Laçın Rayon Məhkəməsi Qərardad — İş №3(047)-125/2023

Azərbaycan Respublikası adından QƏRARDAD Laçın rayonu İş № 3(047)-125/2023 02.10.2023 LAÇIN RAYON MƏHKƏMƏSİ Hakim İbrahimov Cavad Cavanşir oğlunun sədrliyi, Məhkəmə iclas katibi Şükürov Yaşasın Valeh oğlunun katibliyi ilə, Şəxs barəsində Azərbaycan Respublikası İnzibati Xətalar Məcəlləsinin 528.1-1-ci maddəsi ilə Ağcabədi rayon İcra və Probasiya Şöbəsindən daxil olmuş inzibati xəta haqqında materiala baxaraq, müəyyən etdi: Şəxs barəsində Azərbaycan Respublikası İnzibati Xətalar Məcəlləsinin 528.1-1-ci maddəsi ilə tərtib edilmiş 02 oktyabr 2023-cü il tarixli, MN ******* saylı inzibati xəta haqqında protokol və ona əlavə edilmiş sənədlər 02 oktyabr 2023-cü il tarixdə Laçın Rayon Məhkəməsinə daxil olmuşdur. İnzibati xəta haqqında toplanmış materialları tədqiq edərək hesab edirəm ki, inzibati xəta haqqında protokol və ona əlavə olunmuş sənədlər geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 109.1.6-cı maddəsində təsbit edilmişdir ki, inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. İş materialları araşdırılarkən müəyyən olundu ki, icra sənədi üzrə tam sorğular edilməmiş, borclunun gəlirləri barədə məlumatlar yoxlanılmamış və tələbin yönəldilə biləcəyi əmlak müəyyənləşdirilməmişdir. Bu natamamlığı isə işə baxılarkən tamamlamaq mümkün deyildir. Bundan başqa Ağcabədi rayon İcra və Probasiya Şöbəsinin rəisi Faiq Mustafayev xx.xx.2023-cü il tarixli məktubla məhkəməyə müraciət edərək tərəflər arasında razılaşma əldə olunduğundan inzibati xəta haqqında protokolun və ona əlavə olunmuş sənədlərin baxılmadan geri qaytarılmasını xahiş etmidir. Qeyd edilənlərə əsasən də məhkəmə inzibati xəta haqqında 02 oktyabr 2023-cü il tarixli, MN ******* saylı protokolun və ona əlavə olunmuş sənədlərin baxılmadan Ağcabədi rayon İcra və Probasiya Şöbəsinə geri qaytarılması qənaətinə gəlir. Bundan əlavə Azərbaycan Respublikası Konstitusiya Məhkəməsi Plenumunun 03 may 2019-cu il tarixli qərarına əsasən Azərbaycan Respublikası İnzibati Xətalar Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apellyasiya şikayəti vermək hüququ istisna edilir. Yuxarıda göstərilənlərə əsasən və Azərbaycan Respublikası İnzibati Xətalar Məsəlləsinin 109-cu maddəsini rəhbər tutaraq, məhkəmə qərara aldı: Şəxs barəsində Azərbaycan Respublikası İnzibati Xətalar Məcəlləsinin 528.1-1-ci maddəsi ilə tərtib edilmiş 02 oktyabr 2023-cü il tarixli, MN ******* saylı inzibati xəta haqqında protokol və ona əlavə edilmiş sənədlər baxılmadan Ağcabədi rayon İcra və Probasiya Şöbəsinə geri qaytarılsın. Qərardaddan şikayət verilə bilməz. Hakim: Cavad İbrahimov