Göyçay Rayon Məhkəməsi Qərar — İş №3(046)-782/2024

Azərbaycan Respublikası adından QƏRAR Göyçay rayonu İş № 3(046)-782/2024 13.09.2024 GÖYÇAY RAYON MƏHKƏMƏSİ Hakim Qurbanova Gülnaz İntiqam qızının sədrliyi, Nəsirov Məhəmməd Yasin oğlunun katibliyi, barəsində inzibati xəta haqqında iş üzrə icraat aparılan Şəxs və Zərərçəkmiş şəxs iştirakı ilə, xx.xx.1985-ci ildə Göyçay rayonu, Çayarxı kəndində anadan olmuş, Azərbaycan Respublikasının vətəndaşı, orta təhsilli, Göyçay rayonu, Çayarxı kəndində qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 338.7-ci maddəsinin tələblərinin pozulması ilə əlaqədar Göyçay rayon Polis Şöbəsindən daxil olmuş inzibati xəta haqqında protokola və ona əlavə edilmiş sənədlərə baxaraq məhkəmə, MÜƏYYƏN ETDİ: Şəxs tərəfindən xx.xx.2024-cü il tarixdə, saat 20:40 radələrində Bakı-Şamaxı-Yevlax yolunun Göyçay rayonu, Çayarxı kəndi ərazisində özünə məxsus olan bir baş iribuynuzlu inək heyvanını nəzarətsiz qoyulması nəticəsində yol hərəkəti qaydaları pozularaq «Vaz 21074» minik markalı **-VR-*** dövlət qeydiyyat nişanlı avtomobilin sahibi Zərərçəkmiş şəxs maddi ziyan vurulmuşdur. Məhkəmə iclasının vaxtı və yeri barədə səlahiyyətli orqana (nümayəndəsinə) lazımi qaydada məlumat verilsə də, nümayəndəsi məhkəmə iclasında iştirak etməmişdir. Məhkəmə işə Azərbaycan Respublikası İnzibati Xətalar Məcəlləsinin 112.1.4-cü maddəsinə əsasən səlahiyyətli orqanın nümayəndəsinin iştirakı olmadan baxılmasını mümkün hesab etmişdir. Məhkəmə iclasında barəsində inzibati xəta haqqında iş üzrə icraat aparılan Şəxs izahat verərək bildirdi ki, 12 avqust 2024-cü il tarixdə saat 20 radələrində Göyçay rayonu, Çayarxı kəndi ərazisində özünə məxsus olan bir baş iribuynuzlu inək heyvanını sutkanın qaranlıq vaxtı nəzarətsiz çölə buraxmış, nəticədə «Vaz 21074» minik markalı **-VR-*** dövlət qeydiyyat nişanlı avtomobil tərəfindən vurulmuşdur. Məhkəmə iclasında Zərərçəkmiş şəxs izahat verərək bildirdi ki, xx.xx.2024-cü il tarixdə, saat 20:40 radələrində etibarnamə əsasında idarə etdiyi «Vaz 21074» minik markalı **-VR-*** dövlət qeydiyyat nişanlı avtomobili ilə Bakı-Şamaxı-Yevlax yolunun Göyçay rayonu, Çayarxı kəndi ərazisində hərəkətdə olarkən sutkanın qaranlıq vaxtı bir baş iribuynuzlu inək heyvanı qarşısına çıxmış və nəticədə onu vurmuşdur. Hadisədən sonra avtomobilinə 2152 manat maddi ziyan dəymişdir. Ona dəymiş ziyanla bağlı Şəxs avtomobilinə dəymiş ziyanın ödənilməsini təklif etmiş, lakin o razılaşmayaraq ziyanın ödənilməsindən boyun qaçırmışdır. Məhkəmə proses iştirakçılarının izahatlarını dinləyib, inzibati xəta haqqında protokolu nəzərdən keçirib, toplanmış sübutlara məcmu halda hüquqi qiymət verərək hesab edir ki, Şəxs İXM-nin 338.7-ci maddəsində nəzərdə tutulan əməli törətməsi tam sübuta yetirilir. İş materiallarında olan və məhkəmə iclasında tədqiq edilmiş: 15 avqust 2024-cü il tarixli AP seriyalı ******* saylı inzibati xəta haqqında protokoldan görünür ki Şəxs tərəfindən xx.xx.2024-cü il tarixdə, saat 20:40 radələrində Bakı-Şamaxı-Yevlax yolunun Göyçay rayonu, Çayarxı kəndi ərazisində özünə məxsus olan bir baş iribuynuzlu inək heyvanını nəzarətsiz qoyulması nəticəsində yol hərəkəti qaydaları pozularaq «Vaz 21074» minik markalı **-VR-*** dövlət qeydiyyat nişanlı avtomobilin sahibi Zərərçəkmiş şəxs maddi ziyan vurulmuşdur. Nəqliyyat vasitələrindən istifadə edilməsi haqqında ƏN-Vİİ nömrəli 009360 saylı etibarnamənin surətindən görünür ki, «Vaz 21074» minik markalı **-VR-*** dövlət qeydiyyat nişanlı avtomobilin mülkiyyətçisi X1 tərəfindən xx.xx.2024-cü il tarixdə Zərərçəkmiş şəxs nəqliyyat vasitəsini idarə etmək üçün etibarnamə vermişdir. xx.xx.2024-cü il tarixli Azərbaycan Respublikası "xxxx" MMC-i tərəfindən verilmiş arayışdan görünür ki, «Vaz 21074» minik markalı **-VR-*** dövlət qeydiyyat nişanlı avtomobilə 2152 manat məbləğində maddi ziyan dəymişdir. Yol-nəqliyyat hadisəsinin sxemindən görünür ki, «Vaz 21074» minik markalı **-VR-*** dövlət qeydiyyat nişanlı avtomobil idarə edilərkən Bakı-Şamaxı-Yevlax yolunun Göyçay rayonu, Çayarxı kəndi ərazisində yol-nəqliyyat hadisəsi törədilmişdir. Beləliklə, məhkəmə iclasında müəyyən edilmişdir ki, 12 avqust 2024-cü il tarixdə Bakı- Şamaxı-Yevlax yolunun Göyçay rayonu, Çayarxı kəndi ərazisində Göyçay rayonu, Çayarxı kəndin sakini Şəxs özünə məxsus bir baş iribuynuzlu heyvanı yolda nəzarətsiz qoymuş, nəticədə həmin heyvan yolun qaranlıq hissəsindən asfalt örtüklü yola çıxmışdır. Həmin vaxt yolda hərəkətdə olan Göyçay şəhər sakini Zərərçəkmiş şəxs idarə etdiyi «Vaz 21074» minik markalı **-VR-*** dövlət qeydiyyat nişanlı avtomobil ilə öz hərəkət zolağında heyvanı vurmuş və nəticədə avtomobilinə maddi ziyan dəymişdir. Bununla da Şəxs İXM-nin 338.7-ci maddəsi ilə nəzərdə tutulmuş inzibati xətanı törətmişdir. Azərbaycan Respublikasının İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikası İXM-nin 338.5.1 və 338.5.2-ci maddələrinə əsasən mal-qaranın yolda nəzarətsiz qoyulmasına və mal-qaranın asfalt və sement-beton örtüklü yollarla ötürülməsinə görə inzibati məsuliyyət vardır. 338.7-ci maddəsinə əsasən Bu Məcəllənin 338.4, 338.4-1 və 338.5-ci maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə - yüz manatdan yüz əlli manatadək məbləğdə cərimə edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə İXM-nin 32.1.1-ci maddəsinə əsasən Şəxs səmimi peşmançılığını məsuliyyətini yüngülləşdirən hal kimi nəzərə alır. Şəxs İXM-nin 33-cü maddəsində nəzərdə tutulmuş məsuliyyətini ağırlaşdıran hal yoxdur. Məhkəmə, Şəxs şəxsiyyətini xarakretizə edən halları, törətdiyi inzibati xətanın xarakterini, təqsirinin dərəcəsini, əmlak vəziyyətini nəzərə alaraq hesab edir ki, onun barəsində İXM-nin 338.7-ci maddəsinin sanksiyasında nəzərdə tutulmuş həddə cərimə növündə inzibati tənbeh tədbirinin tətbiq edilməsi məqsədə müvafiqdir. Yuxarıda göstərilənlərə əsasən və İXM-nin 40, 43, 48-51, 114-117, 128-130 və 338.7-ci maddələrini rəhbər tutaraq, məhkəmə QƏRARA ALDİ: İnzibati xəta törətmiş Şəxs Azərbaycan Respublikasının İnzibati Xətalar Məcəlləsinin 338.7ci maddəsi ilə təqsirli bilinərək 100 (yüz) manat cərimə edilsin. Qərarın icrası Şəxs qeydiyyatda olduğu yer üzrə Göyçay rayon İcra və Probasiya Şöbəsinə həvalə edilsin. Qərarın surəti, təqdim edildiyi və ya alındığı gündən on gün müddətində qərardan Göyçay rayon Məhkəməsi vasitəsi ilə Şəki Apellyasiya Məhkəməsinə şikayət verilə bilər. Sədrlik edən: Gülnaz Qurbanova