Göyçay Rayon Məhkəməsi Qərar — İş №3(046)-64/2024

Azərbaycan Respublikası adından QƏRAR Göyçay rayonu İş № 3(046)-64/2024 12.01.2024 GÖYÇAY RAYON MƏHKƏMƏSİ Hakim Qurbanova Gülnaz İntiqam qızının sədrliyi, X3 oğlunun katibliyi, inzibati xəta haqqında protokol tərtib etmiş şəxs 4-cü tağım yol patrul xidməti inspektoru polis baş serjantı X1, barəsində inzibati xəta haqqında iş üzrə icraat aparılan şəxs Şəxs və zərər çəkmiş şəxs Zərərçəkmiş şəxs iştirakı ilə, xx xxxxxxxx 1977-ci il tarixdə Göyçay rayonunda anadan olmuş, Azərbaycan Respublikasının vətəndaşı, orta təhsilli, Göyçay rayonu, Qarayazı kəndində qeydiyyatda olan və yaşayan Şəxs Azərbaycan Respublikasının İnzibati Xətalar Məcəlləsinin 332.4-cü maddəsi ilə nəzərdə tutulmuş inzibati xətanı törətməsinə dair materiala açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 332.4-cü maddəsi ilə nəzərdə tutulmuş inzibati xətanı törətməsinə dair 12 yanvar 2024-cü il tarixli, İXP ******* saylı inzibati xəta haqqında protokol və ona əlavə edilmiş sənədlər məhkəməyə daxil olmuşdur. Məhkəmə iclasında iştirak edən inzibati xəta haqqında protokol tərtib etmiş şəxs 4-cü tağım yol patrul xidməti inspektoru polis baş serjantı X2 tərtib etdiyi protokolu müdafiə edərək göstərmişdir ki, Şəxs 12 yanvar 2024-cü il tarixdə, saat 11:30 radələrində Bakı-Şamaxı-Yevlax yolunun 194-cü kilometrliyində Qaraməryəm kəndi ərazisində “Vaz 21074” markalı **-UX-*** dövlət qeydiyyat nişanlı avtomobil ilə hərəkətdə olarkən düzgün ara məsafəsi saxlamayaraq qarşısında hərəkətdə olan “Ford Transit” markalı, **-VA-*** dövlət qeydiyyat nişanlı avtomobilə dəyərək yol nəqliyyat hadisəsi törətmişdir. Araşdırma aparılarkən müəyyən edilmişdir ki, Şəxs avtomobili idarəetmə hüququ olmadan idarə etmişdir. Şəxs barəsində Azərbaycan Respublikasının İnzibati Xətalar Məcəlləsinin 332.4-cü maddəsi ilə nəzərdə tutulmuş inzibati xətanı törədilməsinə dair inzibati xəta haqqında protokol tərtib olunmuşdur. Məhkəmə iclasında iştirak edən barəsində inzibati iş üzrə icraat aparılan şəxs Şəxs izahat verərək göstərmişdir ki, Göyçay rayonu, Qaraməryəm kəndində avtomobil ustası işləyir. xx.xx.2024-cü il tarixdə sürücülük hüququ olmadan idarə etdiyi “Vaz 21074” markalı **-UX-*** dövlət qeydiyyat nişanlı avtomobil ilə hərəkətdə olarkən düzgün ara məsafəsi saxlamamış və nəticədə qarşısında hərəkətdə olan “Ford Transit” markalı, **-VA-*** dövlət qeydiyyat nişanlı avtomobilə dəyərək yol nəqliyyat hadisəsi törətmişdir. Hadisə vaxtı zərər çəkmiş şəxsə avtomobilinə dəymiş ziyanın sığortası tərəfindən ödəniləcəyini və əlavə olaraq 400 manat pul təklif etmiş, lakin zərər çəkmiş şəxs bununla razılaşmamışdır. Hazırda etdiyi əməldən peşman olduğunu bildirmişdir. Göstərilənləri nəzərə alaraq barəsində yüngül inzibati tənbeh tətbiq edilməsini məhkəmədən xahiş etmişdir. Məhkəmə iclasında Zərərçəkmiş şəxs izahat verərək göstərmişdir ki, xx.xx.2024cü il tarixdə saat 11:30 radələrində etibarnamə əsasında idarə etdiyi “Ford Transit” markalı, **-VA-*** dövlət qeydiyyat nişanlı avtomobillə Bakı-Şamaxı-Yevlax yolunun 194cü kilometrliyində Yevlax istiqamətində hərəkətdə olarkən dönmə işığından istifadə edərək yolun solunda yerləşən yanacaq doldurmaq məntəqəsinə daxil olan zaman “Vaz 21074” markalı **-UX-*** dövlət qeydiyyat nişanlı avtomobilin sürücüsü düzgün ara məsafəsi saxlamayaraq idarə etdiyi avtomobilin arxa hissəsindən vuraraq yol-nəqliyyat hadisəsi törətmişdir. Hadisə vaxtı xəsarət alan olmamışdır. Avtomobilinə maddi ziyan dəymişdir. Hal-hazırda Şəxs qarşı heç bir şikayət və tələbi yoxdur. İş materiallarında olan və məhkəmə baxışında tədqiq edilmiş: - Azərbaycan Respublikası DİN-nin Baş Dövlət Yol Polis İdarəsinin yol patrul xidməti alayından daxil olmuş xx.xx.2024-cü il tarixli, İXP ******* saylı protokoldan görünür ki, Şəxs 12 yanvar 2024-cü il tarixdə, saat 11:30 radələrində Bakı-Şamaxı- Yevlax yolunun 194-cü kilometrliyində Qaraməryəm kəndi ərazisində “Vaz 21074” markalı **-UX-*** dövlət qeydiyyat nişanlı avtomobil ilə hərəkətdə olarkən düzgün ara məsafəsi saxlamayaraq qarşısında hərəkətdə olan “Ford Transit” markalı, **-VA-*** dövlət qeydiyyat nişanlı avtomobilə dəyərək yol nəqliyyat hadisəsi törətmişdir. Araşdırma aparılarkən müəyyən edilmişdir ki, Şəxs avtomobili idarəetmə hüququ olmadan idarə etmişdir. Şəxs barəsində Azərbaycan Respublikasının İnzibati Xətalar Məcəlləsinin 332.4-cü maddəsi ilə nəzərdə tutulmuş inzibati xətanı törədilməsinə dair inzibati xəta haqqında protokol tərtib olunmuşdur; yol-nəqliyyat sxemindən görünür ki, “Vaz 21074” markalı, **-UX-*** dövlət qeydiyyat nişanlı avtomobili Bakı-Şamaxı-Yevlax yolunun 194-cü kilometrliyində yolnəqliyyat hadisəsi törətmişdir; xx.xx.2024-cü il tarixli Azərbaycan Respublikası "xxxx" MMC-i tərəfindən verilmiş arayışdan görünür ki, “Ford Transit” markalı, **-VA-*** dövlət qeydiyyat nişanlı avtomobilə 475 manat məbləğində maddi ziyan dəymişdir. Məhkəmə inzibati xəta haqqında protokolu nəzərdən keçirib, toplanmış sübutlara məcmu halda hüquqi qiymət verərək hesab edir ki, Şəxs Azərbaycan Respublikasının İnzibati Xətalar Məcəlləsinin 332.4-cü maddəsində nəzərdə tutulan əməli törətməsi tam sübuta yetirilir. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 9.1-ci maddəsinin tələbinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. 76.1-cı maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. 332.4-cü maddəsinə əsasən bu Məcəllənin 332.2-ci maddəsində nəzərdə tutulmuş xəta nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə - beş yüz manat məbləğində cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. Məhkəmə, Azərbaycan Respublikasının İnzibati Xətalar Məcəlləsinin 32-ci maddəsinə əsasən Şəxs səmimi peşmançılığını məsuliyyəti yüngülləşdirən hal kimi nəzərə alır. Həmin Məcəllənin 33-cü maddəsinə əsasən Şəxs məsuliyyətini ağırlaşdıran halllar müəyyən edilməmişdir. Məhkəmə Şəxs barəsində inzibati tənbeh tətbiq edərkən onun şəxsiyyətini, törətdiyi inzibati xətanın xarakterini, ictimai təhlükəlilik dərəcəsini, əmlak vəziyyətini, yaşayış tərzini, o cümlədən məsuliyyəti yüngülləşdirən halın olduğunu və ağırlaşdıran halların olmadığını nəzərə alaraq hesab edir ki, onun barəsində Azərbaycan Respublikası İnzibati Xətalar Məcəlləsinin 332.4-cü maddəsinin sanksiyasında nəzərdə tutulmuş cərimə növündə inzibati tənbeh tədbirinin tətbiq edilməsi məqsədə müvafiqdir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 21, 43, 106-112, 114.1.1, 115.1, 115.5, 117, 128.2.1, 130.1 və 332.4-cü maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 332.4-cü maddəsində nəzərdə tutulmuş inzibati xətanı törətməkdə təqsirli bilinərək 500 (beş yüz) manat məbləğində inzibati cərimə edilsin. Qərarın icrası Şəxs qeydiyyatda olduğu yer üzrə Göyçay rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Göyçay Rayon Məhkəməsi vasitəsilə Şəki Apellyasiya Məhkəməsinə şikayət verilə bilər. Hakim: Gülnaz Qurbanova