Göyçay Rayon Məhkəməsi Qərardad — İş №3(046)-513/2025

Azərbaycan Respublikası adından QƏRARDAD Göyçay rayonu İş № 3(046)-513/2025 07.07.2025 GÖYÇAY RAYON MƏHKƏMƏSİ Mən Göyçay Rayon Məhkəməsinin hakimi Fəttahov İbrahim Bağır oğlu Şəxs barəsində Azərbaycan Respublikası İXM-nin 510-cu maddəsi ilə Göyçay Rayon Polis Şöbəsindən daxil olmuş inzibati xəta haqqında protokollara və ona əlavə edilmiş sənədlərə baxaraq, müəyyən etdim: Şəxs barəsində Azərbaycan Respublikası İXM-nin 510-cu maddəsi ilə xx.xx.2025ci il tarixli, MN ******* saylı inzibati xəta haqqında protokol tərtib edilərək baxılması üçün Göyçay Rayon Məhkəməsinə daxil olmuşdur. Şəxs barəsində həmçinin İXM-in 535.1-ci maddəsi ilə xx.xx.2025-ci il tarixli, MN ******* inzibati xəta haqqında protokol tərtib edilərək baxılması üçün Göyçay Rayon Məhkəməsinə daxil olmuşdur. Tərtib edilmiş xx.xx.2025-ci il tarixli inzibati xəta haqqında protokollara görə inzibati xəta hadisəsi xx.xx.2025-ci il tarixdə eyni şəxs Şəxs tərəfindən törədilmişdir. Azərbaycan Respublikası İnzibati Xətalar Məcəlləsinin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Həmin Məcəllənin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. “Azərbaycan Respublikası İnzibati Xətalar Məcəlləsinin 128.1-ci maddəsinin şərh edilməsinə dair’’ Azərbaycan Respublikası Konstitusiya Məhkəməsi Plenumunun 02 noyabr 2016-cı il tarixli qərarında inzibati xətalar qanunvericiliyinin analogiya üzrə tətbiqi ilə bağlı Konstitusiya Məhkəməsi Plenumunun hüquqi mövqeyi belə şərh olunmuşdur ki, "cinayət-prosessual qanunvericiliyin analogiya üzrə inzibati xəta haqqında iş üzrə icraat prosesində tətbiqi istisna edilmir. İnzibati Xətalar Məcəlləsinin 6.3-cü maddəsi inzibati xətalar qanunvericiliyinin analogiya üzrə tətbiqinə məhdudiyyət qoysa da, bu həmin hüquq sahəsinin maddi hüquq normalarına (məsuliyyəti müəyyən edən normalara) aiddir. Lakin qanunun analogiya üzrə tətbiqi o zaman mümkündür ki, oxşar prosessual münasibətlər inzibati xətalar qanunvericiliyində müvafiq norma ilə tənzimlənməsin. Azərbaycavn Respublikası Cinayət Prosessual Məcəlləsinin 49.1-ci maddəsinə əsasən yalnız bir neçə şəxsin bir cinayəti birlikdə törətməkdə ittiham olunmaları üzrə cinayət təqibi və ya bir şəxsin bir neçə cinayəti törətməsi barədə cinayət təqibi bir icraatda birləşdirilə bilər. Hesab edirəm ki, inzibati xətalar qanunvericiliyində şəxsin eyni və ya müxtəlif vaxtlarda törətdiyi bir neçə inzibati xətaya dair işlərin bir icraatda birləşdirilməsi haqqında norma olmadığından oxşar prosessual münasibətləri tənzimləyən cinayət prosessual qanunvericiliyinin norması tətbiq edilməli,İXM-in 510-cu maddəsi ilə olan inzibati xəta haqqında iş daha ciddi xəta sayılan İXM-in 535.1-ci maddəsi ilə olan inzibati xəta haqqında işə bir icraatda birləşdirilməlidir. Yuxarıda göstərilənlərə əsasən və Azərbaycan Respublikası İXM-nin 34, 109, 114cü maddələrini rəhbər tutaraq, qərara aldım: Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə olan 3(046)-513/2025 saylı inzibati xəta haqqında iş onun barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə olan digər 3(046)-514/2025 saylı inzibati xəta haqqında işlə bir icraatda birləşdirilsin. Hakim: İbrahim Fəttahov