Goranboy Rayon Məhkəməsi Qərar — İş №3(045)-527/2024

Azərbaycan Respublikası adından QƏRAR Goranboy rayonu İş № 3(045)-527/2024 08.07.2024 GORANBOY RAYON MƏHKƏMƏSİ Goranboy Rayon Məhkəməsinin hakimi X8 oğlunun sədrliyi, Vəliyev Rövşən Rafail oğlunun katibliyi, Goranboy RPŞ-nin İTB-nin polis sahə rəisi X5, barəsində inzibati xəta haqqında iş üzrə icraat aparılan şəxs Şəxs və onun müdafiəçisi Goranboy rayon Vəkil Bürosunun vəkili X1 iştirakı ilə, xx.xx.1965-ci il tarixdə Goranboy rayonunun Tapqaraqoyunlu kəndində doğulmuş, Azərbaycan Respublikası vətəndaşı, evli, işsiz, orta təhsilli, Goranboy rayonunun Tapqaraqoyunlu kəndində yaşayan Şəxs barəsində Goranboy Rayon Polis Şöbəsindən daxil olmuş Azərbaycan Respublikası İnzibati Xətalar Məcəlləsinin 510 və 535.1-ci maddələri ilə olan inzibati xəta haqqında materiallara inzibati binasında, açıq məhkəmə iclasında baxaraq, MÜƏYYƏN ETDİM: Goranboy RPŞ-nin İTB-nin polis sahə rəisi X9 tərəfindən Şəxs barəsində Azərbaycan Respublikası İnzibati Xətalar Məcəlləsinin 510 və 535.1-ci maddələri ilə MN seriyalı, ******* saylı, 08 iyul 2024-cü il tarixli inzibati xəta haqqında protokol tərtib edilərək baxılması üçün Goranboy Rayon Məhkəməsinə göndərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü Azərbaycan Respublikası İnzibati Xətalar Məcəlləsinin 510 və 535.1-ci maddələri ilə təqsirli bilərək izahatında göstərdi ki, o, xx.xx.2024-cü il tarixdə sərnişin qismində əyləşdiyi, X2 idarə etdiyi avtomobil Goranboy RPŞ-nin DYPB-nin əməkdaşlar tərəfindən saxlanılmışdır. Sözügedən avtomobili saxlanıldıqdan sonra əlavə avadanlıq quraşdırılması müəyyən olunmuşdur. Həmin avadanlığa görə avtomobilin Goranboy RPŞnin duracağına aparılacağı bildirildiyindən o polis əməkdaşlarının işlərinə mane olmuşdur. Belə ki, əsəbləşdiyi üçün nalayiq ifadələr işlətmiş və onun bu hərəkətlərinə görə nizamintizama dəvət edən polis əməkdaşlarının qanuni tələbinə qəsdən tabe olmamışdır. Etdiyi əməldən peşmandır. Odur ki, məhkəmədən ona yüngül tənbeh tədbiri tətbiq edilməsini xahiş etdi. Məhkəmə iclasında Goranboy RPŞ-nin İTB-nin polis sahə rəisi X9 bildirmişdir ki, Şəxs xx.xx.2024-cü il tarixdə, saat 20:45 radələrində, Goranboy rayonunun Səfikürd kəndi ərazisində ictimai qaydanı pozaraq polisin qanuni tələbinə qəsdən tabe olmamışdır. Məhkəmə iclasında şahid qismində dindirilmiş Goranboy RPŞ-nin DYPB-nin yol patrul xidməti inspektoru, polis baş serjantı X6 bildirdi ki, xx.xx.2024-cü il tarixdə təxminən saat 20:45 radələrində Goranboy-Ağcakənd yolunda RPŞ-nin DYPB-nün inspektorları Aqil Nuriyev və Füqan Şamxalov ilə birlikdə dislokasiya üzrə xidmətdə olarkən **-BF-*** dövlət qeydiyyat nişanlı Saz-Qaz markalı avtomobil Rəhimli-Səfikürd yolundan Goranboy- Ağcakənd yolunun 7-ci kilometrliyində yola çıxarkən manevr qaydalarını pozduğunu görüb, jezda vasitəsi ilə həmin avtomobilə saxla işarəsi vermişlər. O, avtomobilə yaxınlaşıb özünü təqdim etmiş, yoxlama zamanı məlum oldu ki, sürücü avtomobilə qaz balonu quraşdırmış, ancaq xüsusi qeyddə yazılmamışdır. Onlar sürücü X4 avtomobili RPŞ-nin duracağına yerləşdirilməli olduğunu bildirdikdə avtomobildə olan sərnişin adı sonradan onlara məlum olan Şəxs avtomobil “mənimdir heç kəs apara bilməz” deyə onlarla mübahisə etməyə başlamış, onlar avtomobildə normativ tələblər pozulduğu üçün duracağa yerləşdirilməlidir dedikdə Şəxs uca səslə nəlayiq ifadələr işlətməyə başlamış, onların səs-küyünə kənd sakinləri toplaşmış, həmin şəxslər camaatın içində içtimai yerdə uca səslə nəlayiq ifadələr işlətməyə başlamışlar. Onlar da PPXB-nin əməkdaşları Fərmanlı Cuma və İbrahim İbrahimovu köməyə çağırmışlar, onlar həmin şəxsləri dəfələrlə nizamintizama dəvət etsələr də sözügedən şəxslər öz qərəzli hərəkətlərini davam etdirərək polisin qanuni tələblərinə tabe olmamışlar. Şəxs sərxoş olmuş, tibbi müayinədən ekçməkdən imtian etmişdir. Daha sonra onlar həmin şəxsləri RPŞ-nə gətirərək növbətçi hissəyə təhvil vermişlər. Məhkəmə iclasında şahid qismində dindirilmiş Goranboy RPŞ-nin DYPB-nin yol patrul xidməti inspektoru, polis baş serjantı X10 digər şahid X3 göstərdiyi xüsusatları bir daha təsdiq etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs vəkili X7 hüquqlarını müdafiə etdiyi şəxsin barəsində İXM-in 510 və 535.1-ci maddələrində nəzərdə tutulmuş yüngül inzibati tənbeh tədbirinin tətbiq edilməsini məhkəmədən xahiş etdi. İş materiallarında olan Goranboy RPŞ-nin DYPB-nin yol patrul xidməti inspektoru, polis baş serjantı Süleyman Piriyev, Goranboy RPŞ-nin DYPB-nin yol patrul xidməti inspektoru, polis baş serjantı Aqil Nuriyev və Goranboy RPŞ-nin DYPB-nin yol patrul xidməti inspektoru, polis baş serjantı Füqan Şamxalov tərəfindən rəhbərliyə ünvanlanmış 07 iyul 2024-cü il tarixli raportdan görünür ki, xx.xx.2024-cü il tarixdə təxminən saat 20:45 radələrində Goranboy-Ağcakənd yolunda RPŞ-nin DYPB-nün inspektorları Aqil Nuriyev və Füqan Şamxalov ilə birlikdə dislokasiya üzrə xidmətdə olarkən **-BF-*** dövlət qeydiyyat nişanlı Saz-Qaz markalı avtomobil Rəhimli-Səfikürd yolundan Goranboy-Ağcakənd yolunun 7-ci kilometrliyində yola çıxarkən manevr qaydalarını pozduğunu görüb, jezda vasitəsi ilə həmin avtomobilə saxla işarəsi vermişlər. O, avtomobilə yaxınlaşıb özünü təqdim etmiş, yoxlama zamanı məlum oldu ki, sürücü avtomobilə qaz balonu quraşdırmış, ancaq xüsusi qeyddə yazılmamışdır. Onlar sürücü X4 avtomobili RPŞ-nin duracağına yerləşdirilməli olduğunu bildirdikdə avtomobildə olan sərnişin adı sonradan onlara məlum olan Şəxs avtomobil “mənimdir heç kəs apara bilməz” deyə onlarla mübahisə etməyə başlamış, onlar avtomobildə normativ tələblər pozulduğu üçün duracağa yerləşdirilməlidir dedikdə sürücü Sahil Həsənli və Şəxs uca səslə nəlayiq ifadələr işlətməyə başlamış, onların səs-küyünə kənd sakinləri toplaşmış, həmin şəxslər camaatın içində içtimai yerdə uca səslə nəlayiq ifadələr işlətməyə başlamışlar. Onlar da PPXB-nin əməkdaşları Fərmanlı Cuma və İbrahim İbrahimovu köməyə çağırmışlar, onlar həmin şəxsləri dəfələrlə nizamintizama dəvət etsələr də sözügedən şəxslər öz qərəzli hərəkətlərini davam etdirərək polisin qanuni tələblərinə tabe olmamışlar. Daha sonra onlar həmin şəxsləri RPŞ-nə gətirərək növbətçi hissəyə təhvil vermişlər. İş materiallarında olan inzibati xəta haqqında MN seriyalı, ******* №-li, 08 iyul 2024cü il tarixli inzibati xəta haqqında protokolda göstərilmişdir ki, Şəxs xx.xx.2024-cü il tarixdə, saat 20:45 radələrində, Goranboy rayonunun Səfikürd kəndi ərazisində ictimai qaydanı pozaraq polisin qanuni tələbinə qəsdən tabe olmamışdır. İş materiallarında olan sərxoşluq hallarının bütün növlərinin təyini məqsədilə aparılan xx.xx.2024-cü il tarixli tibbi müayinə protoklundan görünür ki, Şəxs tibbi müayinədən keçməkdən imtian etmişdir. Məhkəmə MN seriyalı, ******* №-li, 08 iyul 2024-cü il tarixli inzibati xəta haqqında protokolu tərtib etmiş şəxsin, barəsində iş üzrə icraat aparılan Şəxs izahatını, şahid ifadələrini dinləyib, işin faktiki hallarını nəzərdən keçirib belə hesab edir ki, Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulan inzibati xətanı törətməsi məhkəmə iclası zamanı tam sübuta yetirilmişdir. Şəxs barəsində tətbiq ediləcək inzibati tənbeh tədbiri ilə əlaqədar məhkəmə aşağıdakıları qeyd etməyi zəruri hesab edir. Azərbaycan Respublikası İnzibati Xətalar Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İnzibati Xətalar Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qeyd olunan Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikası İnzibati Xətalar Məcəllənin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə- fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. “Polis haqqında” Azərbaycan Respublikası Qanununun 17-ci maddəsinin 1-ci bəndinə görə hər bir şəxsdən cinayətlərə və digər hüquqpozmalara, şəxsiyyət və ictimai asayış üçün təhlükə törədən və onlara şərait yaradan hərəkətlərə son qoyulmasını tələb etmək üzərinə düşən vəzifələrin yerinə yetirilməsi üçün polis əməkdaşının hüququdur. Azərbaycan Respublikası İnzibati Xətalar Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən halları və ağırlaşdıran halların olmamasını nəzərə alınır. Məhkəmə, barəsində inzibati xəta haqqında iş üzrə icraat aparılan Şəxs törətdiyi əməli etiraf etməsini və əməlindən peşman olmasını onun məsuliyyətini yüngülləşdirən hallar kimi müəyyən edir. Məhkəmə barəsində inzibati xəta haqqında iş üzrə icraat aparılan Şəxs inzibati xətanı sərxoş vəziyyətdə törətməsini onun məsuliyyətini ağırlaşdıran hal kimi müəyyən edir. Azərbaycan Respublikası İnzibati Xətalar Məcəllənin 34.1-ci maddəsinə əsasən bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. Həmin Məcəllənin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulan inzibati xətanı törətməkdə təqsirli bilinməlidir. Eyni zamanda, Şəxs barəsində inzibati tənbeh tətbiq edərkən, məhkəmə onun ilk dəfə inzibati xəta törətməsini məsuliyyətini yüngülləşdirici hallar kimi, sərxoş halda inzibati xətanı törətməsini onun məsuliyyətini ağırlaşdıran hal kimi qiymətləndirib, inzibati xətanın xarakteri, inzibati xəta törədən şəxsin şəxsiyyətini xarakterizə edən halları, onun təqsirinin dərəcəsini nəzərə alıb, barəsində təqsirləndirildiyi maddənin sanksiyasında nəzərdə tutulan inzibati həbs tənbeh növünun tətbiq edilməsini məqsədəmüvafiq hesab edir. Azərbaycan Respublikası İnzibati Xətalar Məcəlləsinin 31.4-cü maddəsinə əsasən Bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Qeyd olunanları və Azərbaycan Respublikası İnzibati Xətalar Məcəlləsinin 40, 43, 48-51, 109-115, 128-130-cu maddələrini rəhbər tutub, QƏRARA ALDİM: Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə təqsirli bilinsin və həmin Məcəllənin 34.3-cü maddəsi tətbiq edilməklə Azərbaycan Respublikasının İnzibati Xətalar Məcəlləsinin 535.1-ci maddəsinə əsasən 20 (iyirmi) gün müddətinə inzibati həbs edilsin. Qərar dərhal icra edilsin. Həbs etmənin əvvəli 07 iyul 2024-cü il tarixdən saat 03:00-dan hesablansın. Qərarın icrası Goranboy Rayon Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Goranboy Rayon Məhkəməsi vasitəsi ilə Gəncə Apellyasiya Məhkəməsinə şikayət verilə bilər. Hakim: Toğrul Məmmədov