Göyçay Rayon Məhkəməsi Qərar — İş №3(046)-448/2022

Azərbaycan Respublikası adından QƏRAR Göyçay rayonu İş № 3(046)-448/2022 15.08.2022 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Xanbutov Elşən Aleksandr oğlunun katibliyi ilə, Azərbaycan Respublikası Dövlət Gömrük Komitəsi Aksizli Mallar üzrə Baş Gömrük İdarəsindən daxil olmuş inzibati xəta haqqında materiala Göyçay şəhərində açıq məhkəmə iclasında baxaraq, məhkəmə M Ü Ə Y Y ƏN E T D İ : TEYMUR ƏHMƏDOV ADİNA "xxxx" QSC barəsində Azərbaycan Respublikası Dövlət Gömrük Komitəsi Aksizli Mallar üzrə Baş Gömrük İdarəsi tərəfindən xx.xx.2022-ci il tarixdə İXM-nin 496.1-ci maddəsi ilə 14000-0496/22 saylı inzibati xəta haqqında protokol tərtib edilərək baxılması üçün Göyçay Rayon Məhkəməsinə göndərilmişdir. Məhkəmə təqdim edilmiş xx.xx.2022-ci il tarixli inzibati xəta haqqında haqqında protokoldan görünür ki, TEYMUR ƏHMƏDOV ADİNA "xxxx" QSC tərəfindən xx.xx.2022-ci il tarixli **********3931 sorğu nömrəli gömrük bəyannaməsilə 26982.15 litr etil spirti müvəqqəti saxlanc xüsusi gömrük prosedura altında rəsmiləşdirilmişdir. Həmin mallar üçün nəzərdə tutulmuş müvəqqəti saxlanc müddətinin başa çatmasına baxmayaraq həmin malların rəsmiləşdirilməsi üçün Teymur Əhmədov adına "xxxx" QSC tərəfindən heç bir müraciət olmamışdır. Təqdim edilmiş sübutlara hüquqi qiymət verən məhkəmə hesab edir ki, TEYMUR ƏHMƏDOV ADİNA "xxxx" QSC-nin Azərbaycan Respublikası İnzibati Xətaları Məcəlləsinin 496.1-ci maddəsində nəzərdə tutulan inzibati xətanı törətməsi tam sübuta yetir. TEYMUR ƏHMƏDOV ADİNA "xxxx" QSC-nə həmin maddədə nəzərdə tutulmuş inzibati tənbeh təyin edilməlidir. Azərbaycan Respublikası İXM-nin 496.1-ci maddəsinə əsasən malların saxlanca qoyulması və saxlanc qaydalarının (müddətlərinin) pozulmasına, o cümlədən gömrük və müvəqqəti saxlanc anbarlarında mallarla müxtəlif əməliyyatların aparılmasının müəyyən olunmuş tələblərinə və şərtlərinə riayət edilməməsinə görə - fiziki şəxslər əlli manatdan yüz manatadək məbləğdə, vəzifəli şəxslər yüz əlli manatdan iki yüz əlli manatadək məbləğdə, hüquqi şəxslər üç yüz manatdan beş yüz manatadək məbləğdə cərimə edilir Təqdim edilmiş materiallardan görünür ki, TEYMUR ƏHMƏDOV ADİNA "xxxx" QSC hüquqi şəxs hesab edilir. Məhkəmə TEYMUR ƏHMƏDOV ADİNA "xxxx" QSC barəsində inzibati tənbeh təyin edərkən törədilmiş xətanın xarakterini, törədilmə şəraitini, həmçinin məsuliyyəti yüngülləşdirən və ağırlaşdıran halların olmamasını nəzərə alaraq TEYMUR ƏHMƏDOV ADİNA "xxxx" QSC-nə inzibati cərimə tənbeh növünün təyin edilməsini məqsədə müvafiq hesab edir. Göstərilənləri və Azərbaycan Respublikası İXM-nin 43, 112, 114, 115, 117, 128-130cu maddələrini əldə rəhbər tutub QƏRARVERDİ: TEYMUR ƏHMƏDOV ADİNA "xxxx" QSC-nə İXM-nin 496.1-ci maddəsinə əsasən 300 manat məbləğdə inzibati cərimə təyin edilsin. Qərarın icrası Göyçay rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Azərbaycan Respublikası Şəki Apellyasiya məhkəməsinə apellyasiya şikayəti verilə bilər. Hakim: İbrahim Fəttahov