Göyçay Rayon Məhkəməsi Qərar — İş №3(046)-1009/2024

Azərbaycan Respublikası adından QƏRAR Göyçay rayonu İş № 3(046)-1009/2024 12.12.2024 GÖYÇAY RAYON MƏHKƏMƏSİ Mən, Göyçay Rayon Məhkəməsinin hakimi X4, xx.xx.1971-cü ildə Göyçay rayonu Alpoud kəndində anadan olmuş, Azərbaycan Respublikasının vətəndaşı, subay, orta təhsilli, fərdi əməklə məşğul olan, Göyçay rayonu Alpoud kəndində qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 528.1-1-ci maddəsinin tələblərinin pozulması ilə əlaqədar Göyçay rayon İcra və Probasiya Şöbəsindən daxil olmuş inzibati xəta haqqında protokola və ona əlavə edilmiş sənədlərə baxaraq, müəyyən etdim: Şəxs Göyçay Rayon Məhkəməsi hakiminin xx.xx.2024-cü il tarixli,3(046)-130/2024 saylı qərarı ilə Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilənərək inzibati tənbeh almasına baxmayaraq həmin qərarın qanuni qüvvəyə mindiyi gündən bir il ərzində xx.xx.1999-cu il təvəllüdlü X1, xx.xx.2000-ci il təvəllüdlü X5 və xx.xx.2002-ci il təvəllüdlü X2 yetkinlik yaşına çatana qədər saxlanması üçün hər ay hər uşaq üçün 100 manat, cəmi 300 manat sabit pul məbləğində aliment tutularaq Zərərçəkmiş şəxs verilməsi barədə Bakı şəhəri Qaradağ Rayon Məhkəməsinin 2(002)- 2396/2013 saylı, 28 dekabr 2013-cü il tarixli icra sənədinin icrası ilə bağlı Göyçay rayon İcra və Probasiya Şöbəsinin icra məmurunun qanuni tələblərini üzrsüz səbəbdən təkrar yerinə yetirməmişdir. İnzibati xəta hadisəsinin olması 12 dekabr 2024-cü il tarixli inzibati xəta haqqında protokolla, barəsində inzibati xəta haqında iş üzrə icraat aparılan şəxsin və inzibati xəta haqqında protokol tərtib etmiş şəxsin izahatları, habelə inzibati xəta haqqında protokola əlavə edilmiş sənədlərlə təsdiq olunur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, Qaradağ Rayon Məhkəməsinin 2(002)-2396/2013 saylı, 28 dekabr 2013-cü il tarixli icra sənədinə görə xx.xx.1999-cu il təvəllüdlü X1, xx.xx.2000-ci ildə X5 və xx.xx.2002-ci il təvəllüdlü X2 yetkinlik yaşına çatana qədər saxlanması üçün hər ay hər uşaq üçün 100 manat, cəmi 300 manat sabit pul məbləğində aliment tutularaq Zərərçəkmiş şəxs verilməlidir. Maddi imkanı olmadığı üçün aliment borcunu ödəyə bilməmişdir.Ailə qurmuşdur,həmin nikahdan uşağı var.Aliment borcunu hissə-hissə ödəyəcəkdir. Məhkəmə iclasında protokolu tərtib etmiş şəxs Göyçay rayon İcra və Probasiya Şöbəsinin icra məmuru X3 izahat verərək bildirdi ki, Qaradağ Rayon Məhkəməsinin 2(002)-2396/2013 saylı, 28 dekabr 2013-cü il tarixli icra sənədi üzrə xx.xx.1999-cu il təvəllüdlü X1, xx.xx.2000-ci ildə X5 və xx.xx.2002-ci il təvəllüdlü X2 yetkinlik yaşına çatana qədər saxlanması üçün hər ay hər uşaq üçün 100 manat, cəmi 300 manat sabit pul məbləğində aliment Şəxs alınaraq tələbkar Zərərçəkmiş şəxs ödənilməsi qərara alınmışdır Borclu Şəxs aliment borcunu ödəmədiyinə görə Göyçay Rayon Məhkəməsinin xx.xx.2024cü il tarixli qərarı ilə Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək barəsində 8 gün müddətə inzibati qaydada həbs edilmişdir. Tələbin icarı ilə əlaqədar borclunun qeydiyyatda olduğu ünvana bildirişlər göndərilsədə borclu Göyçay rayo İcra və Probasiya şöbəsinə gəlmədiyindən haqqında 24.10 2024-cü ildə axtarış elan edilmişdir. Borclu Şəxs hazırda 14000 manat aliment borcu qalmışdır. İnzibati xəta haqqında protokola əlavə edilmiş sənədlərdən görünür ki, Şəxs Qaradağ Rayon Məhkəməsinin 2(002)-2396/2013 saylı, 28 dekabr 2013-cü il tarixli icra sənədi üzrə yaranmış aliment borcunun alınıb tələbkar Zərərçəkmiş şəxs ödənilməsi barədə Göyçay rayon İcra və Probasiya Şöbəsinin icra məmuru tərəfindən xəbərdar edilmişdir. İnzibati xəta haqqında protokola əlavə edilmiş Şəxs yazılı izahatından görünür ki, Qaradağ Rayon Məhkəməsinin 2(002)-2396/2013 saylı, 28 dekabr 2013-cü il tarixli icra sənədi üzrə borclu maddi imkanı olmadığından aliment borcunu ödəməmişdir. Göyçay Rayon Məhkəməsinin xx.xx.2024-cü il tarixli,3(046)-130/2024 saylı qərarının surətindən görünür ki, inzibati xəta törətmiş Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək barəsində 08 gün müddətə inzibati həbs tətbiq olunmuşdur. İş materiallarına əlavə edilmiş xx.xx.2024-cü il tarixli borclunun axtarılması haqqında qərardan görünür ki, Şəxs yaşadığı yeri müəyyən etmək mümkün olmadığından haqqında axtarış elan edilmişdir. Azərbaycan Respublikası İnzibati Xətalar Məcəlləsinin 528.1-1-ci maddəsinə görə bu Məcəllənin 528.1-ci maddəsində nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərarın qanuni qüvvəyə mindiyi gündən bir il ərzində eyni icra sənədinə münasibətdə təkrar törədilməsi inzibati xətadır. İnzibati xəta haqqında əlavə edilmiş sənədlərdən və iş üzrə tədqiq edilmiş sübutlardan görünür ki, Şəxs Bakı şəhəri Qaradağ Rayon Məhkəməsinin 2(002)- 2396/2013 saylı, 28 dekabr 2013-cü il tarixli icra sənədinin icrası ilə bağlı Göyçay rayon İcra və Probasiya Şöbəsinin icra məmurunun qanuni tələblərini üzrsüz səbəbdən icra etmədiyinə görə Göyçay Rayon Məhkəməsi hakiminin xx.xx.2024-cü il tarixli,3(046)- 130/2024 saylı qərarı ilə Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilənərək barəsində 08 gün müddətinə inzibati tənbeh tətbiq edilmiş,lakin həmin qərarın qanuni qüvvəyə mindiyi gündən bir il ərzində eyni icra sənədinin icrası ilə bağlı icra məmurunun qanuni tələblərini üzrsüz səbəbdən təkrar yerinə yetirməmişdir. İşin bütün hallarının məcmusuna hərtərəfli, tam və obyektiv surətdə baxaraq və iş üzrə olan sübutları qiymətləndirərək hesab edirəm ki, inzibati xəta hadisəsi olduğundan inzibati xəta törətmiş şəxs barəsində Azərbaycan Respublikası İnzibati Xətalar Məcəlləsinin 528.1-1-ci maddəsinin sanksiyasında nəzərdə tutulmuş müəyyən müddətə inzibati həbs növündə inzibati tənbeh tətbiq edilməlidir. İnzibati həbs növündə inzibati tənbehin müddəti İXM-nin 31.4-cü maddəsinin tələbləri nəzərə alınmaqla təyin edilməlidir. Belə ki, Azərbaycan Respublikası İnzibati Xətalar Məcəlləsinin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Eyni zamanda Azərbaycan Respublikası İnzibati Xətalar Məcəlləsinin 31-33 maddələrinə müvafiq olaraq inzibati həbs tətbiq edərkən xətanın idarəçilik qaydaları əleyhinə olması barədə xarakteri, inzibati xəta törədən şəxsin əmlak vəziyyətinin qənaətbəxş olmaması, iş üzrə məsuliyyəti yüngülləşdirən və ağırlaşdıran halların olmaması nəzərə alınır. Beləliklə hesab edirəm ki, inzibati xəta törətmiş şəxs Şəxs Azərbaycan Respublikası İnzibati Xətalar Məcəlləsinin 528.1-1-ci maddəsinin sanksiyasının həddləri daxilində müəyyən müddətə inzibati həbs edilməlidir. Qeyd olunanlara əsasən və Azərbaycan Respublikası İnzibati Xətalar Məcəlləsinin 114,115,128-130-cü maddələrini rəhbər tutub, qərara aldım: Şəxs Azərbaycan Respublikası İnzibati Xətalar Məcəlləsinin 528.1-1-ci maddəsi ilə nəzərdə tutulan inzibati xətanı törətməkdə təqsirli bilinərək,barəsində 15 (on beş) gün müddətə inzibati həbs növündə inzibati tənbeh tətbiq edilsin. İnzibati həbs müddətinin əvvəli 12 dekabr 2024-cü il tarixdən saat 16:00-dan hesablansın. İnzibati həbs haqqında qərar dərhal icra edilsin. Qərarın icrası Göyçay Rayon Polis şöbəsinə həvalə edilsin. Qərarın surəti, təqdim edildiyi və ya alındığı gündən on gün müddətində qərardan Göyçay Rayon Məhkəməsi vasitəsi ilə Şəki Apellyasiya Məhkəməsinə şikayət verilə bilər. Hakim: Elçin Qurbanov