Göyçay Rayon Məhkəməsi Qərardad — İş №3(046)-83/2024

Azərbaycan Respublikası adından QƏRARDAD Göyçay rayonu İş № 3(046)-83/2024 25.01.2024 GÖYÇAY RAYON MƏHKƏMƏSİ Hakim Qurbanova Gülnaz İntiqam qızının sədrliyi ilə, X1 Azərbaycan Respublikası Daxili İşlər Nazirliyi Baş X7 İdarəsi tərəfindən qəbul edilmiş xx.xx.2023-cü il tarixli, EQ 18627186 saylı inzibati tənbeh vermə haqqında qərarından verdiyi şikayətə baxaraq, MÜƏYYƏN ETDİ: X2 məhkəməyə müraciət edərək Azərbaycan Respublikası Daxili İşlər Nazirliyi Baş X7 İdarəsi tərəfindən qəbul edilmiş xx.xx.2023-cü il tarixli, EQ 18627186 saylı inzibati tənbeh vermə haqqında qərarının ləğv olunmasını və cərimə balının silinməsini xahiş etmişdir. Məhkəmə şikayət ərizəsini nəzərdən keçirərək hesab edir ki, şikayət ərizəsi geri qaytarılmalıdır. Belə ki, Azərbaycan Respublikasının İnzibati Xətalar Məcəlləsinin 106.0.4-cü maddəsinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən işin icraatını rədd edən halların mövcud olub-olmaması məsələsini, 106.0.5-ci maddəsinə əsasən isə işə mahiyyəti üzrə baxılması üçün işdə kifayət qədər sübutlar toplanıb-toplanmaması məsələlərini həll edir. X2 şikayət ərizəsində xx.xx.2023-cü il tarixdə etibarnamə əsasında istifadəsində olan “Chery A15” **-HR-*** dövlət qeydiyyat nişanlı avtomobil vasitəsi ilə Bakı-Şamaxı- Yevlax yolunun Göyçay rayonu Qaraməryəm kəndi ərazisindən Göyçay rayonu istiqamətinə hərəkət edərkən sürət həddini aşmağa görə barəsində inzibati tənbeh vermə haqqında qərar qəbul edilməsini göstərsə də, avtomobili etibarnamə əsasında idarə etməsi barədə etibarnamənin surətini iş materiallarına əlavə etməmişdir. Belə olan halda isə xx.xx.2023-cü il tarixdə avtomobili X2 tərəfindən etibarnamə əsasında idarə etməsini müəyyən etmək mümkün olmamışdır. Qeyd olunan hal isə, yəni şikayətçinin etibarnamənin surətini iş materiallarına əlavə edilməməsi hazırda işin məhkəmə icraatını rədd edən hal kimi qiymətləndirilməlidir. Bu səbəbdən də məhkəmə hesab edir ki, hazırki iş üzrə məhkəməyə təqdim edilmiş sənədlərə əsasən inzibati xəta haqqında işin baxılmağa hazırlanması mümkün deyil, ona görə də, X3 Azərbaycan Respublikası Daxili İşlər Nazirliyi Baş X7 İdarəsi tərəfindən qəbul edilmiş xx.xx.2023-cü il tarixli, EQ 18627186 saylı inzibati tənbeh vermə haqqında qərarının ləğv edilməsinə dair şikayəti geri qaytarılmalıdır. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilməlidir. Göstərilənlərə əsasən və Azərbaycan Respublikasının İnzibati Xətalar Məcəlləsinin 106 və 109-cu maddələrini rəhbər tutaraq, məhkəmə QƏRARA ALDİ: X1 Azərbaycan Respublikası Daxili İşlər Nazirliyi Baş X7 İdarəsi tərəfindən qəbul edilmiş xx.xx.2023-cü il tarixli, EQ 18627186 saylı inzibati tənbeh vermə haqqında qərardan verdiyi şikayət və əlavə edilmiş sənədlər geri qaytarılsın. Hakim: Gülnaz Qurbanova