prospektində hərəkətdə olan zaman onunla eyni istiqamətdə hərəkət edən “VAZ 21703” markalı **-BG- *** dövlət qeydiyyat nişanlı avtomobil ona məxsus avtomobillə toqquşmuşdur. Bu zaman o, idarəetməni itirərərək qarşısında olan “Hyundai Tucson” markalı **-ST-*** dövlət qeydiyyat nişanlı avtomobilə dəymiş, həmin avtomobil isə qarşısında olan “Toyota Avensis” markalı avtomobillin arxa hissəsindən dəymişdir. Məhkəmə iclasında iştirak edən Zərərçəkmiş şəxs2 izahatında göstərdi ki, “Hyundai Tucson” markalı **-ST-*** dövlət qeydiyyat nişanlı avtomobil etibarnamə əsasında onun sahibliyindədir. xx.xx.2025-ci il tarixdə saat 08:55 radələrində Goranboy şəhər H. Əliyev prospektində hərəkətdə olan zaman onunla eyni istiqamətdə hərəkət edən “VAZ 21703” markalı **-BG-*** dövlət qeydiyyat nişanlı avtomobil arxasında dayanmış vəziyyətdə olan “Kia Sportage” markalı avtomobillə toqquşmuşdur. Bu zaman “Kia” markalı nəqliyyat vasitəsi idarəetməni itirərərək onun idarə etdiyi avtomobilə dəymiş, o da qarşısında olan “Toyota Avensis” markalı avtomobillin arxa hissəsindən dəymişdir. İş materiallarında olan və məhkəmə iclasında tədqiq edilmiş: xx.xx.2025-ci il tarixli, İN 642483 nömrəli alkotester rəyindən görünür ki, Şəxs həmin tarixdə sərxoş (0.000%) olmamışdır; DİN-nin DYP Web Portalından verilmiş çıxarışdan görünür ki, Şəxs AC seriyalı 618891 nömrəli sürücülük vəsiqəsi məhkəmənin 3(030)-50/2020 nömrəli, xx.xx.2020-ci il tarixli qəərarı ilə məhdudlaşdırılmışdır; Goranboy “Avto Servis” tərəfindən verilmiş 06 nömrəli, xx.xx.2025-ci il tarixli arayışdan görünür ki, “Kia Sportage” markalı **-MH-*** dövlət qeydiyyat nişanlı avtomobilə cəmi 2450 manat məbləğində (ehtiyyat hissələrin quraşdırılması üçün usta pulu- 800 manat) maddi ziyan dəymişdir; Goranboy “Avto Servis” tərəfindən verilmiş 05 nömrəli, xx.xx.2025-ci il tarixli arayışdan görünür ki, “Toyota Avensis” markalı, **-KU-*** dövlət qeydiyyat nişanlı avtomobilə cəmi 710 manat məbləğində (ehtiyyat hissələrin quraşdırılması üçün usta pulu- 400 manat) maddi ziyan dəymişdir. Məhkəmə baxışı zamanı araşdırılan sübutlarla barəsində inzibati xəta haqqında iş üzrə icraat aparılan Şəxs 04 mart 2025-ci il tarixdə saat 09:40 radələrində idarə etdiyi “VAZ 21073” markalı **-BG-*** dövlət qeydiyyat nişanlı avtomobili nəqliyyat vasitəsini idarə etmək hüququ olmadan idarə edərkən yol nəqliyyat hadisəsi törətməsi və yol nəqliyyat hadisəsinin iştirakçıları olan avtomobillərə maddi ziyan vurması, bununla da İXM-in 332.4-cü maddəsində nəzərdə tutulan inzibati xətanı törətməsi öz təsdiqini tapmışdır. Beləliklə, barəsində inzibati xəta haqqında iş üzrə icraat aparılan Şəxs İXM-in 332.4-cü maddəsində nəzərdə tutulan inzibati xətanı törətməsi sübuta yetdiyindən, məhkəmə hesab edir ki, Şəxs həmin maddə ilə təqsirli bilinərək, inzibati məsuliyyətə cəlb edilməlidir. Məhkəmə, barəsində inzibati xəta haqqında iş üzrə icraat aparılan şəxs Şəxs törətdiyi əməli etiraf edib peşman olmasını inzibati xətaya görə məsuliyyəti yüngülləşdirən hal kimi müəyyən edir. Barəsində inzibati xəta haqqında iş üzrə icraat aparılan şəxs Şəxs əməlində inzibati xətaya görə məsuliyyəti ağırlaşdıran hal müəyyən olunmadı. İXM-in: 3-cü maddəsinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 6.1-ci maddəsinə əsasən inzibati xətalara görə inzibati tənbeh həmin Məcəlləyə uyğun olaraq tətbiq edilir; 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır; 12.1-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır; 332.2-ci maddəsinə əsasən nəqliyyat vasitəsini idarə etmək hüququ olmadan nəqliyyat vasitəsinin idarə edilməsinə görə - yüz manat məbləğində cərimə edilir; 332.4-cü maddəsinə əsasən bu Məcəllənin 332.2-ci maddəsində nəzərdə tutulmuş xəta nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə - beş yüz manat məbləğində cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. Məhkəmə işin faktiki hallarını, o cümlədən barəsində inzibati xəta haqqında iş üzrə icraat aparılan Şəxs şəxsiyyətini, onun məsuliyyətini yüngülləşdirən halı və ağırlaşdıran halların olmamasını nəzərə almaqla hesab edir ki, Şəxs İXM-in 332.4-cü maddəsində nəzərdə tutulan inzibati xətanı törətməkdə təqsirli bilinməli və ona həmin maddənin sanksiyasında nəzərdə tutulmuş inzibati cərimə növündə inzibati tənbeh tətbiq edilməlidir. Məhkəmə qeyd edir ki, inzibati cərimə növündə tənbeh tədbiri inzibati tənbehin məqsədlərinə, yəni Şəxs qanunlara əməl edilməsi ruhunda tərbiyələndirməyə, habelə onun tərəfindən yeni inzibati xəta törədilməsinin qarşısını almağa uyğundur. Məhkəmə həmçinin qeyd edir ki, İXM-in: 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər; 43.1-ci maddəsinə əsasən rayon (şəhər) məhkəmələrinin baxdığı işlərin dairəsi müəyyən olunmuşdur. Azərbaycan Respublikası Prezidentinin 2017-ci il 23 iyun tarixli 1256 nömrəli Fərmanı ilə təsdiq edilmiş “İnzibati xətalar haqqında işlərə baxmağa səlahiyyəti olan vəzifəli şəxslərin Siyahısı”nın 2-ci bəndinə əsasən İXM-in 327.1-ci maddəsində nəzərdə tutulmuş inzibati xətalar haqqında işlərə baxmaq Azərbaycan Respublikasının Daxili İşlər Nazirliyinin vəzifəli şəxslərinin səlahiyyətinə aiddir. Qanunvericiliyin tələblərindən göründüyü kimi şəxs eyni vaxtda öz hərəkətləri ilə bir neçə inzibati xətanı törətdikdə əgər bu xətalar eyni orqanın səlahiyyətinə aiddirsə, ona daha ciddi inzibati tənbeh tətbiq edilə bilər. Göründüyü kimi İXM-in, 327.1-ci maddəsi ilə inzibati tənbeh tətbiq etmə səlahiyyəti rayon (şəhər) məhkəmələrinin deyil, Azərbaycan Respublikası Daxili İşlər Nazirliyinin səlahiyyətlərinə aiddir. Qeyd olunanlara əsasən və İXM-in 40.0.1, 43, 48-51, 55, 114, 115, 120, 128-130 maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 332.4-cü maddəsində nəzərdə tutulan inzibati xətanı törətməkdə təqsirli bilinsin və barəsində 500 (beş yüz) manat miqdarında inzibati cərimə növündə tənbeh tədbiri tətbiq edilsin. Şəxs Azərbaycan Respublikası İnzibati Xətalar Məcəlləsinin 327.1-ci maddəsi ilə inzibati məsuliyyətə cəlb edilməsi məsələsinə münasibət bildirilməsi üçün qərarın surəti Azərbaycan Respublikası DİN-in Goranboy Rayon Polis Şöbəsinin DYPB-nə göndərilsin. Qərarın surəti rəsmi qaydada verildiyi vaxtdan 10 (on) gün müddətində Goranboy Rayon Məhkəməsi vasitəsilə və ya bilavasitə Gəncə Apellyasiya Məhkəməsinə şikayət verilə bilər. Hakim Taleh Mustafayev