Göyçay Rayon Məhkəməsi Qərar — İş №3(046)-452/2023

Azərbaycan Respublikası adından QƏRAR Göyçay rayonu İş № 3(046)-452/2023 27.07.2023 GÖYÇAY RAYON MƏHKƏMƏSİ Mən, Göyçay Rayon Məhkəməsinin hakimi X5, xx.xx.1985-ci ildə Göyçay rayonu, Yeniarx kəndində anadan olmuş, subay, orta təhsilli, işləməyən, Göyçay rayonu, Yeniarx kəndində qeydiyyatda olan Şəxs barəsində Azərbaycan Respublikası İXM-nin 535.1-ci maddəsinin tələbinin pozulması ilə əlaqədar Göyçay rayon Polis Şöbəsindən daxil olmuş inzibati xəta haqqında protokola və ona əlavə edilmiş sənədlərə baxaraq, müəyyən etdim: Şəxs 26 iyul 2023-cü il tarixdə saat 11 radələrində yaşadığı Göyçay rayonu, Yeniarx kəndində onu nizam-intizama dəvət edən ictimai qaydanın mühafizə vəzifələrini icra edən Göyçay rayon Polis Şöbəsinin əməkdaşlarının qanuni tələblərinə qəsdən tabe olmamışdır. İnzibati xəta hadisənin olması 26 iyul 2023-cü il tarixli inzibati xəta haqqında protokolla, barəsində inzibati xəta haqqında iş üzrə icraat aparılan şəxsin və şahidlərin izahatı, habelə inzibati xəta haqqında protokola əlavə edilmiş sənədlərlə təsdiq olunur. Məhkəmədə barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, xx.xx.2023-cü il tarixdə saat 11 radələrində yaşadığı Göyçay rayonu, Yeniarx kəndində yerləşən evinə Göyçay rayon Polis Şöbəsinin əməkdaşları gəlmiş, onu izahat vermək üçün rayon polis şöbəsinə dəvət etmişlər. Həmin vaxt o, polis əməkdaşları ilə birlikdə getməkdən imtina etmiş, nalayiq ifadələr işlədərək polis əməkdaşlarının qanuni tələblərinə tabe olmayaraq öz hərəkətlərini davam etdirmişdir. Məhkəmə iclasında şahid qismində izahat vermiş Göyçay rayon Polis Şöbəsinin PPXB-nin polis nəfəri X4 izahat verərək bildirdi ki, Göyçay rayon Polis Şöbəsinin PPXBnin digər polis əməkdaşı X2 ilə xidmət aparan zaman növbətçi hissəsinin çağırışına əsasən digər polis əməkdaşları X9 və İTB-nin sahə rəisi, X6 ilə birlikdə Şəxs rayon polis şöbəsinə gətirilməsi üçün Göyçay rayon Yeniarx kəndində yerləşən fərdi yaşayış evinə getmişlər. Daha sonra Şəxs onlarla birlikdə polis şöbəsinə getməli olduğunu bildirdikdə Şəxs onlarla rayon polis şöbəsinə getməkdə imtina etmiş, nalayiq ifadələr işlədərək onların qanuni tələblərinə qəsdən tabe olmamışdır. Məhkəmədə şahid qismində izahat vermiş X9 və X3 şahid X1 izahatına uyğun eyni məzmunlu izahat vermişlər. İş materiallarına əlavə edilmiş Göyçay Rayon Məhkəməsinin xx.xx.2022-ci il tarixli qərarından görünür ki, Şəxs Azərbaycan Respublikası İXM-nin 510 və 535.1-ci maddələri ilə təqsirli bilinərək 01 ay müddətinə inzibati qaydada həbs edilmişdir. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. İşin bütün hallarının məcmusuna hərtərəfli, tam və obyektiv surətdə baxaraq və iş üzrə olan sübutları qiymətləndirərək hesab edirəm ki, inzibati xəta hadisəsi oldugundan inzibati xəta törətmiş şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasında nəzərdə tutulmuş müəyyən müddətə inzibati həbs növündə inzibati tənbeh tətbiq edilməlidir. Eyni zamanda Azərbaycan Respublikası İnzibati Xətalar Məcəlləsinin 31-33 maddələrinə müvafiq olaraq inzibati həbs tətbiq edərkən xətanın idarəçilik qaydaları əleyhinə olması barədə xarakteri, inzibati xəta törədən şəxsin əmlak vəziyyətinin qənaətbəxş olmaması, iş üzrə məsuliyyəti yüngülləşdirən halların olmaması və eyni xətanı inzibati tənbeh vermə haqqında qərar qüvvəyə mindiyi gündən bir il ərzində təkrar törətməsi iş üzrə məsuliyyəti ağırlaşdıran hal olması nəzərə alınır. Beləliklə hesab edirəm ki, inzibati xəta törətmiş şəxs Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasının yuxarı həddində müəyyən müddətə inzibati həbs edilməlidir. Qeyd olunanlara əsasən və Azərbaycan Respublikası İnzibati Xətalar Məcəlləsinin 114,115,128-130-cü maddələrini rəhbər tutub, qərara aldım: İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinərək barəsində 1 (bir) ay müddətə inzibati həbs tətbiq olunsun. İnzibati həbs müddətinin əvvəli 26 iyul 2023-cü il tarixdən saat 11:00-dan hesablansın. İnzibati həbs haqqında qərar dərhal icra edilsin. Qərarın surəti, təqdim edildiyi və ya alındığı gündən on gün müddətində qərardan Göyçay rayon Məhkəməsi vasitəsi ilə Şəki Apellyasiya Məhkəməsinə şikayət verilə bilər. Hakim: Elçin Qurbanov