Lerik Rayon Məhkəməsi Qərar — İş №3(048)-79/2025

Azərbaycan Respublikası adından QƏRAR Lerik rayonu İş № 3(048)-79/2025 03.03.2025 LERİK RAYON MƏHKƏMƏSİ Lerik Rayon Məhkəməsinin hakimi Zeynalov Yusif Səmədağa oğlunun sədrliyi, Məhkəmə iclas katibi Zəkiyev Vüsal Asif oğlunun katibliyi, Lerik rayon İcra və Probasiya şöbəsinin icra məmuru – X1, Zərərçəkmiş şəxs (tələbkar) Zərərçəkmiş şəxs1, Barəsində inzibati xəta haqqında iş üzrə icraat aparılan şəxs – Şəxs iştirakı ilə, xx.xx.1967-ci il tarixdə Lerik rayonu, Veri kəndində anadan olmuş, Azərbaycan Respublikasının vətəndaşı, subay, orta təhsilli, işləməyən, Lerik rayonu, Camaşair kəndində qeydiyyatda olan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətməsinə dair inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair Lerik rayon İcra və Probasiya şöbəsinin icra məmuru X4 tərəfindən tərtib edilmiş 03 mart 2025-ci il tarixli MN seriyalı ******* nömrəli inzibati xəta haqqında protokol məhkəməyə təqdim edilmişdir. Məhkəmə iclasında iştirak edən inzibati xəta haqqında protokolu tərtib etmiş Lerik rayon İcra və Probasiya şöbəsinin icra məmuru X4 izahatında bildirdi ki, Lerik Rayon Məhkəməsinin 2(048)-508/2020 saylı, xx.xx.2020-ci il tarixli icra sənədinə əsasən cavabdehlər Şəxs 800 (səkkiz yüz) manat pul və X2 200 (iki yüz) manat pul tutularaq iddiaçı Zərərçəkmiş şəxs2 verilməsi qərara alınmışdır. İcra sənədi xx.xx.2021-ci il tarixdə Lerik rayon İcra və probasiya şöbəsinin icraatına daxil olmuş, müvafiq qərarla icraata başlanılmış, zəruri icra tədbirləri görülmüş, borclunun əmlak vəziyyəti yoxlanılmış, hər hansı gəliri müəyyən edilməmişdir. Bundan başqa Lerik Rayon Məhkəməsinin 2(048)- 148/2020 saylı, xx.xx.2020-ci il tarixli icra sənədinə əsasən Şəxs 300 (üç yüz) manat borc pul və dövlət rüsumunun əvəzi olaraq 20 (iyirmi) manat pul tutularaq iddiaçılar X5 və Zərərçəkmiş şəxs1 verilməlidir. İcra sənədi xx.xx.2020-ci il tarixdə Lerik rayon İcra və probasiya şöbəsinin icraatına daxil olmuş, müvafiq qərarla icraata başlanılmış, zəruri icra tədbirləri görülmüş, borclunun əmlak vəziyyəti yoxlanılmış, hər hansı gəliri müəyyən edilməmişdir. Lerik Rayon Məhkəməsinin 2(048)-508/2020 saylı, xx.xx.2020-ci il tarixli icra sənədinə əsasən X2 Zərərçəkmiş şəxs2 xeyrinə tutulmalı olan 200 (iki yüz) manat pul Zərərçəkmiş şəxs2 ödənildiyindən xx.xx.2022-ci il tarixli qərarla həmin hissədə icra sənədi üzrə icraata xitam verilmişdir. Borclu Şəxs yaşadığı yeri müəyyən etmək mümkün olmadığından barəsində xx.xx.2021-ci il tarixdə axtarış elan edilmiş və borclu şəxs Lerik rayon Polis şöbəsi tərəfindən axtarışla icra şöbəsinə gətirilmişdir. İcra şöbəsində borclunun izahatı alınmış və izahatında Zərərçəkmiş şəxs2 600 (altı yüz) manat, Zərərçəkmiş şəxs1 isə 320 (üç yüz iyirmi) manat borcunun olduğunu bildirmiş, həmin borc məbləğlərini hissə-hissə ödəyə biləcəyini bildirmişdir. Göstərilənləri nəzərə alaraq borclu barəsində ədalətli qərar qəbul edilməsini məhkəmədən xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs izahatında bildirdi ki, onun Zərərçəkmiş şəxs2 600 (altı yüz) manat, Zərərçəkmiş şəxs1 isə 320 (üç yüz iyirmi) manat məbləğində borcu vardır. İcra məmuru ilə telefon danışığı zamanı hər ay borcundan 20 (iyirmi) manat ödəniş etmək imkanın olduğunu bildirsə də, sonradan maddi imkanı olmadığından borcu ödəməyə bilməmişdir. Hazırda borcu hissə-hissə ödəyə biləcəyini nəzərə alaraq barəsində yüngül cəza təyin edilməsini xahiş etmişdir. Məhkəmə iclasında iştirak edən zərərçəkmiş şəxs (tələbkar) Zərərçəkmiş şəxs1 izahatında bildirdi ki, Lerik Rayon Məhkəməsinin 2(048)-148/2020 saylı, xx.xx.2020-ci il tarixli icra sənədinə əsasən Şəxs 300 (üç yüz) manat borc pul və 20 (iyirmi) manat dövlət rüsumu tutularaq ona verilməlidir. Borclu şəxs hazırki vaxtadək borc məbləğindən heç bir ödəniş etməmişdir. Borcunun tam olaraq ödənilməsini tələb edir. Məhkəmə proses iştirakçılarının izahatlarını dinləyib və inzibati xəta haqqında işin materiallarını araşdıraraq hesab edir ki, Şəxs Azərbaycan Respublikasının İXM-nin 528.1ci maddəsində nəzərdə tutulmuş inzibati xətanı törətməsi tam sübuta yetirilir. Belə ki, iş materiallarında olan Lerik Rayon Məhkəməsinin 2(048)-508/2020 saylı, xx.xx.2020-ci il tarixli icra sənədindən görünür ki, cavabdehlər Şəxs 800 (səkkiz yüz) manat pul və X2 200 (iki yüz) manat pul tutularaq iddiaçı Zərərçəkmiş şəxs2 verilməlidir. İş materiallarında olan xx.xx.2021-ci il tarixli qərardan görünür ki, Lerik Rayon Məhkəməsinin 2(048)-508/2020 nömrəli, 26 oktyabr 2020-ci il tarixli icra sənədi üzrə Lerik rayon İcra şöbəsi tərəfindən icraata başlanılmışdır. İş materiallarında olan Lerik rayon İcra və Probasiya şöbəsinin xx.xx.2022-ci il tarixli icraata xitam verilməsi haqqında qərarından görünür ki, borclu X6 200 (iki yüz) manat borc məbləğini ödədiyindən Lerik Rayon Məhkəməsinin 2(048)-508/2020 nömrəli, xx.xx.2020-ci il tarixli icra sənədi üzrə icraata borclu X3 aid hissədə xitam verilmişdir. İş materiallarında olan Lerik Rayon Məhkəməsinin 2(048)-148/2020 saylı, xx.xx.2020-ci il tarixli icra sənədindən görünür ki, Şəxs 300 (üç yüz) manat borc pul və dövlət rüsumunun əvəzi olaraq 20 (iyirmi) manat pul tutularaq iddiaçılar X5 və Zərərçəkmiş şəxs1 verilməlidir. İş materiallarında olan xx.xx.2020-ci il tarixli qərardan görünür ki, Lerik Rayon Məhkəməsinin 2(048)-148/2020 saylı, xx.xx.2020-ci il tarixli icra sənədi üzrə Lerik rayon İcra şöbəsi tərəfindən icraata başlanılmışdır. İş materiallarında olan Lerik rayon İcra və Probasiya şöbəsinin xx.xx.2021-ci il tarixli qərarından görünür ki, icra tədbirləri nəticəsində borclu Şəxs yaşadığı yeri müəyyən etmək mümkün olmadığından barəsində axtarış elan edilmişdir. Göründüyü kimi Şəxs qanunvericiliyin qeyd olunan tələblərini pozaraq heç bir üzrlü səbəb olmadan icra sənədlərini qanunla müəyyən olunmuş müddətdə və qaydada icra etməmiş, icra məmurunun qanuni tələbini yerinə yetirməmişdir. Borclu Şəxs yaşadığı yeri müəyyən etmək mümkün olmadığından barəsində axtarış elan edilmiş və axtarışla gətirilmişdir. Borcluya ödəniş edilməsi ilə bağlı xəbərdarlıq edilməsinə baxmayaraq, üzürsüz səbəbdən öhdəliyini yerinə yetirməkdən yayınmışdır. Belə olan halda məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə məsuliyyətə cəlb olunmalıdır. Azərbaycan Respublikasının İnzibati Xətalar Məcəlləsinin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. «İcra haqqında» Azərbaycan Respublikasının Qanununun 3-cü maddəsindən görünür ki, məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. «İcra haqqında» Azərbaycan Respublikası Qanununun 82.1-ci maddəsinə əsasən borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. Azərbaycan Respublikasının İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə qeyd edir ki, Şəxs məsuliyyəti yüngülləşdirən və ağırlaşdıran hallar müəyyən edilmədi. Məhkəmə törədilmiş inzibati xətanın xarakterini, Şəxs şəxsiyyətini xarakterizə edən halları, təqsirinin dərəcəsini, əmlak vəziyyətini və icra sənədlərində göstərilən borcunu heç bir üzürlü səbəb olmadan ödəmədiyini nəzərə alaraq hesab edir ki, Şəxs inzibati həbs növündə inzibati tənbeh tətbiq edilməlidir. İnzibati həbsin əvvəli 03 mart 2025-ci il tarixdən, saat 13:45-dən hesablanmalıdır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 114-117, 128-130 və 528.1-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanın törədilməsində təqsirli bilinsin və 08 (səkkiz) gün müddətinə inzibati qaydada həbs edilsin. Həbsdə saxlama müddətinin əvvəli 03 mart 2025-ci il tarixdən, saat 13:45-dən hesablansın. Qərarın icrası Lerik rayon Polis şöbəsinə həvalə edilsin. Qərar dərhal icra olunsun. Qərarın surəti rəsmi qaydada verildiyi gündən 10 (on) gün müddətində qərardan Lerik rayon Məhkəməsi vasitəsilə və ya birbaşa Şirvan Apellyasiya Məhkəməsinə apellyasiya şikayəti verilə bilər. Hakim: Yusif Zeynalov