Göyçay Rayon Məhkəməsi Qərar — İş №3(046)-128/2021

Azərbaycan Respublikası adından QƏRAR Göyçay rayonu İş № 3(046)-128/2021 05.05.2021 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Xanbutov Elşən Aleksandr oğlunun katibliyi, barəsində inzibati xəta protokolu tərtib edilmiş şəxs Şəxs ilə, xx.xx.1963-cü il tarixdə Göyçay şəhərində anadan olmuş, evli, orta təhsilli, fərdi əməklə məşqul olan, ünvan 1-də yaşayan Şəxs barəsində Azərbaycan Respublikası İXM-nin 262.2.3-cü maddəsi ilə Azərbaycan Respublikası Ekologiya və Təbii Sərvətlər Nazirliyi 8 saylı Regional Ekologiya və Təbii Sərvətlər İdarəsindən daxil olmuş inzibati xəta haqqında materiala Göyçay şəhərində 05 may 2021-ci il tarixdə açıq məhkəmə iclasın baxaraq, məhkəmə MÜƏYYƏN ETDİ: Şəxs haqqında İXM-nin 262.2.3-cü maddəsi ilə inzibati xəta protokolu tərtib edilərək baxılması üçün Göyçay Rayon Məhkəməsinə göndərilmişdir, ona görə ki, ünvan 1 ünvanda yaşayan Şəxs yaşadığı evindən əl-üz yuyulan suyun çirkabını boru vasitəsi ilə evinin yaxınlığından keçən Bığır arxına axıdır. İş üzrə inzibati xəta törətmiş şəxs Şəxs izahat verərək göstərmişdir ki, onun xəbəri olmadan oğlu çirkab suyunu kanalizasiya borusunu kanala qoymuşdur. Hazırda bu hal aradan qaldırılmışdır. Məhkəmə baxışı zamanı müəyyən edilmişdir ki, Şəxs Azərbaycan Respublikası İXM-nin 262.2.3-cü maddəsində nəzərdə tutulan inzibati xətaya yol verməsi tam sübuta yetir. Buna görə də Şəxs həmin maddənin sanksiyasında nəzərdə tutulmuş inzibati tənbeh təyin edilməlidir. Azərbaycan Respublikası İXM-nin 262.2.3-cü içməli məişət, texniki və tullantı sularının kənara (çöllərə, küçələrə, rabitə və enerji kommunikasiya şəbəkələrinə) təyinatsız axıdılmasına görə - fiziki şəxslər yüz manatdan yüz əlli manatadək məbləğdə, vəzifəli şəxslər səkkiz yüz manatdan min manatadək məbləğdə, hüquqi şəxslər iki min manatdan üç min manatadək məbləğdə cərimə edilir. Məhkəmə Şəxs inzibati tənbeh təyin edərkən, törətdiyi əməlin xarakterini, törədilmə şəraitini məsuliyyətini yüngülləşdirən, eləcə də məsuliyyətini ağırlaşdıran halın olmamasını nəzərə alaraq, ona təqsirləndirildiyi maddənin sanksiyasında nəzərdə tutulmuş cərimə inzibati tənbeh növünün təyin edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikası İXM-nin 43, 112, 114, 115, 117, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İXM-nin 262.2.3-cü maddəsi ilə təqsirli bilinib, ona 100 manat məbləğində inzibati cərimə təyin edilsin. Qərarın icrası Göyçay Rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Şəki Apelyasiya məhkəməsinə şikayət və protest verilə bilər. Hakim İbrahim Fəttahov.