Göyçay Rayon Məhkəməsi Qərar — İş №3(046)-270/2023

Azərbaycan Respublikası adından QƏRAR Göyçay rayonu İş № 3(046)-270/2023 04.05.2023 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Səmidli Nərmin Yaşar qızının katibliyi, Azərbaycan Respublikasının Qida X1 Aran regional bölməsinin nümayəndələri X6 və X3 və inzibati xəta törətmiş X4 iştirakı ilə, X7 barəsində Azərbaycan Respublikasının Qida Təhlükəsizliyi Agentliyindən daxil olmuş inzibati xəta haqqında materiala Göyçay şəhərində baxaraq, məhkəmə M Ü Ə Y Y ƏN E T D İ : X7 barəsində Azərbaycan Respublikasının Qida Təhlükəsizliyi Agentliyi tərəfindən 23 fevral 2023-cü il tarixdə MN ******* saylı inzibati xəta protokolu tərtib edilmişdir ona görə ki, xx.xx.2023-cü il tarixdə saat 16 radələrində Göyçay rayonu Kürd kəndində yerləşən “Ərzaq” mağazasında yoxlamanın keçirilməsinə və ticarət obyektinə daxil olmağa X7 tərəfindən maneələr törədilmişdir. X7 izahat verərək göstərmişdir ki, Azərbaycan Respublikasının Qida Təhlükəsizliyi Agentliyinin əməkdaşları xx.xx.2023-cü il tarixdə Göyçay rayonu Kürd kəndində yerləşən “Ərzaq” mağazasına yoxlama üçün gəldikləri zaman mağazada təmizlik işləri aparılmışdır. Əməkdaşlara təmizlik işləri bitdikdən sonra ticarət obyektinə baxış keçirə biləcəklərini bildirmişdir. Lakin əməkdaşlar çıxıb getmişlər. Azərbaycan Respublikasının Qida X1 Aran regional bölməsinin nümayəndəsi X8 göstərmişdir ki, xx.xx.2023-cü il tarixdə X5 məxsus Göyçay rayonu Kürd kəndində yerləşən ərzaq mağazısında planlı yoxlama aparmaq istəmişlər. X2 tərəfindən yoxlamanın aparılmasına şərait yaradılmamışdır. Bundan sonra xx.xx.2023-cü il tarixdə X5 məxsus Göyçay rayonu Kürd kəndində yerləşən ərzaq mağazısında planlı yoxlama aparmaq istəmişlər. X2 onlara yoxlama keçirilməsinə icazə verməmiş, mağazanı bağlamış, onları içəri buraxmamışdır. Bununla bağlı akt tərtib etmişlər. İş materiallarına əlavə edilmiş yoxlamanın aparılması haqqında xx.xx.2023-cü il tarixli qərarın surətindən görünür ki, sahibkar X5 məxsus Göyçay rayonu Kürd kəndində yerləşən “Ərzaq” mağazasında xx.xx.2023-cü il tarixdən xx.xx.2023-cü il tarixədək planlı yoxlama aparılması qərara alınmışdır. İş materiallarına əlavə edilmiş xx.xx.2023-cü il tarixli aktın surətindən görünür ki, xx.xx.2023-cü il tarixdə X5 məxsus Göyçay rayonu Kürd kəndində yerləşən ərzaq mağazısında planlı yoxlama aparılmasına X7 tərəfindən şərait yaradılmamışdır. İş materiallarına əlavə edilmiş xx.xx.2023-cü il tarixli aktın surətindən görünür ki, xx.xx.2023-cü il tarixdə X5 məxsus Göyçay rayonu Kürd kəndində yerləşən ərzaq mağazısında planlı yoxlama aparılmasına X7 tərəfindən şərait yaradılmamış, mağaza Fikrət Kərimov tərəfindən bağlanılmış, əməkdaşlar ticarət obyektinə buraxılmamışlar. E-məhkəmə sistemi çıxarışından görünür ki, X7 hüquqi şəxsdir, xx.xx.2006-cı ıl tarixdən **********-60001 nömrəli VÖEN ilə ərzağ mağazısı kimi fəaliyyət göstərir.Qeyd: VÖEN aktivdir. Azərbaycan Respublikası İnzibati Xətalar Məcəlləsinin 17-ci maddəsinə əsasən vəzifəli şəxslər öz vəzifələrinin yerinə yetirilməməsi və ya lazımınca yerinə yetirilməməsi ilə bağlı inzibati xətalara görə inzibati məsuliyyətə cəlb olunurlar. Qeyd: Dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyri-dövlət təşkilatlarında, idarə və müəssisələrində, o cümlədən publik hüquqi şəxslərdə təşkilati-sərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər. Məhkəmə baxışı zamanı müəyyən olunur ki, vəzifəli şəxs hesab edilən X7 xx.xx.2023- xx.xx.2023-\cü il tarixlərdə özünə məxsus Göyçay rayonu Kürd kəndində yerləşən ərzaq mağazısında Azərbaycan Respublikasının Qida X1 Aran regional bölməsinin əməkdaşları tərəfindən planlı yoxlama aparılmasına maneəçilik törətmişdir. Təqdim edilmiş sübutlara hüquqi qiymət verən məhkəmə hesab edir ki, X4 Azərbaycan Respublikası İnzibati Xətaları Məcəlləsinin 544.1-ci maddəsində nəzərdə tutulan inzibati xətanı törətməsi tam sübuta yetir. X5 həmin maddədə nəzərdə tutulmuş inzibati tənbeh təyin edilməlidir. Azərbaycan Respublikası İnzibati Xətalar Məcəlləsinin 544.1-ci maddəsinə əsasən istehlakçıların hüquqlarının müdafiəsini həyata keçirən müvafiq icra hakimiyyəti orqanının vəzifəli şəxsləri tərəfindən qanuna uyğun yoxlamaların və digər nəzarət tədbirlərinin keçirilməsinə maneçilik törədilməsinə və ya həmin məqsədlə səlahiyyətli şəxslərin yoxlama yerinə buraxılmamasına, yaxud həmin şəxslərin qanuni tələblərinin yerinə yetirilməməsinə (sahibkarlıq fəaliyyətinin həyata keçirildiyi yerlərə gəlməklə aparılan yoxlamalara münasibətdə bu Məcəllənin 602.4-cü maddəsində nəzərdə tutulmuş hallar istisna olunmaqla) görə - fiziki şəxslər üç yüz əlli manatdan beş yüz manatadək məbləğdə, vəzifəli şəxslər üç min manatdan dörd min manatadək məbləğdə cərimə edilir. Məhkəmə X7 barəsində inzibati tənbeh təyin edərkən törədilmiş xətanın xarakterini, törədilmə şəraitini, həmçinin məsuliyyəti yüngülləşdirən və ağırlaşdıran halların olmamasını nəzərə alaraq X5 inzibati cərimə tənbeh növünün təyin edilməsini məqsədə müvafiq hesab edir. Göstərilənləri və Azərbaycan Respublikası İXM-nin 43, 112, 114, 115, 117, 128-130cu maddələrini əldə rəhbər tutub Q ə r a r v e r d i: X7 Azərbaycan Respublikası İnzibati Xətalar Məcəlləsinin 544.1-ci maddəsi ilə təqsirli bilinib, ona 3000 manat məbləğdə inzibati cərimə təyin edilsin. Qərarın icrası Göyçay rayon İcra və Probasiya Şöbəsinə həvalə edilsin. Qərarın surəti təqdim edildiyi və alındığı gündən 10 gün müddətinə Şəki Apellyasiya məhkəməsinə şikayət vermək olar. Hakim: İbrahim Fəttahov