Lerik Rayon Məhkəməsi Qərar — İş №3(048)-126/2024

Azərbaycan Respublikası adından QƏRAR Lerik rayonu İş № 3(048)-126/2024 05.06.2024 LERİK RAYON MƏHKƏMƏSİ Hakim Kiçibəyov Atabəy Qələbəy oğlunun sədrliyi, Məsləhətçi (iclas katibi) Zəkiyev Vüsal Asif oğlunun katibliyi, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1985-ci ildə Lerik rayonu Lerik qəsəbəsində anadan olmuş, Azərbaycan Respublikası vətəndaşı, orta təhsilli, ailəli, işləməyən, Lerik şəhəri A.Əsədullayev küçəsi ev 5-də qeydiyatda olmaqla orada yaşayan Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə Lerik Rayon Polis Şöbəsindən daxil olmuş inzibati xəta haqqında materiala baxaraq, müəyyənetdi: Şəxs 04 iyun 2024-cü il tarixdə saat 16:50 radələrində Lerik rayonu Büzeyir kəndində polis əməkdaşlarının qanuni tələblərinə qəsdən tabe olmayaraq Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclası zamanı yuxarıda göstərilən inzibati xətanı törətməkdə özünü təqsirli bilərək ifadəsində göstərdi ki, əsəbi olduğundan polisin qanuni tələblərinə tabe olmamışdır. Məhkəmə iclası zamanı Lerik RPŞ-in PPXB-in polis serjantı X1 izahatında göstərdi ki, 04 iyun 2024-cü il tarixdə digər polis əməkdaşları ilə birlikdə Lerik-Zuvand yolunda xidmətdə olarkən həmin yolun Blaband kəndindən keçən hissəsində Kamaz markalı ** UR *** dövlət qeydiyyat nişanlı yük avtomobilin hərəkətdə olduğunu və yük hissəsində qum daşıdığını müşahidə etdiklərindən avtomobili saxlayaraq daşıdığı yüklə bağlı sənədinin olub-olmadığını soruşduqda, sürücü qumu Zuvand çayından yüklədiyini və sənədinin olmadığını deyərək yük hissəsində olan qumu yola başaldaraq şəhər istiqamətinə doğru hərəkət etməyə başlamışdır. Avtomobili saxlaması üçün ona saxla işarəsi verilsə də lakin o avtomobili saxlamadığından Lerik RPş-in NH-nə bu barədə məlumat vermişlər. Avtomobili Lerik şəhər Avtovaqzal ərazisində saxladıqda Şəxs ucadan səs-küy salmış və onu sakitliyə dəvət etsələrdə lakin onların qanuni tələblərinə tabe olmamışdır.Ona görə də raportla Lerik RPŞ-nə müraciət etmişdir. Məhkəmə iclası zamanı şahid qismində dindirlmiş Lerik RPŞ-in PPXB-in polis serjantı X2 şahid qismində dindirlmiş Lerik RPŞ-in PPXB-in polis serjantı X1 ilə eyni məzmunlu izahat verdi. Məhkəmə inzibati icraatda iştirak edən şəxslərin izahatını dinləyib, inzibati xəta haqqında xx.xx.2024-cü il tarixli, MN № ******* saylı protokolu və əlavə edilmiş sənədləri araşdıraraq hesab edir ki, Şəxs əməlində Azərbaycan Respublikası İXM-nin 535.1-ci maddəsinin tərkibi vardır və o, həmin maddə ilə təqsirli bilinərək barəsində inzibati tənbeh tətbiq edilməlidir. İnzibati xəta törətmiş Şəxs əməlindən peşiman olması, ilk dəfə inzibati xəta törətməsi inzibati xətaya görə məsuliyyəti yüngülləşdirən hallardır. Onun əməlində inzibati xətaya görə məsuliyyəti ağırlaşdıran hallar yoxdur. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə inzibati xəta törətmiş Şəxs inzibati tənbeh tətbiq edərkən onun törətdiyi xətanın xarakterini, şəxsiyyətini, təqsirinin dərəcəsini, iş üzrə məsuliyyəti yüngülləşdirən halın olmasını və məsuliyyəti ağırlaşdıran halların olmamasını nəzərə alaraq, onun barəsində cərimə növündə inzibati tənbeh tətbiq edilməsi məqsədə müvafiqdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 07, 53, 114, 115, 128-130-cu maddələrinə rəhbər tutub, məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinib 200 (iki yüz) manat miqdarında cərimə edilsin. Qərardan rəsmi qaydada verildiyi vaxtdan 10 gün müddətinə Lerik Rayon Məhkəməsi vasitəsi ilə Şirvan Apelyasiya Məhkəməsinə apelyasiya şikayəti verilə bilər. Hakim: Atabəy Kiçibəyov