Göyçay Rayon Məhkəməsi Qərar — İş №3(046)-662/2023

Azərbaycan Respublikası adından QƏRAR Göyçay rayonu İş № 3(046)-662/2023 17.11.2023 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Bürcəliyev Sabir Arzu oğlunun katibliyi, İnzibati xəta törətmiş Şəxs, X1 iştirakı ilə, xx.xx.1995-ci il tarixdə Göyçay rayonunun Xəlitli kəndində anadan olmuş, Azərbaycan Respublikasının vətəndaşı, evli, orta təhsilli, fərdi əməklə məşğul olan, Göyçay rayonunun Xəlitli kəndində yaşayan Şəxs barəsində Azərbaycan Respublikasının İXM-nin 338.7-ci maddəsi ilə Göyçay rayon Polis şöbəsindən daxil olmuş protokol üzrə materiala Göyçay şəhərində açıq məhkəmə iclasında baxaraq məhkəmə, MÜƏYYƏNETDİ: Şəxs barəsində xx.xx.2023-cü il tarixdə Azərbaycan Respublikası İXM-nin 338.7-ci maddəsi ilə inzibati xəta haqqında protokol tərtib edilərək baxılması üçün Göyçay rayon Məhkəməsinə göndərilmişdir, ona görə ki, Şəxs xx.xx.2023-cü il tarixdə saat 18 radələrində Göyçay rayonu Yeniarx kəndi ərazisində özünə məxsus 02 baş xırda buynuzlu heyvanları yolun kənarında nəzarətsiz buraxmış, nəticədə Zərərçəkmiş şəxs idarə etdiyi VAZ 2107 markalı **-OV-*** dövlət nömrə nişanlı avtomaşınla heyvanları vurmuş, VAZ 2107 markalı **-OV-*** dövlət qeydiyyat nişanlı avtomobilə maddi zərər dəymişdir. İnzibati xəta törətmiş şəxs qismində izahat vermiş Şəxs özünü təqsirli biməyərək göstərmişdir ki, xx.xx.2023-cü il tarixdə saat 18 radələrində Göyçay rayonu Yeniarx kəndi ərazisində özünə məxsus xırda buynuzlu heyvanı yolun kənarında otararkən, qəflətən 02 baş xırda buynuzlu heyvanları yola çıxmış, Zərərçəkmiş şəxs idarə etdiyi VAZ 2107 markalı **-OV-*** dövlət qeydiyyat nişanlı avtomaşınla ona məxsus heyvanı vurmuşdur. Nəticədə VAZ 2107 markalı **-OV-*** dövlət qeydiyyat nişanlı avtomaşına ziyan dəymişdir. Məhkəmədə zərərçəkmiş şəxs qismində ifadə vermiş X4 xx.xx.2023-cü il tarixdə saat 18 radələrində Göyçay rayonu Yeniarx kəndi ərazisində idarə etdiyi VAZ 2107 markalı **-OV-*** dövlət qeydiyyat nişanlı avtomaşınla hərəkətdə olarkən Şəxs məxsus iki baş xırda buynuzlu heyvanı vurmuşdur. Hadisə nəticəsində avtomobilə maddi ziyan dəymişdir. İşə materiallarına əlavə edilmiş Volqa MMC tərəfindən verilmiş xx.xx.2023-ci il tarixli arayışdan görünür ki, Zərərçəkmiş şəxs idarə etdiyi VAZ 2107 markalı **-OV-*** dövlət qeydiyyat nişanlı avtomobilə 627 manat maddi ziyan dəymişdir. İş üzrə toplanmış sübutlara hüquqi qiymət verən məhkəmə hesab edir ki, Şəxsnın Azərbaycan Respublikası İXM-nin 338.7-ci maddəsində nəzərdə tutulmuş inzibati xətanı törətməsi subuta yetir. Azərbaycan Respublikası İXM-nin 338.7-ci maddəsinə əsasən Bu Məcəllənin 338.4 və 338.5-ci maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə yüz manatdan yüz əlli manatadək məbləğdə cərimə edilir. Məhkəmə Şəxsnın şəxsiyyətini, törətdiyi əməlin xarakterini, məsuliyyətini yüngülləşdirən və məsuliyyətini ağırlaşdıran halın olmamasını nəzərə alaraq, ona təqsirləndirildiyi maddənin sanksiyasında nəzərdə tutulmuş inzibati cərimə tənbeh növünün təyin edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikası İXM-nin 43, 112, 114, 115, 117, 128-130-cu maddələrini rəhbər tutaraq QƏRARAALDİ: Şəxs Azərbaycan Respublikası İXM-nin 338.7-ci maddəsi ilə təqsirli bilinib, ona 100 manat məbləğində inzibati cərimə tənbeh növü təyin edilsin. Qərarın icrası Göyçay rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Şəki Apellyasiya Məhkəməsinə şikayət verilə bilər. Hakim: İbrahim Fəttahov