Göyçay Rayon Məhkəməsi Qərar — İş №3(046)-203/2022

Azərbaycan Respublikası adından QƏRAR Göyçay rayonu İş № 3(046)-203/2022 14.04.2022 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Xanbutov Elşən Aleksandr oğlunun katibliyi ilə, DOKTA MMC barəsində Azərbaycan Respublikası İXM-nin 211.2-ci maddəsi ilə 9 saylı Ərazi Vergilər İdarəsindən daxil olmuş inzibati xəta haqqında materiala Göyçay şəhərində baxaraq, məhkəmə MÜƏYYƏN ETDİ: DOKTA MMC barəsində Azərbaycan Respublikası İXM-nin 211.2-ci maddəsi ilə inzibati xəta protokolu tərtib edilərək baxılması üçün Göyçay Rayon Məhkəməsinə göndərilmişdir, ona görə ki, 16.03.2022-ci il tarixdə saat 12:25-də ünvan 1 ünvanında yerləşən DOKTA MMC-yə məxsus aptekdə karantin rejimi dövründə fərdi qoyurucu vasitələrdən istifadə ilə bağlı qoruyucu maskadan istifadə etməyərək karantin qaydalarını pozmuşdur. Məhkəmə baxışı zamanı tədqiq edilmiş sübutlara qiymət verərək hesab edir ki, 16.03.2022-ci il tarixdə saat 12:25-də ünvan 2 ünvanında yerləşən DOKTA MMC-yə məxsus aptekdə karantin rejimi dövründə fərdi qoyurucu vasitələrdən istifadə ilə bağlı qoruyucu maskadan istifadə edilməyərək Azərbaycan Respublikası İXM-nin 211.2-ci maddəsində nəzərdə tutulmuş inzibati xətanı törədilmişdir. DOKTA MMC-yə həmin maddənin sanksiyasında nəzərdə tutulmuş inzibati tənbeh təyin edilməlidir. Azərbaycan Respublikası İXM-nin 211.2-ci maddəsinə əsasən epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər və hüquqi şəxslər tərəfindən həmin tələblərin pozulmasının qarşısının alınmamasına görə fiziki şəxslər yüz manat məbləğində, vəzifəli şəxslər üç yüz manat məbləğində, hüquqi şəxslər altı yüz manat məbləğində cərimə edilir. Məhkəmə DOKTA MMC-yə inzibati tənbeh təyin edərkən inzibati xətanın törədilmə şəraitini nəzərə alaraq DOKTA MMC-yə Azərbaycan Respublikası İXM-nin 211.2-ci maddələrinin sanksiya nəzərdə tutulmuş cərimə inzibati tənbeh növü təyin edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikası İXM-nin 43, 112, 114, 115, 117, 128-130-cu maddələrini rəhbər tutaraq, məhkəmə QƏRARA ALDİ: DOKTA MMC Azərbaycan Respublikası İXM-nin 211.2-ci maddəsi ilə təqsirli bilinib, 600 manat cərimə inzibati tənbeh təyin edilsin. Qərarın icrası Bakı şəhər Nizami rayon İcra və Probasiya şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Şəki Apellyasiya Məhkəməsinə şikayət və protest verilə bilər. Hakim: İbrahim Fəttahov