Lerik Rayon Məhkəməsi Qərar — İş №3(048)-257/2023

Azərbaycan Respublikası adından QƏRAR Lerik rayonu İş № 3(048)-257/2023 07.09.2023 LERİK RAYON MƏHKƏMƏSİ Hakim Kiçibəyov Atabəy Qələbəy oğlunun sədrliyi, Məsləhətçi (iclas katibi) Mirzəyev Faiq Fizuli oğlunun katibliyi, Barəsində inzibati xəta haqqında iş üzrə icraat aparılan şəxs Şəxs və Zərərçəkmiş şəxs iştirakı ilə, xx.xx.1994-cü ildə Lerik rayonu, Lerik qəsəbəsində anadan olmuş, Azərbaycan Respublikası vətəndaşı, orta təhsilli, ailəli, işləməyən, Lerik şəhəri, H.Şıxəliyev küçəsi ev 103-də qeydiyyatda olmaqla, yaşayan Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə Lerik Rayon Polis Şöbəsindən daxil olmuş inzibati xəta haqqında materiala baxaraq, müəyyənetdi: Şəxs xx.xx.2023-cü il tarixdə saat 12 radələrində Lerik şəhəri H.Aslanov küçəsində yerləşən köhnə Tütün İdarəsinin qarşısında olan yolda Zərərçəkmiş şəxs üzərinə hücum çəçmiş və onu söyərək inzibati qaydanı pozmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək izahatında göstərdi ki, Zərərçəkmiş şəxs qızı Zəkiyyə ilə ailəli olmuş və xasiyyətləri uyğun gəlmədiyindən ayrılmışlar. Birgə nikahlarından bir azyaşlı uşağı var. Uşaq anası Zəkiyyə ilə birlikdə yaşayır. xx.xx.2023-cü il tarixdə saat 11 radələrində Lerik rayon məhkəməsində olan mülki işləri bitdikdən sonra babası ilə birlikdə evinə getmiş Zenfira və Zəkiyyəni söyüb təhqir etməmişdir. Göstərilənləri nəzərə alaraq ona köməklik edilməsini xahiş edir. Məhkəmə iclası zamanı zərərçəkmiş şəxs qismində dindirlimiş Zərərçəkmiş şəxs izahatında göstərdi ki, qızı Zəkiyyə ilə Asim ailəli olmuş və xasiyyətləri uyğun gəlmədiyindən ayrılmışlar. Birgə nikahlarından bir azyaşlı uşağı var. Uşaq anası Zəkiyyə ilə birlikdə yaşayır. xx.xx.2023-cü il tarixdə saat 11 radələrində Lerik rayon məhkəməsində olan mülki işləri bitdikdən sonra məhkəmə binasında çıxaraq evlərinə gedən zaman Asim onların araxasıyca gəlmiş və Lerik şəhəri H.Aslanov küçəsində köhnə Tütün İdarəsinin qarşısnda onun üzərinə hücüm çəkərək söymüş və təhqir etmişdir. Ona görə də barəsində şikayət etmişdir.Odur ki, göstərilənləri nəzərə alaraq inzibati xəta törətmiş şəxsə qanuna müvafiq qaydada cəza verilməsini xahiş edir. Məhkəmə iclasında şahid şəxs qismində dindirlmiş X1 zərərçəkmiş şəxs qismində dindirlmiş Zərərçəkmiş şəxs ilə eyni məzmunlu ifadə verərərək inzibati xəta törətmiş şəxsə qanuna müvafiq qaydada cəza verilməsini xahiş edir. Məhkəmə inzibati icraatda iştirak edən şəxslərin izahatını dinləyib, inzibati xəta haqqında xx.xx.2023-cü il tarixli, MN № ******* saylı protokolu və ona əlavə edilmiş sənədləri araşdıraraq hesab edir ki, Şəxs əməlində Azərbaycan Respublikası İXM-nin 510-cu maddəsinin tərkibi vardır və o, həmin maddə ilə təqsirli bilinərək barəsində inzibati tənbeh tətbiq edilməlidir. İş materiallarında olan Lerik Rayon Məhkəməsinin 27 mart 2023-cü il tarixli 3 (048)- 97/2023 saylı inzibati tənbeh vermə haqqında qərarından görünür ki, Şəxs Azərbaycan Respublikası İXM-nin 510-cu maddəsinə əsasən 50 manat inzibati qaydada cərimə olunmuşdur. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Həmin Məcəllənin 33.1.2-ci maddəsinə əsasən inzibati xətaya görə inzibati tənbeh almış şəxsin eyni xətanı inzibati tənbeh vermə haqqında qərar qüvvəyə mindiyi gündən bir il ərzində təkrar törətməsi ağırlaşdıran hallar kimi nəzərə alınır. İnzibati xəta törətmiş Şəxs əməlində eyni xətanı inzibati tənbeh vermə haqqında qərar qüvvəyə mindiyi gündən bir il ərzində təkrar törətməsi məsuliyyəti ağırlaşdıran hallardır. İnzibati xəta törətmiş Şəxs əməlində məsuliyyəti yüngülləüşdirən hallar yoxdur Azərbaycan Respublikası İXM-nin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Məhkəmə inzibati xəta törətmiş Şəxs inzibati tənbeh tətbiq edərkən onun törətdiyi xətanın xarakterini, şəxsiyyətini, təqsirinin dərəcəsini, iş üzrə məsuliyyəti yüngülləşdirən halın olmamasını və iş üzrə məsuliyyəti ağırlaşdıran halın olmasını nəzərə alaraq, onu qanunlara əməl edilməsi ruhunda tərbiyələndirmək məqsədilə, cərimə növündə tənbeh tətbiq etməyi kifayət hesab etməyərək, barəsində təqsirli bilindiyi maddənin sanksiyasında nəzərdə tutulmuş inzibati həbs növündə tənbeh tətbiq edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 53, 114, 115, 128-130-cu maddələrinə rəhbər tutub, məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinib 05 (beş) gün müddətə inzibati həbs edilsin. İnzibati həbs etmənin əvvəli 07 sentyabr 2023-ci il tarixdən saat 11:20-dən hesablansın. Qərardan rəsmi qaydada verildiyi vaxtdan 10 gün müddətinə Lerik Rayon Məhkəməsi vasitəsi ilə Şirvan Apelyasiya Məhkəməsinə apelyasiya şikayəti verilə bilər. Hakim: Atabəy Kiçibəyov