Lerik Rayon Məhkəməsi Qərar — İş №3(048)-168/2024

Azərbaycan Respublikası adından QƏRAR Lerik rayonu İş № 3(048)-168/2024 08.08.2024 LERİK RAYON MƏHKƏMƏSİ Lerik Rayon Məhkəməsinin hakimi Zeynalov Yusif Səmədağa oğlunun sədrliyi, Məhkəmə iclas katibi Hacızadə Emin Rüfət oğlunun katibliyi, inzibati xəta haqqında protokol tərtib etmiş şəxs Lerik RPŞ-nin sahə inspektoru, polis leytenantı X1, barəsində inzibati xəta haqqında icraat aparılan şəxs Şəxs iştirakları ilə, xx.xx.2004-cü il tarixdə Lerik rayonunda anadan olmuş, Azərbaycan Respublikasının vətəndaşı, subay, ünvan 1 ünvanında qeydiyyatda olan Şəxs barəsində Azərbaycan Respublikasının İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xəta haqqında protokola və ona əlavə edilmiş materiallara baxaraq, məhkəmə MÜƏYYƏN ETDİ: Azərbaycan Respublikası Daxili İşlər Nazirliyi Lerik Rayon Polis şöbəsi tərəfindən Azərbaycan Respublikası İnzibati Xətalar Məcəlləsinin 535.1-ci maddəsinə əsasən Şəxs barəsində tərtib olunmuş inzibati material baxılması üçün Bakı şəhəri Səbail Rayon Məhkəməsinə göndərilmişdir. İş materiallarında olan 08 avqust 2024-cü il tarixdə tərtib edilmiş MN seriyalı, ******* saylı inzibati xəta haqqında protokoldan görünür ki, Şəxs xx.xx.2024-cü il tarixdə, saat təxminən 15:30 radələrində Lerik şəhəri, Nizami küçəsində polis əməkdaşlarının qanuni tələblərinə qəsdən tabe olmamışdır. İş materiallarında olan inzibati qaydada tutma haqqında 07 avqust 2024-cü il tarixli, protokoldan görünür ki, Şəxs xx.xx.2024-cü il tarixdə, saat 18:00-da inzibati qaydada tutulmuşdur. Məhkəmə iclasında iştirak edən inzibati xəta haqqında protokolu tərtib etmiş şəxs Lerik RPŞ-nin sahə inspektoru, polis leytenantı X2 izahatında göstərmişdir ki, raporta əsasən xx.xx.2024-cü il tarixdə YPX-nin əməkdaşları Maqsud Abbasov və Şahid birlikdə “Kia Sportage” markalı **-YP-*** dövlət qeydiyyat nişanlı YPX-nin avtomobili ilə xidmətdə olarkən Lerik şəhəri, Nizami küçəsində hərəkətdə olan “Uaz” markalı, **-BA-*** dövlət qeydiyyat nişanlı avtomobilin sürücüsünün idarə etdiyi avtomobili sürətlə idarə etdiyi və manevr qaydalarını pozduğu üçün tərəflərindən saxla işarəsi verilmiş, sürücüyə yaxınlaşaraq özlərini təqdim edərək törətdiyi inzibati xəta barədə ona məlumat verən zaman həmin şəxs onlara “ne deyirsən ə!”, “bezdirmisiz məni mən sizin başınıza oyun açacam”, “sizin hamınızın paqonunu sökdürəcəm” ifadələrlə cavab vermişdir. Polis əməkdaşları həmin şəxsi nizam-intizama dəvət etsələr də, həmin şəxs öz əməllərindən əl çəkməmiş, nalayiq ifadələrlə polis əməkdaşlarını təhqir etməyə başlamışdır. Polis əməkdaşları həmin şəxsi polis şöbəsinə dəvət etmiş, lakin həmin şəxs “məni heç kimi şöbəyə apara bilməz” deyərək hadisə yerindən yayınmaq istəmişdir. Polis əməkdaşları onu məcburi qaydada xidməti avtomobilə əyləşdirərək polis şöbəsinə gətirmişlər. Şöbədə aparılmış araşdırma zamanı həmin şəxsin Şəxs olduğu müəyyən edilmiş və onun barəsində İXM-nin 535.1-ci maddəsi ilə protokol tərtib edilmişdir. Göstərilənləri nəzərə alaraq, Şəxs Azərbaycan Respublikası İnzibati Xətalar Məcəlləsinin 535.1-ci maddəsinə uyğun olaraq inzibati məsuliyyətə cəlb edilməsini məhkəmədən xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs özünü təqsirli bilərək izahatında göstərmişdir ki, xx.xx.2024-cü il tarixdə, saat təxminən 15:30 radələrində Lerik rayonunun mərkəzi küçəsində idarə etdiyi “Uaz” markalı, **-BA-*** dövlət qeydiyyat nişanlı avtomobillə hərəkətdə olan zaman əks yola çıxdığı üçün YPX əməkdaşları onu saxlamışdır. O, YPX əməkdaşlarına nə üçün əks yola girdiyini bildirdikdə polis əməkdaşları onun idarə etdiyi avtomaşının duracağa getməli olduğunu bildirmişlər. O, isə cavabında “mənim idarə etdiyim avtomaşını heç kim duracağa apara bilməz” demişdir. Bundan sonra polis əməkdaşları onu məcburi qaydada xidməti avtomobilə əyləşdirərək polis şöbəsinə gətirmişlər. Sonda o, əməlindən səmimi peşman olduğunu bildirmişdir. Məhkəmə iclasında şahid qismində dindirilmiş Lerik RPŞ-nin DYPB-nin YPX-nin inspektoru Şahid izahatında göstərmişdir ki, xx.xx.2024-cü il tarixdə YPX-nin əməkdaşı Maqsud Abbasovla birgə “Kia Sportage” markalı **-YP-*** dövlət qeydiyyat nişanlı YPX-nin avtomobili ilə xidmətdə olarkən Lerik şəhəri, Nizami küçəsində hərəkətdə olan “Uaz” markalı, **-BA-*** dövlət qeydiyyat nişanlı avtomobilin sürücüsünün idarə etdiyi avtomobili sürətlə idarə etdiyini və manevr qaydalarını pozduğuna görə tərəflərindən saxla işarəsi verilmiş, sürücüyə yaxınlaşaraq özlərini təqdim edərək törətdiyi inzibati xəta barədə ona məlumat verən zaman həmin şəxs onlara “ne deyirsən ə!”, “bezdirmisiz məni mən sizin başınıza oyun açacam”, “sizin hamınızın paqonunu sökdürəcəm” ifadələrlə cavab vermişdir. Onlar həmin şəxsi nizam-intizama dəvət etsələr də, həmin şəxs öz əməllərindən əl çəkməmiş, nalayiq ifadələrlə onları təhqir etməyə başlamışdır. Onlar həmin şəxsi polis şöbəsinə dəvət etmiş, lakin həmin şəxs “məni heç kimi şöbəyə apara bilməz” deyərək hadisə yerindən yayınmaq istəmişdir. Daha sonra həmin şəxsi məcburi qaydada xidməti avtomobilə əyləşdirərək polis şöbəsinə gətirmişlər. Şöbədə aparılmış araşdırma zamanı həmin şəxsin Şəxs olduğu müəyyən edilmişdir. Məhkəmə proses iştirakçılarının və şahidin izahatını dinləyib, inzibati xəta haqqında işin materiallarını araşdıraraq hesab edir ki, Şəxs Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməsi tam sübuta yetirilir. Belə ki, iş materiallarına əlavə edilmiş Lerik RPŞ-nin DYPB-nin YPX-nin əməkdaşı polis baş serijantı Maqsud Abbasov tərəfindən yazılmış xx.xx.2024-cü il tarixli raportdan görünür ki, xx.xx.2024-cü il tarixdə YPX-nin əməkdaşları Maqsud Abbasov və Şahid “Kia Sportage” markalı **-YP-*** dövlət qeydiyyat nişanlı YPX-nin avtomobili ilə xidmətdə olarkən Lerik şəhəri, Nizami küçəsində hərəkətdə olan “Uaz” markalı, **-BA-*** dövlət qeydiyyat nişanlı avtomobilin sürücüsünün idarə etdiyi avtomobili sürətlə idarə etdiyi və manevr qaydalarını pozduğu üçün tərəflərindən saxla işarəsi verilmiş, sürücüyə yaxınlaşaraq özlərini təqdim edərək törətdiyi inzibati xəta barədə ona məlumat verən zaman həmin şəxs onlara “ne deyirsən ə!”, “bezdirmisiz məni mən sizin başınıza oyun açacam” “sizin hamınızın paqonunu sökdürəcəm” ifadələrlə cavab vermişdir. Onlar həmin şəxsi nizam-intizama dəvət etsələr də, həmin şəxs öz əməllərindən əl çəkməmiş, nalayiq ifadələrlə onları təhqir etməyə başlamışdır. Onlar həmin şəxsi polis şöbəsinə dəvət etmiş, lakin həmin şəxs “məni heç kimi şöbəyə apara bilməz” deyərək hadisə yerindən yayınmaq istəmişdir. Onlar həmin şəxsi məcburi qaydada xidməti avtomobilə əyləşdirərək polis şöbəsinə gətirmişlər. Şöbədə aparılmış araşdırma zamanı həmin şəxsin Şəxs olduğu müəyyən edilmişdir. Məhkəmə iclasında iş materiallarına əlavə olunmuş CD diskdə olan video-görüntüyə baxış keçirilən zamanı Şəxs polis əməkdaşları ilə mübahisə edərək onların qanuni tələblərinə qəsdən tabe olmadığı müəyyən edilmişdir. Beləliklə, araşdırma zamanı müəyyən edilmişdir ki, Şəxs xx.xx.2024-cü il tarixdə, saat təxminən 15:30 radələrində Lerik şəhəri, Nizami küçəsində polis əməkdaşlarının qanuni tələblərinə qəsdən tabe olmayaraq Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətmişdir. Məhkəmə qeyd edir ki, Azərbaycan Respublikasının İnzibati Xətalar Məcəlləsinin 535.1-ci maddəsinə əsasən, polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikasının İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-cü maddəsinə əsasən, Bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Həmin Məcəllənin 32.1.1-ci maddəsinə əsasən, inzibati xəta törətmiş şəxsin səmimi peşmançılığı inzibati tənbeh tətbiq edilərkən məsuliyyəti yüngülləşdirən hal hesab edilir. İnzibati tənbeh tətbiq edilərkən bu Məcəllənin 32.1.1-32.1.7-ci maddələrində göstərilməmiş başqa hallar da hakim tərəfindən məsuliyyəti yüngülləşdirən hal qismində nəzərə alına bilər. (32.2.) Məhkəmə, barəsində inzibati xəta haqqında icraat aparılan şəxs Şəxs əməlindən peşman olmasını məsuliyyəti yüngülləşdirən hal kimi nəzərə alır. Barəsində inzibati xəta haqqında icraat aparılan şəxs Şəxs məsuliyyətini ağırlaşdıran hallar müəyyən edilməmişdir. Məhkəmə, Şəxs barəsində inzibati tənbeh tətbiq edərkən işin hallarını, törətdiyi inzibati xətanın xarakterini, təqsirinin dərəcəsini, o cümlədən məsuliyyəti yüngülləşdirən halı, ağırlaşdıran halların olmamasını nəzərə alaraq, Şəxs cəmiyyətdən təcrid edilmədən islah edilməsini mümkün hesab etmir və onun barəsində təqsirli bilindiyi maddənin sanksiyasında nəzərdə tutulmuş inzibati həbs tənbeh tədbirinin tətbiq edilməsinin qanuni və əsaslı olması ilə yanaşı, həm də inzibati tənbehin məqsədinə uyğun olması nəticəsinə gəlir. Beləliklə, qeyd edilənləri nəzərə alaraq məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanı törətməkdə təqsirli bilinməli, barəsində 10 (on) gün müddətinə inzibati həbs tətbiq edilməli və inzibati həbs müddətinin əvvəli 07 avqust 2024-cü il tarixdən, saat 18:00-dan hesablanmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə təqsirli bilinsin və barəsində 10 (on) gün müddətinə inzibati həbs tətbiq edilsin. İnzibati həbs müddətinin əvvəli 07 avqust 2024-cü il tarixdən, saat 18:00-dan hesablansın. Qərarın icrası Lerik rayon Polis şöbəsinə həvalə edilsin. Qərar dərhal icra olunsun. Qərarın surəti rəsmi qaydada verildiyi gündən 10 (on) gün müddətində qərardan Lerik rayon Məhkəməsi vasitəsi ilə və ya birbaşa Şirvan Apellyasiya Məhkəməsinə apellyasiya şikayəti verilə bilər. Hakim: Yusif Zeynalov