Goranboy Rayon Məhkəməsi Qərar — İş №3(045)-721/2023

Azərbaycan Respublikası adından QƏRAR Goranboy rayonu İş № 3(045)-721/2023 08.09.2023 GORANBOY RAYON MƏHKƏMƏSİ Hakim Mustafayev Taleh Məhəmmədəli oğlunun sədrliyi, Namazov Arzu Etibar oğlunun katibliyi, Goranboy Rayon İcra və Probasiya Şöbəsinin icra məmuru X4, Tələbkar Zərərçəkmiş şəxs4, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1983-cü ildə Goranboy, Səfikürd kəndində anadan olmuş, Azərbaycan Respublikasının vətəndaşı, subay, orta təhsilli, Goranboy rayonu, Səfikürd kəndində qeydiyyatda olmaqla həmin ünvanda yaşayan Şəxs Azərbaycan Respublikası İnzibati Xətalar Məcəlləsinin (bundan sonra - İXM) 528.1-ci maddəsində nəzərdə tutulan inzibati xətanı törətməsinə dair Goranboy Rayon İcra və Probasiya Şöbəsindən daxil olmuş materiallara məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Goranboy rayon İcra və Probasiya şöbəsinin icra məmuru X1 Rayon Məhkəməsinin 2(045)-1252/2018 saylı, xx.xx.2018-ci il tarixli, Goranboy Rayon Məhkəməsinin 2(045)- 89/2021 saylı, xx.xx.2021-ci il tarixli, Goranboy Rayon Məhkəməsinin 2(045)-819/2021 saylı, xx.xx.2021-ci il tarixli, Goranboy Rayon Məhkəməsinin 2(045)-333/2023 saylı, xx.xx.2023-cü il tarixli icra sənədlərinin icrası ilə bağlı borclu Şəxs barəsində İXM-in 528.1ci maddəsi ilə inzibati xəta haqqında protokol tərtib edərək baxılması üçün məhkəməyə göndərmişdir. MN seriyalı ******* nömrəli, xx.xx.2023-cü il tarixli inzibati xəta haqqında protokolda qeyd edilir ki, borclu Abışov X6 Rayon Məhkəməsinin 2(045)-1252/2018 saylı, xx.xx.2018ci il tarixli, Goranboy Rayon Məhkəməsinin 2(045)-89/2021 saylı, xx.xx.2021-ci il tarixli, Goranboy Rayon Məhkəməsinin 2(045)-819/2021 saylı, xx.xx.2021-ci il tarixli, Goranboy Rayon Məhkəməsinin 2(045)-333/2023 saylı, xx.xx.2023-cü il tarixli icra sənədlərində təyin olunan məbləği qərəzli olaraq ödəməkdən yayınmışdır. Nəticədə Şəxs xx.xx.2023-cü il tarixdə İXM-in 528.1-ci maddəsində nəzərdə tutulan inzibati xətanı törətmişdir. Məhkəmə iclasında inzibati xəta haqqında protokolu tərtib etmiş Goranboy Rayon İcra və Probasiya Şöbəsinin icra məmuru X7 izahatında göstərdi ki, Goranboy Rayon Məhkəməsinin 2(045)-1252/2018 saylı, xx.xx.2018-ci il tarixli icra sənədinə əsasən cavabdeh Şəxs və X3 müştərək qaydada 1923.35 AZN borc və 20 AZN dövlət rüsumu pul alınaraq iddiaçı "xxxx" MMC-nin xeyrinə ödənilməsi qərara alınmışdır. Goranboy Rayon Məhkəməsinin 2(045)-89/2021 saylı, xx.xx.2021-ci il tarixli icra sənədinə əsasən cavabdeh Şəxs və X2 müştərək qaydada 2061.16 manat məbləğində borc və 30 manat dövlət rüsumu pul alınaraq iddiaçı "xxxx" MMC-min xeyrinə ödənilməsi qərara alınmışdır. Goranboy Rayon Məhkəməsinin 2(045)-819/2021 saylı, xx.xx.2021-ci il tarixli icra sənədinə əsasən cavabdeh Şəxs 263 manat borc alınaraq "xxxx" MMC-nin xeyrinə ödənilməsi qərara alınmışdır. Goranboy Rayon Məhkəməsinin 2(045)-333/2022 saylı, xx.xx.2023-cü il tarixli icra sənədinə əsasən Şəxs 1570 manat borc pul alınaraq iddiaçı Zərərçəkmiş şəxs4 verilməsi qərara alınmışdır. Borclu Şəxs icra sənədində göstərilən borcunun ödənilməsi üçün bildiriş verilmiş və borcu ödəməyi tələb edilmişdir. Lakin, borclu məhkəmə qətnaməsində göstərilən borcunu ödəməydiyi üçün Şəxs xəbərdarlıq edilməsinə baxmayaraq O, yenə də borcunu ödəməmişdir. Bugünkü tarixdə borclu Şəxs şöbəyə axtarış nəticəsində təhvil verilmiş və iş üzrə izahatı alınmışdır. O, bildirmişdir ki, məhkəmə qərarları üzrə olan borcundan qismən ödənişlər etmiş, lakin hal-hazırda heç bir ödəniş edə bilmir. Yekunda icra məmuru borclu Şəxs İXM-in 528.1-ci maddəsi ilə inzibati məsuliyyətə cəlb olunmasını məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü İXM-in 528.1-ci maddəsi ilə təqsirli bilməyərək izahatında göstərdi ki, protokolda qeyd edilən məhkəmə qərarlarından xəbərdardır. İcra məmuru tərəfindən tələbin könüllü icrası haqqında göndərilmiş bildirişi poçt vasitəsi ilə almışdır. İcra sənədlərində göstərilən məbləğdən hal-hazırda heç bir ödəniş edə bilmir. Onun arvadı xəstədir və hər ay müalicəsinə 500 manat məbləğində pul xərcləyir. Hazırda ailəsi ilə birlikdə Goranboy rayonu, Şəfəq kəndində kirayədə qalır. Qeyd edilənləri nəzərə alaraq iş üzrə icraata xitam verilməsini və borcun ödənilməsi üçün vaxt verilməsini məhkəmədən xahiş etdi. Məhkəmə iclasında tələbkar Zərərçəkmiş şəxs4 izahatında göstərdi ki, Goranboy Rayon Məhkəməsinin 2(045)-333/2023 saylı, xx.xx.2023-cü il tarixli icra sənədinə əsasən Şəxs 1570 manat borc pul alınaraq ona verilməsi qərara alınmışdır. Borclu bugünə kimi borcundan cəmi 100 manat pul ödəmişdir. Şəxs həmin pulu ondan heyvandarıqla məşğul olmaqla əldə olunmuş qazancı yarı bölmək adı ilə almışdır. Lakin, borclu onu aldatmışdır. O, dəfələrlə onun yaşadığı Goranboy rayonu, Səfikürd kəndinə borcunun ödənilməsi üçün getmiş, lakin heç bir nəticə olmamışdır. Borclu Şəxs həyat yoldaşı Goranboy rayonu, Şəfəq kənd orta məktəbində müəllimə vəzifəsində işləyir və o, bildiyinə görə onlar ayrılmışlar, hazırda borclu Səfikürd kəndində, arvadı isə Şəfəq kəndində yaşayır, yəni ki, Şəxs yalan danışır, arvadı nə xəstədir, nə də ki, onun arvadı ilə əlaqəsi yoxdur. Odur ki, barəsində inzibati xəta haqqında iş üzrə icraat aparılan şəxs Şəxs ağır cəza verilməsini məhkəmədən xahiş etdi. İş materiallarında olan və məhkəmə iclasında tədqiq edilmiş: Goranboy Rayon Məhkəməsinin 2(045)-1252/2018 saylı, xx.xx.2018-ci il tarixli icra sənədinə əsasən cavabdeh Şəxs və X3 müştərək qaydada 1923.35 AZN borc və 20 AZN dövlət rüsumu pul alınaraq iddiaçı "xxxx" MMC-nin xeyrinə ödənilməsi qət edilmişdir; Goranboy Rayon Məhkəməsinin 2(045)-89/2021 saylı, xx.xx.2021-ci il tarixli icra sənədinə əsasən cavabdeh Şəxs və X2 müştərək qaydada 2061.16 manat məbləğində borc və 30 manat dövlət rüsumu pul alınaraq iddiaçı "xxxx" MMC-min xeyrinə ödənilməsi qət edilmişdir; Goranboy Rayon Məhkəməsinin 2(045)-819/2021 saylı, xx.xx.2021-ci il tarixli icra sənədinə əsasən cavabdeh Şəxs 263 manat borc alınaraq "xxxx" MMC-nin xeyrinə ödənilməsi qət edilmiçdir; Goranboy Rayon Məhkəməsinin 2(045)-333/2023 saylı, xx.xx.2023-cü il tarixli icra sənədinə əsasən Şəxs 1570 manat borc pul alınaraq iddiaçı Zərərçəkmiş şəxs4 verilməsi qət edilmişdir; Goranboy Rayon İcra və Probasiya Şöbəsinin xx.xx.2018-ci il tarixli tarixli “İcraata başlamaq haqqında” qərarının və həmin tarixli tələbin könüllü icrası haqqında 94009/2018 nömrəli bildirişinin surətindən görünür ki, borclu Abışov X6 Rayon Məhkəməsinin 2(045)- 1252/2018 saylı, xx.xx.2018-ci il tarixli icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir; Goranboy Rayon İcra və Probasiya Şöbəsinin xx.xx.2021-ci il tarixli tarixli “İcraata başlamaq haqqında” qərarının və həmin tarixli tələbin könüllü icrası haqqında 165767/2021 nömrəli bildirişinin surətindən görünür ki, borclu Abışov X6 Rayon Məhkəməsinin 2(045)-819/2021 saylı, xx.xx.2021-ci il tarixli icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir; Goranboy Rayon İcra və Probasiya Şöbəsinin xx.xx.2021-ci il tarixli tarixli “İcraata başlamaq haqqında” qərarının və həmin tarixli tələbin könüllü icrası haqqında 102710/2021 nömrəli bildirişinin surətindən görünür ki, borclu Abışov X6 Rayon Məhkəməsinin 2(045)-89/2021 saylı, xx.xx.2021-ci il tarxli icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir; Goranboy Rayon İcra və Probasiya Şöbəsinin xx.xx.2023-cü il tarixli tarixli “İcraata başlamaq haqqında” qərarının və həmin tarixli tələbin könüllü icrası haqqında R.Q. 105999/2023 nömrəli bildirişinin surətindən görünür ki, borclu Abışov X6 Rayon Məhkəməsinin 2(045)-333/2023 saylı, xx.xx.2023-cü il tarixli icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir; Goranboy rayon İcra və Probasiya şöbəsinin xx.xx.2023-cü il tarixli “İcra sənədlərinin bir icraata birləşdirilməsi haqqında” qərardan görünür ki, Goranboy Rayon Məhkəməsinin 2(045)-1252/2018 saylı, xx.xx.2018-ci il tarixli, Goranboy Rayon Məhkəməsinin 2(045)- 89/2021 saylı, xx.xx.2021-ci il tarixli, Goranboy Rayon Məhkəməsinin 2(045)-819/2021 saylı, xx.xx.2021-ci il tarixli, Goranboy Rayon Məhkəməsinin 2(045)-333/2023 saylı, xx.xx.2023-cü il tarixli icra sənədlərinin icraatı ümumi icraata birləşdirilmişdir; Goranboy Rayon İcra və Probasiya Şöbəsinin “Borclunun axtarılması haqqında” xx.xx.2023-cü il tarixli qərarından görünür ki, Şəxs barəsində axtarış elan edilmişdir; “İcra haqqında” Azərbaycan Respublikası Qanununun: 3-cü maddəsinə əsasən məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar; 28.2 və 29.2-ci maddələrinə müvafiq olaraq icraatda tərəflər tələbkar və borcludur. İcra hərəkətlərinin həyata keçirilməsi zamanı tərəflər icra haqqında Azərbaycan Respublikası qanunvericiliyinin tələblərini yerinə yetirməyə borcludurlar; 84.1-ci maddəsinə əsasən icra məmurunun qanuni tələblərinin yerinə yetirilməməsinə görə, icra sənədinin itirilməsinə və ya onun vaxtında göndərilməməsinə görə, habelə borclunun iş yeri və ya yaşayış yeri, onun gəlirləri və əmlak vəziyyəti haqqında dəqiq olmayan məlumat təqdim edilməsinə görə icra məmuru təqsirkar şəxslərin inzibati məsuliyyətə cəlb olunması üçün qanunvericiliyə uyğun olaraq inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir (vergilər, faizlər və maliyyə sanksiyaları üzrə borcların alınması (vergilərin ödənilməməsi) ilə əlaqədar qanuni qüvvəyə minmiş məhkəmə qərarlarının icrasına maneçilik törətmə halları istisna olmaqla). İnzibati material üzrə araşdırılan sübutlarla müəyyən olunmuşdur ki, Şəxs dəfələrlə xəbərdarlıq edilməsinə baxmayaraq, qərəzli olaraq icra sənədini icra etməmişdir. İnzibati material üzrə araşdırılan sübutların məcmusunu hərtərəfli, tam və obyektiv qiymətləndirərək məhkəmə hesab edir ki, Şəxs məhkəmə qərarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi tələbkarın izahatı və məhkəmə iclasında araşdırılan digər sübutlarla öz təsdiqini tapmışdır. Şəxs özünü təqsirli bilməməsini məhkəmə onun özünü müdafiə cəhdi və məsuliyyətdən yayınma kimi qiymətləndirir. Belə ki, İXM-in 528.1-ci maddəsinin dizpozisiyasından məlum olur ki, həmin maddədə nəzərdə tutulan inzibati xəta tərkibinin yaranması üçün borclu icra məmurunun qanuni tələblərini yerinə yetirməməli və ya icra sənədini üzrsüz səbəbdən icra etməməlidir. Məhkəmə araşdırması zamanı müəyyən edilir ki, borclu Şəxs icra sənədlərini üzrsüz səbəbdən icra etmir. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs əməlində inzibati xətaya görə məsuliyyəti yüngülləşdirən və ağırlaşdıran hallar müəyyən olunmadı. İXM-in: 3-cü maddəsinə əsasən yalnız İXM-lə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 4-cü maddəsinə əsasən İXM insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 6.1-ci maddəsinə əsasən inzibati xətalara görə inzibati tənbeh həmin İXM-ə uyğun olaraq tətbiq edilir; 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır; 12.1-ci maddəsinə əsasən İXM-lə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır; 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Azərbaycan Respublikası Konstitusiyasının 129-cu maddəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. Məhkəmə, işin faktiki hallarını, o cümlədən barəsində inzibati xəta haqqında iş üzrə icraat aparılan Şəxs şəxsiyyətini, məsuliyyəti yüngülləşdirən və məsuliyyəti ağırlaşdıran halların olmamasını, tələbkarın mənafeyini nəzərə alaraq hesab edir ki, Şəxs İXM-in 528.1-ci maddəsində nəzərdə tutulan inzibati xətanı törətməkdə təqsirli bilinməli və ona həmin maddənin sanksiyasında nəzərdə tutulmuş inzibati həbs növündə tənbeh tədbiri tətbiq edilməlidir. Məhkəmə qeyd edir ki, inzibati həbs növündə tənbeh tədbiri inzibati tənbehin məqsədlərinə, yəni Şəxs qanunlara əməl edilməsi ruhunda tərbiyələndirməyə, habelə onun tərəfindən yeni inzibati xəta törədilməsinin qarşısını almağa uyğundur. Qeyd olunanlara əsasən və İXM-in 40.0.1, 43, 114-115, 128-130 maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətməkdə təqsirli bilinsin və barəsində 10 (on) gün müddətinə inzibati həbs növündə tənbeh tədbiri tətbiq edilsin. Həbsetmənin əvvəli 08 sentyabr 2023-cü il tarixdən, saat 16:00-dan hesablansın. Qərarın icrası Goranboy Rayon Polis şöbəsinin MSY-yə həvalə edilsin. Qərarın surəti rəsmi qaydada verildiyi vaxtdan 10 (on) gün müddətində Goranboy Rayon Məhkəməsi vasitəsilə və ya bilavasitə Gəncə Apellyasiya Məhkəməsinə şikayət verilə bilər. Hakim Taleh Mustafayev