Göyçay Rayon Məhkəməsi Qərardad — İş №3(046)-277/2025

Azərbaycan Respublikası adından QƏRARDAD Göyçay rayonu İş № 3(046)-277/2025 29.04.2025 GÖYÇAY RAYON MƏHKƏMƏSİ Göyçay Rayon Məhkəməsinin hakimi Fəttahov İbrahim Bağır oğlunun sədrliyi, Barəsində inzibati icraat aparılan şəxs Şəxs iştirakı ilə, Göyçay Rayon Prokuroru tərəfindən Şəxs barəsində Azərbaycan Respublikasının İnzibati Xətalar Məcəlləsinin 157-cu maddəsi ilə qəbul edilmiş xx.xx.2025-ci il tarixli inzibati xəta haqqında iş üzrə icraatın başlanması haqqında qərarı və ona əlavə edilmiş sənədləri nəzərdən keçirib, məhkəmə müəyyən etdi: Şəxs barəsində Azərbaycan Respublikasının İnzibati Xətalar Məcəlləsinin 157-ci maddəsi ilə inzibati xəta haqqında iş üzrə icraatın başlanması haqqında Göyçay Rayon Prokurorunun xx.xx.2025-ci il tarixli qərarından görünür ki, Şəxs xx.xx.2025-ci il tarixdə saat 16 radələrində Göyçay şəhəri N.Nərimanov küçəsində yerləşən Göyçay Təhsil Sektorunun inzibati binasında xidməti otağında Zərərçəkmiş şəxs ilə aralarında yaranmış mübahisə zamanı Zərərçəkmiş şəxs sinəsindən bir dəfə yumruqla vuraraq ona sağlamlığa zərər vurmayan xəsarətlər yetirmişdir. Məhkəmə inzibati xəta haqqında iş üzrə icraatın başlanması haqqında qərarı və qərara əlavə edilmiş materialları nəzərdən keçirib hesab edir ki, inzibati xəta haqqında iş üzrə icraatın başlanması haqqında qərar və qərara əlavə edilmiş sənədlər geri qaytarılmalıdır. Belə ki, Azərbaycan Respublikası İXM-nin 43.1-ci maddəsinə və “İnzibati xətalar haqqında işlərə baxmağa səlahiyyəti olan vəzifəli şəxslərin siyahısı”nın təsdiq edilməsi barədə Azərbaycan Respublikası Prezidentinin 23 fevral 2017-ci il tarixli fərmanının 2.5-ci bəndindən görə Azərbaycan Respublikası İXM-nin 157-cu maddəsində nəzərdə tutulmuş inzibati xətalara baxılması şəhər, rayon polis idarələrinin (şöbələrinin) və ərazi polis bölmələrinin rəisləri, onların müavinlərinin və rayon məhkəmələrinin səlahiyyətlərinə aid edilmişdir. Azərbaycan Respublikası İXM-nin 43.3-cü maddəsində qeyd edilmişdir ki, bu Məcəllənin 43.1-ci maddəsində göstərilən inzibati xətalar haqqında işlərə baxmaq hüququ müvafiq icra hakimiyyəti orqanı tərəfindən həmçinin səlahiyyətli orqanlara (vəzifəli şəxslərə) aid edildikdə, icraatında inzibati xətalar haqqında iş olan səlahiyyətli orqan (vəzifəli şəxs) inzibati xətanın xarakterini, inzibati xəta törədənin şəxsiyyətini, onun təqsirinin dərəcəsini, məsuliyyəti ağırlaşdıran halların və müsadirə olunmalı malların mövcudluğunu nəzərə alaraq, şəxs barəsində müvafiq maddənin sanksiyasında nəzərdə tutulan xəbərdarlıq və ya cərimə inzibati tənbeh tədbirlərindən daha ağır tənbeh tədbirinin tətbiqi üçün əsasların olması qənaətinə gəldikdə, inzibati xəta haqqında protokolu baxılmaq üçün məhkəməyə göndərir. İş materiallarından görünür ki, inzibati xəta törətmiş şəxs hesab edilən Şəxs məsuliyyətini ağırlaşdıran halların olduğu barədə heç bir sübut müəyyən edilmədiyi halda, Göyçay rayon Prokuroru Şəxs İXM-nin 157-ci maddəsinin sanksiyasında nəzərdə tutulan cərimə inzibati tənbeh tədbirindən daha ağır tənbeh tədbirinin tətbiqi üçün əsasların mövcud olduğu qənaətinə gələrək, inzibati xəta materialını baxılması üçün Göyçay rayon Məhkəməsinə göndərmişdir. Hazırki vəziyyətdə məhkəmə hesab edir ki, qeyd edilən qərar baxılması üçün səlahiyyətlərinə aid edilmiş Göyçay rayon polis şöbəsinə göndərilməlidir. Azərbaycan Respbulikasının İnzibati Xətalar Məcəlləsinin 106-cı maddəsinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən aşağıdakı məsələləri həll edir: Həmin Məcəlllənin 106.0.2-ci maddəsinə əsasən işin hakim, kollegial orqanın üzvü, vəzifəli şəxs tərəfindən baxılmasını istisna edən hallar mövcuddurmu. Göründüyü kimi Şəxs məsuliyyətini ağırlaşdıran hal mövcud olmadığından, işin məhkəmə tərəfindən baxılması istisna edilir. Azərbaycan Respbulikasının İnzibati Xətalar Məcəlləsinin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılmalıdır. Məhkəmə hesab edir ki, Şəxs barəsində Azərbaycan Respublikasının İnzibati Xətalar Məcəlləsinin 157-ci maddəsi ilə inzibati xəta haqqında iş üzrə icraatın başlanması haqqında Göyçay Rayon Prokurorunun xx.xx.2025-ci il tarixli qərarı və qərara əlavə edilmiş materiallar geri qaytarılmalıdır. Şərh olunanlara əsasən və Azərbaycan Respublikasının İnzibati Xətalar Məcəlləsinin 109- 114-ci maddələrini rəhbər tutaraq qərara aldı: Şəxs barəsində Azərbaycan Respublikasının İnzibati Xətalar Məcəlləsinin 157-ci maddəsi ilə inzibati xəta haqqında iş üzrə icraatın başlanması haqqında Göyçay Rayon Prokurorunun xx.xx.2025-ci il tarixli qərarı və qərara əlavə edilmiş materiallar geri qaytarılsın. Hakim: İbrahim Fəttahov