Göyçay Rayon Məhkəməsi Qərar — İş №3(046)-417/2022

Azərbaycan Respublikası adından QƏRAR Göyçay rayonu İş № 3(046)-417/2022 28.07.2022 GÖYÇAY RAYON MƏHKƏMƏSİ X2 Rizvan oğlunun sədrliyi, Xanbutov Elşən Aleksandr oğlunun katibliyi ilə, Şəxs barəsində Azərbaycan Respublikası İXM-nin 590.2-ci maddəsi ilə Göyçay rayon Polis Şöbəsindən daxil olmuş inzibati xəta haqqında protokola Göyçay şəhərində açıq məhkəmə iclasında baxaraq, məhkəmə müəyyənetdi: Şəxs barəsində xx.xx.2022-ci il tarixdə inzibati xəta protokolu tərtib edilmişdir ondan ötrü ki, Şəxs Göyçay rayonunun Ləkçıplaq kəndində yaşadığı evdə mərhum ərinə məxsus qoşalüləli 16 kalibrli İJ-58 markalı 21168 nömrəli ov tüfəngini müvafiq icazə almadan özündə saxlamış, mülki silahın qeydiyyat qaydasını pozmuşdur. İnzibati xəta törətmiş Şəxs məhkəmənin vaxtı və yeri barədə məlumat verilmiş, lakin Şəxs məhkəmə baxışında iştirak etməmişdir. Məhkəmə təqdim olunan sübutlara qiymət verərək hesab edir ki, Şəxs Azərbaycan Respublikası İnzibati Xətaları Məcəlləsinin 590.2-ci maddəsində nəzərdə tutulan inzibati xətanı törətməsi tam sübuta yetir. Şəxs həmin maddənin sanksiyasında nəzərdə tutulmuş inzibati tənbeh təyin edilməlidir. Azərbaycan Respublikası İnzibati Xətalar Məcəlləsinin 590.2-ci maddəsinə əsasən müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə-silah və döyüş sursatı müsadirə edilməklə səksən manatdan yüz manatadək məbləğdə cərimə edilir. Məhkəmə Şəxs inzibati tənbeh təyin edərkən törətdiyi xətanın xarakterini, inzibati xətanın törədilmə şəraitini, eləcə də məsuliyyətini yüngülləşdirən və məsuliyyətini ağırlaşdıran halın olmamasını nəzərə alaraq ona silah müsadirə edilməklə 80 manat məbləğində inzibati cərimə tənbeh növünün təyin edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikası İXM-nin 43, 112, 114, 115, 117, 128-130-cu maddələrini rəhbər tutaraq, məhkəmə QƏRARAALDİ: Şəxs Azərbaycan Respublikası İXM-nin 590.2-ci maddəsi ilə təqsirli bilinib, qoşalüləli 16 kalibrli İJ-58 markalı 21168 nömrəli ov tüfəngi müsadirə edilməklə ona 80 manat inzibati cərimə təyin edilsin. İş üzrə inzibati xətanın predmeti olan Göyçay rayon Polis Şöbəsində saxlanılan qoşalüləli 16 kalibrli İJ-58 markalı 21168 nömrəli ov tüfəngi dövlət nəfinə müsadirə edilsin. Qərarın icrası Göyçay rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Azərbaycan Respublikası Şəki Apellyasiya məhkəməsinə şikayət verilə bilər. Hakim: Cavid Sultanov