Goranboy Rayon Məhkəməsi Qərar — İş №3(045)-964/2025

Azərbaycan Respublikası adından QƏRAR Goranboy rayonu İş № 3(045)-964/2025 24.06.2025 GORANBOY RAYON MƏHKƏMƏSİ (inzibati xəta haqqında iş üzrə) X11 Samir oğlunun sədrliyi, Zeynalzadə Aysel İlham qızının katibliyi, inzibati xəta haqqında protokolu tərtib etmiş şəxs Goranboy RPŞ-nin İTB-nin polis sahə rəisi X2, barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1993-cü ildə Goranboy rayonu Muzdurlar kəndində anadan olmuş, Azərbaycan Respublikasının vətəndaşı, subay, Goranboy rayonu Muzdurlar kəndində qeydiyyatda olan və həmin ünvanda yaşayan Şəxs Azərbaycan Respublikasının İnzibati Xətalar Məcəlləsinin (bundan sonra - İXM) 510 və 535.1-ci maddələrində nəzərdə tutulan inzibati xətaları törətməsinə dair Azərbaycan Respublikasının Daxili İşlər Nazirliyinin Goranboy Rayon Polis Şöbəsindən daxil olmuş materiallara məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Goranboy Rayon Polis Şöbəsinin İTB-nin polis sahə rəisi X6 tərəfindən Şəxs barəsində İXM-in 510 və 535.1-ci maddələri ilə nəzərdə tutulmuş inzibati xətaları törətməsinə dair 24 iyun 2025-ci il tarixli inzibati xəta haqqında protokol tərtib edilərək baxılması üçün məhkəməyə göndərilmişdir. 24 iyun 2025-ci il tarixli, MN seriyalı ******* nömrəli inzibati xəta haqqında protokolda göstərilir ki, Şəxs 15 iyun 2025-ci il tarixdə, Goranboy rayonu Muzdurlar kəndi ərazisində DYPB-nin əməkdaşlarının qanuni tələbinə tabe olmayaraq ünvanlı-ünvansız nalayiq ifadələr işlətmiş və hadisə yerindən uzaqlaşmışdır. Məhkəmə iclasında inzibati xəta haqqında protokolu tərtib etmiş şəxs Goranboy RPŞ-nin İTB-nin polis sahə rəisi X6 inzibati xəta haqqında protokolun məzmununa uyğun çıxış edərək bildirdi ki, xx.xx.2025-ci il tarixdə RPŞ-nin DYPB-nin YPX inspektorları X3, X5 və RPŞ-nin DYPB-nin YNH-nin baş inspektoru Anar Qasımov “KİA” markalı **-YP-*** dövlət qeydiyyat nişanlı xidməti patrul avtomaşını ilə Goranboy rayonu Hazırəhmədli kəndində yol nəqliyyat hadisəsinin baş verməsi barədə daxil olmuş məlumat əsasında həmin yerə gedən zaman Goranboy rayonu Muzdurlar kəndində saat təxminən 22:15 radələrində “Mercedes-Benz” markalı **-NC-*** dövlət qeydiyyat nişanlı avtomaşının işıq cihazlarından istifadə qaydasını pozduğu üçün YPX inspektorları tərəfindən həmin avtomaşına saxla işarəsi verildi. Sürücü avtomaşını saxladıqdan sonra YPX inspektorları həmin sürücüyə yaxınlaşıb özlərini ona təqdim edərək pozduğu yol hərəkət qaydasını ona izah etdilər və bort komputer vasitəsi ilə yoxlayan zaman sürücünün Goranboy rayonu Muzdurlar kənd sakini Şəxs olduğu və avtomaşını etibarnaməsiz idarə edərək həmin avtomaşının üzərində iki aydan artıq ödənilməyən cərimələrin olduğu aşkar edilmişdir. Sürücü ilə ünsiyyət zamanı sürücüdən kəskin şəkildə sipirtli içkinin iyi gəldiyi üçün həmin şəxsi alkotesterdən keçməyə dəvət etsələr də, sürücü Şəxs alkotesterdən keçməkdən imtina etmiş və əhalinin sıx yaşadığı yerdə uca səslə nalayiq ifadələr işlədərək tabesizlik göstərib yüksək sürətlə sürüb getmişdir. Daha sonra YPX-nin inspektorları avtomaşına yenidən saxla işarəsi versələr də həmin şəxs saxla işarəsinə qəsədən tabe olmayıb yüksək sürətlə tozu-dumana qataraq sürüb getmişdir. Bundan sonra xx.xx.2025-ci il tarixdə saat təxminən 16:00 radələrində Şəxs RPŞ-nin DYPB-nin YNH-nin baş inspektoru Anar Qasımovun istifadəsində olan mobil telefonuna zəng edərək onun ünvanına nalayiq ifadələr işlətmişdir. Bununla da Şəxs hərəkətlərində İXM-in 510 və 535.1-ci maddələrinin tərkibi olduğu üçün tərəfindən onun barəsində həmin maddələr ilə nəzərdə tutulmuş inzibati xətaları törətməsinə dair protokol tərtib edilmişdir. Göstərilənləri nəzərə alaraq Şəxs barəsində inzibati tənbeh tədbirinin tətbiq edilməsini məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü İXM-in 510 və 535.1-ci maddələri ilə təqsirli bilərək izahatında göstərdi ki, xx.xx.2025-ci il tarixdə Goranboy rayonu Muzdurlar kəndi ərazisində idarə etdiyi “Mercedes-Benz” markalı **-NC-*** dövlət qeydiyyat nişanlı avtomobillə hərəkətdə olan zaman YPX-nin inspektorları tərəfindən saxlanılmışdır. Həmin vaxt YPX-nin inspektoru ona yaxınlaşaraq özünü təqdim etmiş və işıq cihazlarından istifadə qaydalarını pozduğunu bildirmişdir. Daha sonra YPX-nin inspektoru ona spirtli içki qəbul edib-etmədiyini soruşmuş və onu alkotesterdən keçməyə dəvət etmişdir. O, isə alkotesterdən keçməkdən imtina etmiş və əsəbləşərək uca səslə nalayiq ifadələr işlətməyə başlamışdır. Polis əməkdaşları onu nizam-intizama dəvət etmələrinə baxmayaraq o, əsəbi olduğu üçün öz qanunsuz hərəkətlərinə davam etmiş və avtomobilə əyləşərək hadisə yerindən qaçmışdır. Bundan sonra, yəni xx.xx.2025-ci il tarixdə Anar Qasımova zəng edərək onun ünvanına nalayiq ifadələr işlətmişdir. Əməlindən çox peşmandır. Göstərilənləri nəzərə alaraq barəsində yüngül inzibati tənbeh verilməsini məhkəmədən xahiş etdi. Məhkəmə iclasında şahid qismində dindirilmiş Goranboy RPŞ-nin DYPB-nin YNHnin baş inspektoru X4 bildirdi ki, xx.xx.2025-ci il tarixdə RPŞ-nin DYPB-nin YPX inspektorları, polis baş serjantı X3 və polis baş serjantı X5 ilə birlikdə “KİA” markalı **-YP- *** dövlət qeydiyyat nişanlı xidməti patrul avtomaşını ilə Goranboy rayonu Hazırəhmədli kəndində yol nəqliyyat hadisəsinin baş verməsi barədə daxil olmuş məlumat əsasında həmin yerə gedən zaman Goranboy rayonu Muzdurlar kəndində saat təxminən 22:15 radələrində “Mercedes-Benz” markalı **-NC-*** dövlət qeydiyyat nişanlı avtomaşının işıq cihazlarından istifadə qaydasını pozduğu üçün YPX-nin inspektorları tərəfindən həmin avtomaşına saxla işarəsi verildi. Sürücü avtomaşını saxladıqdan sonra YPX-nin inspektorları həmin sürücüyə yaxınlaşıb özlərini ona təqdim edərək pozduğu yol hərəkət qaydasını ona izah etdilər və bort komputer vasitəsi ilə yoxlayan zaman sürücünün Goranboy rayonu Muzdurlar kənd sakini Şəxs olduğu və avtomaşını etibarnaməsiz idarə edərək həmin avtomaşının üzərində iki aydan artıq ödənilməyən cərimələrin olduğu aşkar edilmişdir. Sürücü ilə ünsiyyət zamanı sürücüdən kəskin şəkildə sipirtli içkinin iyi gəldiyi üçün həmin şəxsi alkotesterdən keçməyə dəvət etmişlər, lakin sürücü Şəxs alkotesterdən keçməkdən imtina edib əhalinin sıx yaşadığı yerdə uca səslə nalayiq ifadələr işlədərək tabesizlik göstərib yüksək sürətlə sürüb getdmişdir. YPX-nin inspektorları avtomaşına yenidən saxla işarəsi versələr də həmin şəxs saxla işarəsinə qəsədən tabe olmayıb yüksək sürətlə tozu-dumana qataraq hərəkətinə davam etmişdir. Məhkəmə iclasında şahid qismində dindirilmiş Goranboy RPŞ-nin DYPB-nin YPXnin inspektoru X5 iş üzrə digər şahid X1 izahatına oxşar məzmunlu izahat verərək sonuncunun dediklərini təsdiq etdilər. İş materiallarında olan və məhkəmə iclasında tədqiq edilmiş: Goranboy RPŞ-nin DYPB-nin YNH-nin baş inspektoru Anar Qasımov tərəfindən rəhbərliyə ünvanlanmış xx.xx.2025-ci il tarixli raportdan görünür ki, xx.xx.2025-ci il tarixdə RPŞ-nin DYPB-nin YPX inspektorları, polis baş serjantı X3 və polis baş serjantı X5 ilə birlikdə “KİA” markalı ** YP *** dövlət qeydiyyat nişanlı xidməti patrul avtomaşını ilə Goranboy rayonu Hazırəhmədli kəndində yol nəqliyyat hadisəsinin baş verməsi barədə daxil olmuş məlumat əsasında həmin yerə gedən zaman Goranboy rayonu Muzdurlar kəndində saat təxminən 22:15 radələrində “Mercedes-Benz” markalı **-NC-*** dövlət qeydiyyat nişanlı avtomaşının işıq cihazlarından istifadə qaydasını pozduğu üçün YPX-nin inspektorları tərəfindən həmin avtomaşına saxla işarəsi verildi. Sürücü avtomaşını saxladıqdan sonra YPX inspektorları həmin sürücüyə yaxınlaşıb özlərini ona təqdim edərək pozduğu yol hərəkət qaydasını ona izah etdi və bort komputer vasitəsi ilə yoxlayan zaman sürücünün Goranboy rayonu Muzdurlar kənd sakini Şəxs olduğu və avtomaşını etibarnaməsiz idarə edərək həmin avtomaşının üzərində iki aydan artıq ödənilməyən cərimələrin olduğu aşkar edildi. Sürücü ilə ünsiyyət zamanı sürücüdən kəskin şəkildə sipirtli içkinin iyi gəldiyi üçün həmin şəxsi alkotesterdən keçməyə dəvət etsələr də, sürücü Şəxs alkotesterdən keçməkdən imtina edib əhalinin sıx yaşadığı yerdə uca səslə nalayiq ifadələr işlədərək tabesizlik göstərib yüksək sürətlə sürüb getdi. YPX-nin inspektorları avtomaşına yenidən saxla işarəsi versələr də həmin şəxs saxla işarəsinə qəsədən tabe olmayıb yüksək sürətlə tozu-dumana qataraq sürüb getmişdir. Odur ki, Şəxs barəsində tədbir görülməsi üçün aidiyyəti üzrə göstəriş verilməsini xahiş etmişdir; Goranboy RPŞ-nin DYPB-nin YNH-nin baş inspektoru Anar Qasımov tərəfindən rəhbərliyə ünvanlanmış xx.xx.2025-ci il tarixli raportdan görünür ki, xx.xx.2025-ci il tarixdə saat təxminən 16:00 radələrində istifadəsində olan +994 55 *** ** ** nömrəli mobil telefonuna +994 *** ** ** nömrəli mobil telefondan zəng gəlmiş və ona zəng vuran şəxs özünü Goranboy rayonu Muzdurlar kənd sakini olan Şəxs olduğunu bildirərək mobil telefonda onun ünvanına nalayiq ifadələr işlətmişdir. Odur ki, Şəxs barəsində tədbir görülməsi üçün aidiyyəti üzrə göstəriş verilməsini xahiş etmişdir; Gəncə şəhər Məhkəməsinin 3(125)-647/2025 nömrəli, xx.xx.2025-ci il tarixli qərardan görünür ki, Şəxs Azərbaycan Respublikası İnzibati Xətalar Məcəlləsinin 206, 510, 535.1-ci maddələri ilə nəzərdə tutulmuş inzibati xətanın törədilməsində təqsirli bilinərək daha ciddi xətaya görə müəyyən edilmiş sanksiya çərçivəsində (İXM 206-ci maddəsi) 15 gün (on beş) müddətində inzibati qaydada həbs edilmişdir. Məhkəmə, iş üzrə toplanmış sübutlara və onların məcmusuna tam, hərtərəfli və obyektiv baxılmasına əsaslanmaqla belə nəticəyə gəlir ki, Şəxs İXM-in 510 və 535.1-ci maddələrində nəzərdə tutulmuş inzibati xətaları törətməsi, özünün etirafedici izahatından başqa, inzibati xəta haqqında protokol, şahidlərin izahatı, digər sübutlarla tam sübuta yetirilmiş və onun əməli düzgün olaraq İXM-in 510 və 535.1-ci maddələri ilə tövsif edilmişdir. Onun hərəkətlərinə münasibətdə əməlin inzibati xəta olmasını aradan qaldıran hallar yoxdur, həmçinin Şəxs inzibati məsuliyyətdən azad edilməsi üçün əsaslar müəyyən edilməmişdir. Odur ki, təqsiri tam sübuta yetirildiyinə görə Şəxs inzibati məsuliyyətə cəlb edilməli və tənbeh edilməlidir. İXM-in: 12-ci maddəsinə əsasən İXM-lə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır; 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. İXM-in 510-cu maddəsinin dispozisiyasından göründüyü kimi xırda xuliqanlıq, yəni ictimai qaydanı pozan hərəkətlər fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilmədikdə həmin maddədə nəzərdə tutulan məsuliyyətə səbəb olur. Azərbaycan Respublikası Ali Məhkəməsi Plenumunun “Xuliqanlıq işləri üzrə məhkəmə təcrübəsi haqqında” xx.xx.2004-cü il tarixli 1 saylı Qərarının 2-3-cü bəndlərində göstərilir ki, Azərbaycan Respublikası Cinayət Məcəlləsinin xuliqanlığa görə məsuliyyət müəyyən edən 221-ci maddəsinin mətnində nəzərdə tutulan mənada ictimai qayda dedikdə, cəmiyyətdə insanlar arasında təşəkkül tapmış, adət və ənənələrlə, əxlaq normaları ilə, habelə qüvvədə olan qanunvericiliklə müəyyən edilən qarşılıqlı davranış və birgəyaşayış qaydalarının sistemi başa düşülür. İctimai qaydanı kobud surətdə pozan hərəkətlər dedikdə, ictimai və ya şəxsi mənafelərə əhəmiyyətli zərər vuran və ya cəmiyyətdə insanlar arasında bərqərar olmuş birgəyaşayış və davranış qaydalarının qərəzli surətdə pozulmasında ifadə olunan hərəkətlər başa düşülür. Cəmiyyətə açıqca hörmətsizlik etmə dedikdə isə, təqsirkarın ətrafdakı şəxslər üçün aşkar surətdə ictimai qaydaya əhəmiyyətli dərəcədə laqeydlik, etinasızlıq göstərməsi, cəmiyyətdə hamı tərəfindən qəbul olunmuş davranış qaydaları, əxlaq və mənəviyyat normalarına qarşı saymamazlıq, bir çox insanın və ya cəmiyyətin hər hansı bir üzvünün mənafelərinə toxunan hərəkətlər etməsi başa düşülür. Azərbaycan Respublikası Konstitusiya Məhkəməsi Plenumunun “Azərbaycan Respublikası Cinayət Məcəlləsinin 221.3-cü maddəsinin şərh edilməsinə dair” 20 may 2011-ci il tarixli qərarında qeyd edilir ki, xuliqanlıq obyektiv cəhətdən Azərbaycan Respublikası Cinayət Məcəlləsinin 221-ci maddəsinin dispozisiyasında sadalanan müxtəlif hərəkətlərdə ifadə olunsa da, onların hamısı üç əsas əlamətə malik olmalıdır. Birincisi, bu hərəkətlər ictimai qaydanı kobud surətdə pozmalıdır; ikincisi, belə pozuntu cəmiyyətə açıqca hörmətsizlik ifadə etməlidir; üçüncüsü isə vətəndaşlar üzərində zor tətbiq olunması ilə və ya belə zorun tətbiq edilməsi hədəsi ilə, habelə özgənin əmlakının məhv edilməsi, yaxud zədələnməsi ilə müşayiət edilməlidir. Qeyd olunmalıdır ki, cəmiyyətə açıqca hörmətsizlikdə ifadə olunan ictimai qaydanın kobud surətdə pozulması öz-özlüyündə inzibati hüquqpozmadır və İXM-in 296-cı maddəsi ilə nəzərdə tutulmuş inzibati məsuliyyətə səbəb olur. Məhkəmə hesab edir ki, barəsində inzibati xəta haqqında iş üzrə icraat aparılan Şəxs 15 iyun 2025-ci tarixdə Goranboy rayonu Muzdurlar kəndi ərazisində uca səslə kobud ifadələr işlədərək, yəni ictimai yerdə ətrafdakı şəxslər üçün aşkar surətdə ictimai qaydaya əhəmiyyətli dərəcədə laqeydlik, etinasızlıq göstərmiş, bununla da cəmiyyətdə hamı tərəfindən qəbul olunmuş davranış qaydalarına, əxlaq və mənəviyyat normalarına qarşı saymamazlıq nümayiş etdirmiş, cəmiyyətə açıqca hörmətsizlikdə ifadə olunan ictimai qaydanı kobud surətdə pozan hərəkətlərə yol verməklə İXM-in 510-cu maddəsində nəzərdə tutulan inzibati xətanı törətmişdir. İXM-in 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmama həmin maddədə nəzərdə tutulmuş inzibati məsuliyyətə səbəb olur və fiziki şəxslər iki yüz manat miqdarında cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Qeyd edilən maddənin dispozisiyasından göründüyü kimi, polis işçisi və ya hərbi qulluqçu ictimai qaydanın mühafizəsi ilə bağlı vəzifələrini icra edərkən, ictimai qaydanı pozan şəxs tərəfindən onların qanuni tələblərinə qəsdən tabe olmama İXM-in 535.1-ci maddəsində nəzərdə tutulan məsuliyyətə səbəb olur. Hazırkı halda Şəxs hərəkətlərində də həmin halların mövcud olması məhkəmə iclasında öz təsdiqini tapmışdır. Belə ki, tərtib edilmiş inzibati xəta haqqında protokol və məhkəmə iclasında araşdırılan sübutlarla müəyyən edildi ki, Şəxs 15 iyun 2025-ci tarixdə ictimai qaydanın mühafizə vəzifələrini icra edən polis əməkdaşlarının qanuni tələbinə tabe olmamışdır. İXM-in 31.2-ci maddəsinə əsasən fiziki şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə, barəsində inzibati xəta haqqında iş üzrə icraat aparılan Şəxs törətdiyi əməli etiraf etməsini və əməlindən peşman olmasını onun məsuliyyətini yüngülləşdirən hallar kimi müəyyən edir. Məhkəmə, barəsində inzibati xəta haqqında iş üzrə icraat aparılan Şəxs eyni xətanı inzibati tənbeh vermə haqqında qərar qüvvəyə mindiyi gündən bir il ərzində təkrar törətməsini məsuliyyətini ağırlaşdıran hal kimi müəyyən edir. İXM-in: 4-cü maddəsinə əsasən İXM insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır; 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Məhkəmə, Şəxs barəsində inzibati tənbeh tətbiq edərkən, xətanın xarakterini, onun şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halların olmasını nəzərə alır və hesab edir ki, Şəxs İXM-in 510 və 535.1-ci maddələri ilə nəzərdə tutulan inzibati xətaları törətməkdə təqsirli bilinməli və barəsində İXM-in 34.3-cü maddəsinin tələbi nəzərə alınmaqla, daha ciddi xətaya görə müəyyən edilmiş sanksiya çərçivəsində tənbeh tədbiri, yəni İXM-in 535.1-ci maddəsinin sanksiyasında nəzərdə tutulan inzibati həbs növündə tənbeh tədbiri tətbiq edilməlidir. Məhkəmə qeyd edir ki, inzibati həbs növündə tənbeh tədbiri inzibati tənbehin məqsədlərinə, yəni Şəxs qanunlara əməl edilməsi ruhunda tərbiyələndirməyə, habelə onun tərəfindən yeni inzibati xəta törədilməsinin qarşısını almağa uyğundur. Qeyd olunanlara əsasən və İXM-in 40.0.1, 43, 114-115, 128-130 maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulan inzibati xətaları törətməkdə təqsirli bilinsin və həmin Məcəllənin 34.3-cü maddəsi tətbiq edilməklə, o, Azərbaycan Respublikasının İnzibati Xətalar Məcəlləsinin 535.1-ci maddəsinə əsasən 15 (on beş) gün müddətinə inzibati həbs növündə tənbeh tədbiri tətbiq edilsin. Həbsetmənin əvvəli 24 iyun 2025-ci il tarixdən, saat 18:00-dan hesablansın. Qərarın icrası Goranboy Rayon Polis şöbəsinin MSY-yə həvalə edilsin. Qərarın surəti rəsmi qaydada verildiyi vaxtdan 10 (on) gün müddətində Goranboy Rayon Məhkəməsi vasitəsilə və ya bilavasitə Gəncə Apellyasiya Məhkəməsinə şikayət verilə bilər. X12