Göyçay Rayon Məhkəməsi Qərar — İş №3(046)-321/2022

Azərbaycan Respublikası adından QƏRAR Göyçay rayonu İş № 3(046)-321/2022 03.06.2022 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Xanbutov Elşən Aleksandr oğlunun katibliyi, inzibati xəta törətmiş Şəxs iştirakı ilə, xx.xx.1991-ci il tarixdə Göyçay şəhərində anadan olmuş, Azərbaycan Respublikasının vətəndaşı, subay, ali təhsilli, fərdi əməklə məşqul olan, Göyçay şəhəri, Nizami küçəsi ev 206-da yaşayan Şəxs barəsində Azərbaycan Respublikasının İXM-nin 206-cı maddəsi ilə Göyçay rayon Prokurorluğundan daxil olmuş inzibati xəta haqqında materiala Göyçay şəhərində açıq məhkəmə iclasında baxaraq MÜƏYYƏN ETDİ: Şəxs barəsində Azərbaycan Respublikası İXM-nin 206-cı maddəsi ilə inzibati xəta protokolu tərtib edilərək baxılması üçün Göyçay Rayon Məhkəməsinə göndərilmişdir. Məhkəmədə inzibati xəta törətmiş Şəxs törətdiyi inzibati xətanı etiraf edərək göstərmişdir ki, 18.02.2022-ci il tarixdə saat 05 radələrində polis əməkdaşları yaşadığı Göyçay şəhəri Nizami küçəsində yerləşən fərdi yaşayış evinə baxış keçirmək üçün yaşadığı ünvana gəlmişlər. Polis əməkdaşlarına etiraz etməmişdir. Vəkilin və hal şahidlərinin iştirakı ilə baxış keçirilmiş, baxış zamanı yaşadığı evdən narkotik vasitə olan metamfetamin aşkar edilərək götürülmüşdür. Həmin narkotik vasitəni öz istifadəsi üçün 200 manata İran vətəndaşından almışdır. Törətdiyi əməldən peşmandır. Məhkəmə-bioloji ekspertizasının 18.02.2022-ci il tarixli rəyindən görünür ki, tədqiqata təqdim olunmuş üzərində “Şəxs yaşadığı evdən aşkar edilmiş sözləri və imzalar yazılmış zərfin içərisindəki 01 ədəd ağ rəngli kağız bükümdə, təmiz çəkisi 0.052 qram olan maddə narkotik vasitə olan metamfetamindir. Qeyd: 1) metamfetamin ümumi təmiz çəkisi – 0.052 qr, tədqiqata sərf edildi - 0.020 qram, qalıq – 0.032 qram. Məhkəmə, məhkəmə baxış zamanı tədqiq edilmiş sübutlara qiymət verərək hesab edir ki, Şəxs Azərbaycan Respublikası İXM-nin 206-ci maddəsində nəzərdə tutulan inzibati xətanı törətməsi sübuta yetir. Azərbaycan Respublikasının İXM-nin 206-cı maddəsinə əsasən qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsinə görə - üç yüz manatdan dörd yüz manatadək məbləğdə cərimə edilir, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə iki ayadək müddətə inzibati həbs tətbiq edilir. Məhkəmə inzibati xəta törətmiş Şəxs inzibati tənbeh təyin edərkən, törətdiyi inzibati xətanın xarakterini, şəxsiyyətini xarakterizə edən halları, eləcə də törətdiyi əməli etiraf etməklə peşman olmasını məsuliyyətini yüngülləşdirən hallar kimi, həmçinin məsuliyyətini ağırlaşdıran halın olmamasını nəzərə alaraq, ona Azərbaycan Respublikası İXM-nin 206ci maddəsinin sanksiyası həddində inzibati cərimə tənbeh növünün təyin edilməsini məqsədə müvafiq hesab edir. İş üzrə maddi sübut olan və Göyçay rayon Polis Şöbəsində saxlanılan 0.032 qram narkotik vasitə olan metamfetamin məhv edilməlidir. Yuxarıda göstərilənlərə əsasən və Azərbaycan Respublikası İXM-nin 43, 112, 114, 115, 117, 128-130-cu maddələrini rəhbər tutaraq, məhkəmə QƏRAR VERDİ : Şəxs Azərbaycan Respublikası İXM-nin 206-cı maddəsi ilə təqsirli bilinib, ona 400 manat məbləğində inzibati cərimə tənbeh növü təyin edilsin. İş üzrə maddi sübut olan və Göyçay rayon Polis Şöbəsində saxlanılan 0.032 qram narkotik vasitə olan metamfetamin məhv edilsin. Qərarın icrası Göyçay rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Azərbaycan Respublikası Şəki Apellyasiya Məhkəməsinə şikayət verilə bilər. Hakim: İbrahim Fəttahov