Lerik Rayon Məhkəməsi Qərar — İş №3(048)-65/2025

Azərbaycan Respublikası adından QƏRAR Lerik rayonu İş № 3(048)-65/2025 18.02.2025 LERİK RAYON MƏHKƏMƏSİ Hakim Xəlilov Rövşən Elbrus oğlunun sədrliyi, məhkəmə iclasının katibi Mirzəyev Faiq Fizuli oğlunun katibliyi, barəsində inzibati xəta haqqında iş üzrə icraat aparılan şəxs Şəxs və müdafiəçisi fərdi qaydada fəaliyyət göstərən vəkil X4, tələbkar Zərərçəkmiş şəxs və inzibati xəta haqqında protokol tərtib etmiş səlahiyyətli orqan - Lerik Rayon İcra və Probasiya Şöbəsinin icra məmuru X1 iştirakı ilə, xx.xx.1993-cü ildə Bakı şəhərində anadan olmuş, Azərbaycan Respublikası vətəndaşı, orta təhsilli, evli, işləməyən, Lerik rayonunun Mondigah kəndində qeydiyyatda olan və yaşayan Şəxs barəsində Lerik Rayon İcra və Probasiya Şöbəsi tərəfindən Azərbaycan Respublikasının İnzibati Xətalar Məcəlləsinin (bundan sonra mətndə İXM-nin) 528.1-1-ci maddəsi ilə tərtib edilmiş inzibati xəta haqqında protokol və ona əlavə edilmiş inzibati xəta haqqında iş üzrə icraat materiallarına məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Şəxs Bakı şəhəri Xəzər Rayon Məhkəməsinin 2(003)-2096/2021 nömrəli, xx.xx.2021- ci il tarixli icra vərəqəsinin icrası ilə əlaqədar icra məmurunun qanuni tələblərini yerinə yetirmədiyinə görə Lerik Rayon İcra və Probasiya Şöbəsinin icra məmuru Dilqəm Mütəllimli tərəfindən Şəxs barəsində İXM-nin 528.1-1-ci maddəsi ilə 18 fevral 2025-ci il tarixli MN № ******* saylı inzibati xəta haqqında protokol tərtib edilərək baxılması üçün Lerik Rayon Məhkəməsinə göndərilmişdir.Həmin protokola əsasən Şəxsun Bakı şəhəri Xəzər Rayon Məhkəməsinin 2(003)-2096/2021 nömrəli, xx.xx.2021- ci il tarixli icra vərəqəsinə əsasən 11500 manat aliment borcu vardır. Məhkəmə iclasında dindirilmiş Lerik rayon İcra və Probasiya Şöbəsinin icra məmuru X3 bildirmişdir ki, Bakı şəhəri Xəzər Rayon Məhkəməsinin 2(003)-2096/2021 nömrəli, xx.xx.2021- ci il tarixli icra sənədinə əsasən birgə nikahdan doğulmuş 30 yanvar 2014-cü il təvəllüdlü X6, 06 fevral 2015-ci il təvəllüdlü X7, 01 mart 2018-ci il təvəllüdlü X2 və 11 sentyabr 2020-ci il təvəllüdlü X5 anaları Zərərçəkmiş şəxs yanında saxlanılmalı, Şəxs Zərərçəkmiş şəxs xeyrinə 30 yanvar 2014-cü il təvəllüdlü X6, 06 fevral 2015-ci il təvəllüdlü X7, 01 mart 2018-ci il təvəllüdlü X2 və 11 sentyabr 2020-ci il təvəllüdlü X5 yetkinlik yaşına çatanadək saxlanması üçün 20 aprel 2021-ci il tarixdən başlayaraq hər ay hər uşaq üçün 50 manat, cəmi 200 manat sabit pul məbləğində aliment tutulmalı, cavabdeh Şəxs 10 (on) manat məbləğində dövlət rüsumu tutularaq dövlət gəlirlərinə alınmalıdır. Həmin icra sənədi xx.xx.2021-ci il tarixdə şöbənin icraatına daxil olmuş, müvafiq qərarla icraata başlanılmış, zəruri icra tədbirləri görülmüş, borclunun əmlak vəziyyəti yoxlanılmış, hər hansı gəliri müəyyən edilməmişdir. Borclu borcunu ödəmədiyinədən barəsində İXM-in 528.1-ci maddəsi ilə 2024-cü il tarixdə inzibati xəta haqqında protokol tərtib edilmiş və Lerik Rayon Məhkəməsinin xx.xx.2024-cü il tarixli qərarın ilə 10 gün müddətinə inzibati qaydada həbs edilmişdir. Borclu həmin müddətdən sonra da borcunu ödəmədiyinədən icra tədbirləri davam etdirilmiş, borclu Şəxs yaşadığı yeri müəyyən etmək mümkün olmadığından barəsində xx.xx.2025-ci il tarixdə axtarış elan edilmiş və borclu Lerik rayon Polis şöbəsi tərəfindən saxlanılaraq axtarışla icra şöbəsinə gətirilmişdir. İcra şöbəsində borclu Şəxs izahatı alınmış izahatında heç bir yerdə işləmədiyindən aliment borcundan ödəniş edə bilməyəcəyini bildirmişdir. Hazırda borclu Şəxs icra sənədi üzrə ödənilməyən 11500 manat məbləğində aliment borcu vardır. Göstərilənləri nəzərə alaraq borclu barəsində ədalətli qərar qəbul edilməsini məhkəmədən xahiş etmişdir. Məhkəmə iclasında iştirak edən zərərçəkmiş şəxs (tələbkar) Zərərçəkmiş şəxs izahatında sonuncu aliment borcudan heç bir ödəniş olunmadığını, aliment borcunun tam şəkildə ödənilməsini tələb etdiyini bildirdi. Barəsində inzibati xəta haqqında iş üzrə icraat aparılan şəxs Şəxs izahatında hazırda maddi imkanı olmadığından aliment borcundan hər hansı bir məbləğdə ödəniş edə bilmədiyini, lakin torpağının olduğunu, onu satıb aliment borcunu ödəyəcəyini bildirdi. Məhkəmə iclası zamanı müdafiəçi fərdi qaydada fəaliyyət göstərən vəkil X9 çıxışında, barəsində inzibati xəta haqqında iş üzrə icraat aparılan şəxs Şəxs heç yerdə işləmədiyini nəzərə alaraq onun barəsində yüngül inzibati tənbeh tədbiri tətbiq edilməsini xahiş etdi. İnzibati xəta haqqında iş üzrə icraat materiallarından görünür ki: Bakı şəhəri Xəzər Rayon Məhkəməsinin 2(003)- 2096/2021 nömrəli, xx.xx.2021-ci il tarixli icra sənədindən görünür ki, birgə nikahdan doğulmuş 30 yanvar 2014-cü il təvəllüdlü X6, 06 fevral 2015-ci il təvəllüdlü X7, 01 mart 2018-ci il təvəllüdlü X2 və 11 sentyabr 2020ci il təvəllüdlü X5 anaları Zərərçəkmiş şəxs yanında saxlanılmalı, Şəxs Zərərçəkmiş şəxs xeyrinə 30 yanvar 2014-cü il təvəllüdlü X6, 06 fevral 2015-ci il təvəllüdlü X7, 01 mart 2018ci il təvəllüdlü X2 və 11 sentyabr 2020-ci il təvəllüdlü X5 yetkinlik yaşına çatanadək saxlanması üçün 20 aprel 2021-ci il tarixdən başlayaraq hər ay hər uşaq üçün 50 manat, cəmi 200 manat sabit pul məbləğində aliment tutulmalı, cavabdeh Şəxs 10 (on) manat məbləğində dövlət rüsumu tutularaq dövlət gəlirlərinə alınması qət edilmişdir. Lerik rayon İcra və Probasiya şöbəsinin xx.xx.2021-ci il tarixli icraata başlamaq haqqında qərarından görünür ki, Bakı şəhəri Xəzər Rayon Məhkəməsinin 2(003)- 2096/2021 nömrəli, xx.xx.2021-ci il tarixli icra sənədi üzrə icraata başlanılmış, qərar, tələbin könüllü icrası ilə bağlı bildiriş icra edilməsi üçün borcluya, məlumat üçün tələbkara və məhkəməyə göndərilmişdir (təqdim edilmişdir). Lerik Rayon Məhkəməsinin xx.xx.2024-cü il tarixli 3(048)-217/2024 saylı qərarından görünür ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanın törədilməsində təqsirli bilinib 10 (on) gün müddətinə inzibati qaydada həbs edilməsi və həbsdə saxlama müddətinin əvvəli 16 sentyabr 2024-cü il tarixdən, saat 17:45-dən hesablansı qərara alınmışdır. Tələbin könüllü icrası haqqında bildirişdən görünür ki, icraata başlamaq haqqında qərarın surəti Şəxs göndərilmiş, ona məhkəmə qətnaməsinin icra edilməməsinə görə məsuliyyəti izah olunmuşdur. Mərkəzləşdirilmiş informasiya sistemindən Çıxarışdan və izahatından görünür ki, Şəxs heç bir növ əmək pensiyası və sosial müavinət almır. Məhkəmə hesab edir ki, Şəxs tərəfindən inzibati xətanın törədilməsi onun izahatı, icra məmurunun ifadəsi, «inzibati xəta haqqında» protokolla və işdə olan digər sənədlərlə tam təsdiq olunur. Belə ki, Azərbaycan Respublikasının İXM-nin 528.1-1-ci maddəsinə əsasən Bu Məcəllənin 528.1-ci maddəsində nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərarın qanuni qüvvəyə mindiyi gündən bir il ərzində eyni icra sənədinə münasibətdə təkrar törədilməsinə görə fiziki şəxslər min manatdan min beş yüz manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla iki ayadək müddətə inzibati həbs tətbiq olunur, vəzifəli şəxslər iki min beş yüz manatdan dörd min manatadək məbləğdə, hüquqi şəxslər beş min manatdan yeddi min manatadək məbləğdə cərimə edilir Məhkəmə inzibati icraatda iştirak edən şəxslərin izahatını dinləyib, inzibati xəta haqqında 18 fevral 2025-ci il tarixli MN № ******* saylı protokolu və ona əlavə edilmiş sənədləri araşdıraraq hesab edir ki, Şəxs məhkəmə qərarının icrası ilə əlaqədar icra məmurunun tələblərini yerinə yetirməmiş, İXM-in 528.1-ci maddəsində nəzərdə tutulmuş xətanın inzibati inzibati tənbeh vermə haqqında qərarın qanuni qüvvəyə mindiyi gündən bir il ərzində eyni icra sənədinə münasibətdə təkrar törətmiş və bununla da o, İXM-nin 528.1-1-ci maddəsində nəzərdə tutulmuş inzibati xətanı törətmişdir. Ona görə də onun barəsində həmin maddənin sanksiyası həddində inzibati tənbeh tədbiri tətbiq edilməlidir. Azərbaycan Respublikasının Mülki Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyası partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. İXM-nin 32.2-ci maddəsinə əsasən inzibati xəta törətmiş Şəxs qarşı inzibati tənbeh tətbiq edilərkən inzibati xətaya görə məsuliyyəti yüngülləşdirən və ağırlaşdıran hallar nəzərə alınmalıdır. İnzibati xəta törətmiş Şəxs əməlində inzibati xətaya görə məsuliyyəti yüngülləşdirən və ağırlaşdıran hallar müəyyən olunmadı. İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə məhkəmə, inzibati tənbeh tətbiq edərkən xətanın xarakterini, inzibati xəta törədən şəxsin şəxsiyyətini, təqsirinin dərəcəsini, əmlak vəziyyətini, məsuliyyətini yüngülləşdirən halları və məsuliyyətini ağırlaşdıran halların olmamasını nəzərə alaraq inzibati xəta törətmiş şəxs Şəxs barəsində inzibati həbs növündə inzibati tənbehin tətbiq edilməsini mümkün hesab edir. Qeyd olunanlara əsasən İXM-nin 40, 43, 53, 115 və 198-130-cu maddələrini rəhbər tutub, məhkəmə QƏRARAALDİ: Şəxs Azərbaycan Respublikası İnzibati Xətalar Məcəlləsinin 528.1-1 maddəsində nəzərdə tutulmuş inzibati xətanı törətməkdə təqsirli bilinib 20 (iyirmi) gün müddətə inzibati həbs edilsin. İnzibati həbs etmənin əvvəli 18 fevral 2025-ci il tarixdən saat 17:55-dən hesablansın. Qərarın icrası Lerik rayon Polis şöbəsinə həvalə edilsin. Qərarın surəti rəsmi qaydada verildiyi gündən 10 gün müddətində qərardan Lerik rayon Məhkəməsi vasitəsi ilə və ya birbaşa Şirvan Apellyasiya Məhkəməsinə apellyasiya şikayəti verilə bilər. Hakim: Rövşən Xəlilov