Goranboy Rayon Məhkəməsi Qərardad — İş №3(045)-713/2023

Azərbaycan Respublikası adından QƏRARDAD Goranboy rayonu İş № 3(045)-713/2023 05.09.2023 GORANBOY RAYON MƏHKƏMƏSİ Hakim Ələkbərov Tural Mehman oğlunun sədrliyi, Namazov Arzu Etibar oğlunun katibliyi, inzibati xəta haqqında protokolu tərtib etmiş şəxs Goranboy rayon İcra və Probasiya Şöbəsinin icra məmuru X2, zərərçəkmiş şəxs Məmmədova (Süleymanova) Bilurə Hafiz qızının, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1981-ci ildə Goranboy rayonunda anadan olmuş, Azərbaycan Respublikasının vətəndaşı, subay, Goranboy rayonunun Qarasüleymanlı kəndində qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin (bundan sonra - İXM) 528.1-ci maddəsində nəzərdə tutulan inzibati xətanı törətməsinə dair Goranboy rayon İcra və Probasiya Şöbəsindən daxil olmuş materiallara açıq məhkəmə iclasında baxaraq, məhkəmə MÜƏYYƏN ETDİ: Goranboy rayon İcra və Probasiya Şöbəsinin icra məmuru X1 Rayon Məhkəməsinin 2(045)-917/2016 nömrəli, xx.xx.2016-cı il tarixli icra sənədinin icrası ilə bağlı Şəxs barəsində İXM-in 528.1-ci maddəsi ilə MN seriyalı ******* nömrəli, 05 sentyabr 2023-cü il tarixli inzibati xəta haqqında protokol tərtib edərək baxılması üçün məhkəməyə göndərmişdir. Məhkəmə iclasında icra məmuru X1 rayon İcra və Probasiya Şöbəsinin rəisi Rauf Cəfərov tərəfindən tərtib edilmiş xx.xx.2023-cü il tarixli, 74856 nömrəli məktubu təqdim edərək, inzibati xəta haqqında protokolun baxılmadan geri qaytarılmasını məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan Şəxs çıxış edərək inzibati xəta haqqında protokolun geri qaytarılmasına etiraz etmədiyini bildirdi. Məhkəmə iclasında zərərçəkmiş şəxs Məmmədova (Süleymanova) Bilurə Hafiz qızı çıxış edərək bildirdi ki, Şəxs tərəfindən aliment ödənişi tam şəkildə icra edilmişdir. Onun Şəxs çikayət və tələbi yoxdur. İnzibati xəta haqqında protokolun geri qaytarılmasına etiraz etmir. Məhkəmə, icra məmurunun, barəsində inzibati xəta haqqında iş üzrə icraat aparılan şəxsin, zərərçəkmiş şəxsin çıxışlarını dinləyib, inzibati xəta haqqında protokolu və ona əlavə edilmiş sənədləri nəzərdən keçirib hesab edir ki, inzibati xəta haqqında protokol onu tərtib etmiş vəzifəli şəxsə geri qaytarılmalıdır. Belə ki, iş materiallarında olan Goranboy rayon İcra və Probasiya Şöbəsinin xx.xx.2023-cü il tarixli, 74856 nömrəli məktubundan görünür ki, Şəxs barəsində inzibati xəta haqqında protokolun baxılmadan geri qaytarılması xahiş olunmuşdur. Məhkəmə hesab edir ki, müvafiq vəzifəli şəxs tərəfindən protokolun geri qaytarılması xahiş olunduğundan, inzibati xəta haqqında protokol və ona əlavə olunmuş sənədlər onu tərtib etmiş vəzifəli şəxsə geri qaytarılmalıdır. Qeyd edilənlərə əsasən və İXM-in 43, 114 və 115-ci maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə tənbeh tədbirinin tətbiq edilməsinə dair inzibati xəta haqqında protokol və ona əlavə olunmuş sənədlər Goranboy rayon İcra və Probasiya Şöbəsinə geri qaytarılsın. Hakim Tural Ələkbərov