Göyçay Rayon Məhkəməsi Qərar — İş №3(046)-168/2023

Azərbaycan Respublikası adından QƏRAR Göyçay rayonu İş № 3(046)-168/2023 27.02.2023 GÖYÇAY RAYON MƏHKƏMƏSİ Mən, Göyçay Rayon Məhkəməsinin hakimi X2, xx.xx.1985-ci ildə Göyçay rayonu Çərəkə kəndində anadan olmuş, Azərbaycan Respublikasının vətəndaşı, orta təhsilli, ailəli, fərdi əməklə məşğul olan, Göyçay rayonu Çərəkə kəndində qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 206-cı maddəsinin tələblərinin pozulması ilə əlaqədar Göyçay rayon Polis Şöbəsindən daxil olmuş inzibati xəta haqqında protokola və ona əlavə edilmiş sənədlərə baxaraq, müəyyən etdim: Şəxs 23 fevral 2023-cü il tarixdə saat 13 radələrində Göyçay rayonu Çərəkə kəndində qanunsuz olaraq narkotik vasitə olan qurudulmuş marixuananı istehlak etmişdir. İnzibati xəta hadisənin olması 23 fevral 2023-cü il tarixli inzibati xəta haqqında protokolla, barəsində inzibati xəta haqqında iş üzrə icraat aparılan şəxsin, şahid izahatları, habelə inzibati xəta haqqında protokola əlavə edilmiş sənədlərlə təsdiq olunur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, xx.xx.2023-cü il tarixdə saat 14 radələrində yaşadığı Göyçay rayonu Çərəkə kəndində olarkən polis əməkdaşları ona yaxınlaşaraq xırda talama oğurluq hadisəsi ilə bağlı şübhəli olduğunu, həmçinin qanunsuz olaraq narkotik vasitə istifadəçisi olmasını bildirmiş və onu rayon polis şöbəsinə dəvət etmişlər. Orada polis əməkdaşları ona həmkəndlisi Müslüm Əliyevin həyətindən tikiş maşınları ləvazımatlarının oğurlanması ilə bağlı sorğu-sual etmiş, polis əməkdaşlarına oğurluq hadisə ilə bağlı onun heç bir əlaqəsinin olmadığını, səmimi olaraq narkotik vasitə olan marixuanadan həmin gün saat 13 radələrində istifadə etdiyini bildirmişdir. Sonuncu dəfə narkotik vasitə olan marixuananı Bakı şəhəri Yasamal rayonu ərazisində yerləşən “X6” sarayında toyda olarkən dostları ilə birlikdə istifadə etmişdir. Bundan sonra narkoloji həkim müayinəsindən keçmiş, müayinə zamanı narkotik vasitə olan marixuanadan istifadə etdiyi müəyyən edilmişdir. Törətdiyi əməldən peşmandır. Məhkəmə iclasında şahid qismində izahat vermiş Göyçay rayon Polis Şöbəsinin İTBnin sahə rəisi X3 bildirdi ki, xx.xx.2023-cü il tarixdə xidməti ərazisi olan Göyçay rayon Çərəkə kəndi ərazisində baş vermiş xırda talama oğurluğunda, həmçinin qanunsuz olaraq narkotik vasitə istifadəçisi olması ilə bağlı kənd sakini Şəxs yaxınlaşaraq rayon polis şöbəsinə dəvət etmişdir. Sonradan Şəxs narkoloji həkim müayinədən keçirilmiş, nəticədə Mingəçevir şəhər rayonlararası Narkoloji Dispanserinin xx.xx.2023-cü il tarixli 169 saylı protokoluna görə Şəxs narkoloji sərxoşluq vəziyyətində olması müəyyən edilmişdir. İnzibati xəta haqqında protokola əlavə edilmiş xx.xx.2023-cü il tarixli, 169 №-li sərxoşluq hallarının bütün növlərinin təyini məqsədi ilə aparılan tibbi müayinə protokolundan görünür ki, Şəxs narkotik vasitə olan marixuananın təsiri altında olmuşdur. İnzibati xəta haqqında protokola əlavə edilmiş 23 fevral 2023-cü il tarixli inzibati qaydada tutma haqqında protokoldan görünür ki, Şəxs xx.xx.2023-cü il tarixdə saat 14:00da inzibati qaydada tutulmuş, xx.xx.2023-cü il tarixdə saat 15:00-da həbsdən azad edilmişdir. İnzibati xəta haqqında protokola əlavə edilmiş Azərbaycan Respublikası Səhiyyə Nazirliyinin Gəncə şəhəri X1 Məcburi-Narkoloji tibbi yoxlamanın 24 fevral 2023-cü il tarixli 328 nömrəli rəyində göstərilmişdir ki, Şəxs narkotik vasitələrdən istifadə edir. Narkotik vasitə olan kannabinoidlərdən sui-istifadə nəticəsində yaranmış narkomaniya xəstəliyindən əzab çəkir. Narkomaniya xəstəliyindən məcburi müalicəyə ehtiyacı var. Narkoloji kabinetdə qeydiyyata alınması məsləhət görülür. Azərbaycan Respublikası İnzibati Xətalar Məcəlləsinin 206-cı maddəsinə əsasən qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsinə görə - üç yüz manatdan dörd yüz manatadək məbləğdə cərimə edilir, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə iki ayadək müddətə inzibati həbs tətbiq edilir. Qeyd: Satış məqsədi olmadan hazırladığı, əldə etdiyi, saxladığı, daşıdığı və ya göndərdiyi şəxsi istehlak miqdarında narkotik vasitələri, psixotrop maddələri könüllü surətdə təhvil verən şəxs bu maddədə nəzərdə tutulan hərəkətlərə görə inzibati məsuliyyətdən azad edilir. Barəsində inzibati xəta haqqında iş üzrə icraat aparılan şəxs Şəxs himayəsində üç azyaşlı uşağının olması, əməlindən peşman olması iş üzrə məsuliyyəti yüngülləşdirən hallar kimi, iş üzrə məsuliyyəti ağırlaşdıran halların olmaması nəzərə alınır. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. İşin bütün hallarının məcmusuna hərtərəfli, tam və obyektiv surətdə baxaraq və iş üzrə olan sübutları qiymətləndirərək hesab edirəm ki, barəsində inzibati xəta haqqında iş üzrə icraat aparılan şəxs Şəxs barəsində Azərbaycan Respublikası İnzibati Xətalar Məcəlləsinin 206-cı maddəsinin sanksiyasında nəzərdə tutulmuş müəyyən məbləğdə inzibati cərimə İnzibati Xətalar Məcəlləsinin 31.4-1-ci maddəsinin tələbləri nəzərə alınmaqla tətbiq edilməlidir. Qeyd olunanlara əsasən və Azərbaycan Respublikası İnzibati Xətalar Məcəlləsinin 114,115 ,128-130-ci maddələrini rəhbər tutub, qərara aldım: Şəxs Azərbaycan Respublikası İXM-nin 206-cı maddəsi ilə nəzərdə tutulan inzibati xətanı törətməkdə təqsirli bilinərək, 300 (üç yüz) manat cərimə edilsin. Şəxs barəsində narkomaniyadan məcburi müalicə təyin edilsin. Ərazi narkoloji dispanserində qeydiyyata alınsın. Qərarın surəti, təqdim edildiyi və ya alındığı gündən on gün müddətində qərardan Göyçay rayon Məhkəməsi vasitəsi ilə Şəki Apellyasiya Məhkəməsinə şikayət verilə bilər. Hakim: Elçin Qurbanov