Göyçay Rayon Məhkəməsi Qərardad — İş №3(046)-786/2025

Azərbaycan Respublikası adından QƏRARDAD Göyçay rayonu İş № 3(046)-786/2025 30.10.2025 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədirliyi, Səmidli Nərmin Yaşar qızının katibliyi ilə, barəsində inzibati xəta haqqında icraat aparılan Şəxs barəsində Azərbaycan Respublikası İXM-nin 510-cü maddəsi ilə Göyçay rayon Polis Şöbəsindən daxil olmuş inzibati xəta haqqında protokol üzrə materiallara baxaraq, məhkəmə müəyyən etdi: Şəxs barəsində Azərbaycan Respublikası İXM-nin 510-cu maddəsi ilə xx.xx.2025-ci il tarixli MN ******* və MN ******* nömrəli inzibati xəta protokolları tərtib edilərək baxılması üçün Göyçay Rayon Məhkəməsinə göndərilmişdir. Məhkəmə hesab edir ki, Şəxs barəsində təritib edilmiş inzibati xəta protokolları üzrə işə eyni vaxtda məhkəmənin digər hakimi Gülnaz Qurbanova tərəfindən baxıldığından həmin inzibati işlər bir icraatda birləşdirilməli, inzibati xəta haqqında material hakim Gülnaz Qurbanovaya təhvil verilməlidir. Azərbaycan Respublikası İnzibati Xətalar Məcəlləsinin 34.1-ci maddəsinə əsasən bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. 34.2. Şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. 34.3. Şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Yuxarıda göstərilənlərə əsasən və Azərbaycan Respublikası İXM-nin 34, 109, 114cü maddələrini rəhbər tutaraq, məhkəmə qərar verdi: Şəxs barəsində təritib edilmiş inzibati xəta haqqında protokollar üzrə işə eyni vaxtda məhkəmənin digər hakimi Gülnaz Qurbanova tərəfindən baxıldığından həmin inzibati işlər bir icraatda birləşdirilsin, inzibati xəta haqqında material hakim Gülnaz Qurbanovaya təhvil verilsin. Hakim: İbrahim Fəttahov